الأعضاء الإشتراك و التسجيل

الملتقيات
ADs

لطلاب المرحله السادسه ضروري ومهم ! حنا والإشاعات لمتى يعني ؟!

لطلاب المرحله السادسه ضروري ومهم ! حنا والإشاعات لمتى يعني ؟!


NOTICE

تنبيه: هذا الموضوع قديم. تم طرحه قبل 4995 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية aw6an
    aw6an

    مبتعث مستجد Freshman Member

    aw6an كندا

    aw6an , أنثى. مبتعث مستجد Freshman Member. من السعودية , مبتعث فى كندا , تخصصى ثانوي , بجامعة السعد
    • السعد
    • ثانوي
    • أنثى
    • الخبر, الشرقيه
    • السعودية
    • Nov 2009
    المزيدl

    July 27th, 2010, 12:49 AM

    السلام عليكم ,

    كيفكم يامعذبين على الأرض ؟ > ماتقصد خريجين هالسنه ابد !
    المهم مالكم بالطويله بدخل دايركت


    1 -

    الحين حنا تخرجنا شي طبيعي رح نقدم على الجامعات !
    وش ذي الطلعه الجديده تقول لي خويتي انتي قدمتي على جامعه
    قلت لها اكيد بقدم !!
    قالت طلع لك مقعد ؟
    قلت لها ايه بس مارحت لموعد مقابلتي لاني مابي الجامعه ذي خير شر !!
    قالت خلاص ماتطلع لك بعثه لأن طلع لك مقعد في جامعه بالسعوديه !!
    طيب واذا طلع لي مقعد ؟
    خير يعني ؟
    انا ماقدمت اوراقي ولارحت لهم ولاسلمت ملفي وش ماتطلع لي بعثه !!
    يعني يبوني اجلس احتري متى تطلع البعثات عشان اقدم طيب انا وش يضمني البعثه
    توديني الدوله الي ابيها !!
    صحيح هالكلام او لا الحين ؟


    2-
    الحين انا ناويه اروح امريكا واحول
    وادري حتى لو واجهت صعوبه رح احاول استحمل
    ومجمعه بداخلي كميه صبر عشان اتحمل خخخـ
    ويقولون هم مايقدرون على الزززززن وانا شااااطره فييييه
    الاتقول لي خويه لااااااااا لاتختارين امريكا لو ناويه تحولين
    تقول التحويل في امريكا شي مستحيل !
    والطلاب الي هناك يعانون ومحد يعطيهم وجه وطردوهم !! > خيييييير
    وفيه ناس رجعوهم للسعوديه عشان سالفه التحويل ؟ > عسا ماشر
    لهالدرجه المعامله هناك بذا السوء ؟


    3-
    الحين صحيح مثلا انا وخوياتي وناس تقرب لي لو نبي نصير في ولايه وحده مانقدر ؟!



    :

    الله يخليكم ياليت تفيدونا ترا كلام الناس اقلقنا من قلب !!
    وانتم ياطلاب المرحله السادسه وش مخططاتكم ياليت نفيد بعض
    وياليت تقولون لنا عن اشاعات تسمعون عنها عشان نصك اذاننا عنها !!

    وسلامتكم
  2. السالفه الأولى .. اكدها الموسى بمقاله اللي بالجريده .

    اما السالفه الثانيه والثالثه .. اتوقع تلفييق لأن كل اقاربي ميسرلهم كل شي وما عانوا مثل كلامك ..

    المهم إن شاء الله تتيسر امورك وما نشوفك إلا ومعك الدكتوراه ..
    7 "
  3. التحويل من ولآيه لـ ولآيه ماياخذ إلا يوم واحد او اثنين بالكثير ولكن بالاول جيبي قبول جامعه ومعهد وسبب النقل .. وبكذا انتهت المشكله ..

    احنا اقرباء كان كل واحد في ولآيه .. والان احنا مع بعض وجيران بعض فالشقه

    فـ اعتقد انو الاشاعات مشكله < آحلف

    بالتوفيق
    7 "
  4. اهلاً ..
    بالنسبة إلى الطالب اللي انقبل في إحدى الجامعات
    لكن ما سلّم أوراقه للجامعة ..هل يُقبل في برنامج الابتعاث أم لا ؟
    ..... أرجو التأكد من هذي المعلومة ......
    لأن اللي فهمته من كلام "الموسى" غير !!!
    فهو يقول التالي :
    " وقال إن الوزارة ستقوم بمخاطبة جميع الجامعات فى المملكة بعد نهاية استقبال وثائق المتقدمين والمتقدمات للتأكد من أن الطالب قد أخذ فرصته وتم تسجيله في إحدى الجامعات أم لا. "
    لاحظ ..(( وتمّ تسجيله )) ..
    انا هذا اللي فهمته من الخبر .
    أرجو أن أي واحد يصحح ليي المعلومة إذا انا غلطان ..

    تحيّاتي ،،
    7 "
  5. اللي أعرفه والله أعلم

    طالما إن الشهادة الأصل لازالت معاك فما عندك أي مشكلة

    اما فيما يخص الأقار ووضعكم في مدينة واحدة فهذيصعبة لأن الوزارة هي اللي تجيب القبولات

    إلا إذا عرفتوا أي مكتب راح يوجهونكم له وتروحون تحاولون فيه فهذا كلام ثاني



    وفق الله الجميع
    7 "
  6. انتو ياشباب ما عليكم الا انكم تىخذون ورقة الضمان المالي وانت بعدها اذا ما تعرف احد بأمريكا او بأي مكان ثاني بيظبطك تروح لمكتب من المكاتب اللي موجوده بالرياض وتقوله انك تبغى تجيب قبول من الجامعه الفلانيه في الولايه الفلانيه وبيطلب منك أوراقك كامله اللي هي صورة جوازك والشهاده الثانويه العامه وصورة الضمان المالي و ... و ... و ... و ... وأمورك انشاء الله متيسره يارجال هونها وتهون

    وهذ رقم احدى المكاتب الموجودة في الرياض
    0567194864

    وشكرا ...
    7 "
  7. الله يكون بالعون بسس .~ كل يوم تطلع لنا بحاجة هالبعثه ماصاااارت ماكنت أتوقعها بالتعقيد هذا
    من جد يعني لو بغيت أدرس طب أسنان بأمركيا ما أقدر مافيه الا بإيطاليا والمجر والتشيك وهولندا .,
    كيف أدرس انجليزي بالدول هذي ولغاتهم تعور البطن .~ الله يعين بسس
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.