حوار كيف قضيت آخر أيامك في بلدك ..؟

^^^
تهورت من جد ،،

الموضوع قلبتوه نياح وعويل ،،

شخصيا باقي من رحلتي شهر بالتمام والكمال بس جالس أحضر نفسي في إختبار التوفل ،، وبعدين كلها 10 سنين لو طالت ،، يعني نقول لو عشت سبعين سنة تمثل السبع من عمرك وهو شيء قليل جدا ،، بس المهم وش اللي تبي تحققه خلال هالفترة ،،

السلام عليكم
الصراحه انا شفت الموضوع وفااضت القريحه ههههه حلوه القريحه انا يوو جيت امشي الصراحه يوم الوداع يوم مفصلي جداً انا انساان مكااابر جداً الدمعه عند وداااع الاهل رفضت تطلع الى يوم شفت الرياض على طلعت الشمس من الطيااره من فوق ((التعبير دمااار اعذرونا))
بالطبع انا انساان احب المكشاايت جداً اكثر شي شلة همه قبل مامشي البر هههه بس قلت البراان ان شاءالله ملحوق عليها وبا الطبع كانت مرحله مفصليه الصراحه التفكير بالمكشاايت اه بس يازين البر انتم بتقولون هالحين عندك هالخضاار والفله بس انا وجه فقر هههههه احب الارض الصفراء ههههه على العموم انا اذا ابعدت عن الرياض 10 ايام اشتقت للرياض فكيف يوم اترك الرياض بس ياشباب وياصبايا لاتشيلون هم عاادي انا اول ماوصلت امريكا فهيت حسيت اني بفلم هههههه جدو واجتهدو وباذن الله الفرحه الكبيره الرجعه بالشهااده وصدقوني انا جربت الشعور عند العوده للوطن وتوقع الطياره على مدرج مطار الملك خالد
خاصه اول مره شعور لايوصف تحس ان الريااض بيتك ... الغربه تراه سهله مره يالله لك الحمد فيه نت وماسنجر تشوف اهلك كل يوم وش ضر الي ابتعثو قبلنا ورجعو بالشهادات الي تبيض الوجه بعد توفيق الله انا جربت الغربه لاتحسبه زي تفكيرك وانت بالسعوديه الامور سهالات جداً يالله لك الحمد ومع الدراسه والانشغال وطول الوقت بيصير الوضع عاااادي جداً ومصيركم باذن الله ترجعون وتملوون من خشش اهلكم بأذن الله باذن الله
والسلاااام خير ختاااااااااام الله يوفقنا ويوفقكم ونشوف الوالدين ووالديكم على خير ومحبه وسعاده ان شاءالله

ااااااااخ بس .
باقي على سفري اسبوعين و مييييييييييتة من الخوف

اخر ايامي كنت مستكن في البيت لا اخرج ولا اروح ولا اجي ، مو حب في البيت لكن كسل مني كالعادة
اما اخر يوم قبل ساعتين من السفر كنت بغطى السيارة و في نفس الوقت جالس اطقطق على راس صاحبي ، كان معاه حرقان ( لقافة ) يبي يعرف ليش انا مسافر ووين انا رايح ؟ قلت له امريكا ماصدقني !! قمت قلت له رايح اخذ كم صورة في جبال ابها ( معرف فين موقعها من الخريطة السعودية اصلا ) . و اليوم الثاني لما رفعت صور ولاية فرجينيا على الفيس هو اول شخص اتصل فيني و كان مصدوم هههه

أنا مسافر بعد يومين (( أن شاء الله ))

طقوس :
الأهل (( أحاول ماتشوف الوالدة الأغراض اللي مشتريها لأنها كل ماشافت شئ تقوم وتبكي لين ماتنام )) وهذا هو اللي محزني أكثر شئ

أخواني الصغار وااقاربي الصغار (( أخذتهم للألعاب يوم الاربعاء وساتهم وحنا في الطريق راجعيين وشو شعورك وانو محمد بيسافر << قالوا كلام ماينقال وهم في سنهم واخر ثلاثة بكوا وصراحة انا بكيت معهم ))

أخوياي (( صراحة سوولي حفلة في استراحة ووقتها بكيت مشغلين >> في سلم الطائرة لطلال المداح

وانا والله شعوري حزين على شويت قلق على خوف

والله ييسرها من عنده

اصعب مافي الموضوع فقدان الدلال بعد الاعتياد عليه ...من الصعب ان تترك ماتحظى به من عنايه ممن هم حولك الذين يبالغون في عطائهم
ابكي وبصوت عال بداخلي ولكن احاول ان ابقى الشخص المبتسم...فعلا سافتقر هذا الكم الهائل من الحنان
واجمل مافي الموضوع اني تركت الدلال والاهل والاحبه وبدلته بالكدح من اجل العلم
الفراق مؤلم لاتستطيع البوح بمكنونك لمن هم حولك خشية ان لاتستطيع الحفاظ على راباطة جأشك اشعر بالتشتت وتوقف الزمن
يريحني ان الله موجود بكل مكان

الحقيقة أن الحزن استعمر قلبي هذه الأيام وأحاول أن لا تتلاقى عيني بعين والدتي واخوتي

ولا أخفيكم أنني فاشلة في التعبير عن مشاعري لذلك أفكر في كتابة رسائل لاخواتي

ولوالدتي

أطلب منهم أن يسامحوني ع قراري هذا وع وإيلام قلوبهم

وأن يعتنوا بأوراقي ودفتر يومياتي وأن لايفتحوها أبداً لحين عودتي

و.......

قبل الرحله ب 10 ساعات تقريبا كنت بالبر هع اجواء مطر وثلج واحلى تمشيه مع اخوي والوالد ..ويوم رجعت البيت الجو قلب حزن اجر شناطي والدمعه بالعين خلاص بتنزل لاان اخواني واخواتي دموعهم اشوفها والوالده لاتعليق ..الوكاد ان السعوديه جنه ..موضوع روعه

بقي 28 يوم على رحلتي ..
الله يصبرني ويعيني ..

أنا رجعت بالصيف ، والان لي حوالي الشهر في امريكا ، كأنه أول شهر لي فعلا !!! رجعت للاكتئاب والتفكير بالوالدين والحنين للاهل . ليتني مارجعت لهم الصيف وخليتني على حالي .