والله بكاني كلامك والله يستر من هذاك اليوم وان شاء الله ربي يقويني ..
واهم شي نتذكر بعدين لما نفرحهم بنجاحنا و نرفع راسهم يارب ..,,
عرض للطباعة
السلام عليكم و رحمة الله و بركاته على الجميع...
كلماتكم جياشة...
استمتعت بالموضوع....
التعبير عن مافي النفس بكل عفوية رائع...
الله يسهلها عليكم أجمعين....متابعون!
____________________________________
حياك الله أختي...
هذي نفس البطاقة اللي معي...
أخذتها من الأهلي و ممكن تشحنيها بالانترنت بعد ما تسوين لك حساب على النت...و عن طريق النت تحولين من حسابك الجاري لها...أنا أشوف أنها أكثر أمان و أفضل.
و فعلا أنا عن نفسي راح أسوي مثلكم...
ممكن إني أسحب مصروفي كل اسبوع و ادفع كاش و خلاص.
الله يوفقكم يا اخت تحدي و يسهلها عليك و على عايلتك الكريمة و توصلون بالسلامة يارب.
دعوات من القلب ..
يا أخي الله ينور دريك وييسر أمرك ويفرجها علينا على كل المبتعثين والمبتعثات .
الله يفتحها في وجيهنا يارب ويوسع علينا الرزق ويتمم علينا العافية يارب العالمين .
الله يوفق كل مبتعث ومبتعثة ....
ومهما صار فراق الأحبة شي مو سهل لكن الحمد لله وسائل الإتصال متنوعه
أعقد بنكين تعاملت معهم الأهلي وسامبا وعرفت قيمة بنك الراجحي لما فتحت في هالبنكين حساب ، بنك الراجحي رغم سلبياته يظل الأفضل .
ممكن توكل أحد ينوب عنك في التعاملات المصرفية بس لازم من السعودية لإن ماينفع توكل وأنت بأمريكا أنا حاولت أخلي وحدة من أخواتي تراجع البنك الأهلي للتحويل من بطاقتي الصراف لبطاقة الماستر كارد ورفضوا قالوا لازم حضوري .
بالتوفيق إن شاء الله .
ما اقدر اوصف لكم شعوري وانا متخيل اني في بلد غير السعودية وفي مدينة لا توجد بها الوالدة - الله يحفظها - ..
ماني متخيل اني اقدر انام بدون ان اسمع صوت اخوي وهو يذاكر او اخوي الصغير وهو يزعجني ..
ماني متخيل اني اقدر اعيش بدون رؤية وجه الوالدة او دعواتها لي او تقبيل اياديها او حتى عندما تزعل علي ..
ماني متخيل اني اقدر اعيش بدون ان ارى والدي العزيز والابتسامه تعلو محياه ..
ياااانااااااس والله الفراق صعب .. عطونا حلوووول شي نسويه يوم السفر ..
حتى يوم جيت مسافر لجدة لقيت الوالدة تبكي .. وكل مرة تقولي متى بنشوفك ..
ياناس شوفولي حل مع الوداع ..
...
انا ما اعيب الا على حاجة وحدة .. هي دولة الصين - الله لا يسامحها - ..
لانها صنعت كل حاجة ونسيت اهم حاجة .. القلب الحجري .. ليش ما صنعوا قلب من صخر علشان ما يتأثر بالوداع ..
...
هذا الموضوع ممكن نكتب عليه ..: للحزن فقط :.. وممكن نكتب عليه ..: لشحذ الهمم :..
وانا عن نفسي بأجعلها للثنتين ..
...
باقي لي تقريبا شهر وادخل في هذه اللحضات الصعبة ( لحضات الوداع ) .. الله ييسرها ياااااااااارب ..
ولكن بالنسبة لجو الوداع فقد دخلت فيه منذ ان بدأت في التفكير باكمال دراستي في الخارج ..
...
دعواتكم لي بالتيسير ..
تحياتي لكم ..
ههههههههههههههههههه سبحان الله نفس شعوري قبل لاسافر بالضبط
والله ياشباب اول يومين يبي يجيكم هم مايعلم به الا الله ,, بعدهآ بكم اسبوع ان شاء الله تقول مادري كيف عشت طول عمري بالسعوديه
انا اول يومين قسم بالله جاني طفش وضيقت صدر وهم ,, كنت اقول كيف اهلي ودوني وكيف خلوني اروح لحالي
والحين صرت ادعي لهم ليل نهآر انهم وافقوني الخطوه وسفروني ض1
الله يوفقكم ويسهل اموركم ان شاء الله
يقلــكم في محشــش يقــول لآمـــه : يمـــه يمـــه ترانــــي شريــــت فيديــــو ،،
قالــت : ماشــاء اللــــه ،، مــن ويــن لكـ الفلــــوس ؟ قـــال : بعــــت التلفزيـــــون ــــ
ماعلينــــــــــــــآ
هـــذآ المحـــشش نفــس حالتـــي قبـــل السفــــر ،،
أكثـــر شئ سويتــــــــه وأكثـــر شــئ فكــــرت فيـــه قبـــل السفــــر هــو / متــى برجـــع السعوديـــه ؟
وفعـــلآ هــذي أســـوأ فكـــــــرهـ ممكــــــن تخطـــر على بالـــــكـ ،، لآن بإختصــــار سلبياتهـــــا كثيــــــرهـ ،،
ودعـــت كــل أصحابـــــي قبــــل سفـــــــري بيـــــــــوم لآنــي تعهـــــدت هذاكـ اليــوم كــل أبـــوهـ بقعـــدهـ جنـــب أمـــي
وودعـــت أقاربـــي بعــــد ،، وودعـــــــت حتــــى (شفيـــق) إللـــي هـــو البنقـــالي حــق البقالــــه ،،
عـــاد هــو لــه مواقــف بطوليـــه معـــي ،، أهمهـــا التسليــــف من البقالـــه إذا كنـــت طفــراآن ،، المهــــــم
وآخـــر يــوم قعــدت فيـــه عـــند أحلــى أم في الكــــــون ،، طبعــآ كانــت مدلعتنــــي على الآخــــــــر ،،
الغــــــدآ كبســـــــه ،، وبعـــد الكبســــــه حــــــــلآ ،، وقهــوهـ ،، وشاهـــي ،، والعشــاء مشويــات ،، اللـــــــه يازين ذاكـ اليــوم
المهــــم بعــد ماغلقنــــــــآ ،، قلــت يالله توصيــــــن شئ ،،؟؟؟ قالـــت / بريــال ونـــص عيـــش << هع هع ،، آمــزح
بــس لآن أكثـــر طلــب كانـــت تطلبـــــه (بريـــال ونــص عيــش) وياويلـــي لو أجيــب برياليـــن عيـــش ،، لآزم بــريال ونـــص ،، مــدري ليــش ؟
شبـــــاب ،، واللـــــــه قريـــــت المــــــوضوع وكنـــت على وشــــــــكـ أبكــــــــي ،،
فغيـــرت رأيـــي وقلـــــــت بــدآل ماأزيـــد الطيـــــــن بلـــــــــه ،، خلنــــــي أتونـــــــس معكـــــم شـــوي ،،
وإلآ كلنـــــــا شعورنـــــــآ ســيئ يــــوم الــــــوداع ،،
لكـــن المهـــم مو الـــودآع ،، المهـــم هــل بعـــد هذآ الودآع ،، كانـــــت النتيجــــــه مشرفــه ؟
دمتــــم بـــود أحبتــــــي