اترفضت الفيزا الدراسية بعد ما كانت مقبولة

السلام عليكم...

معليش سامحوني يا مشرفين كررت الموضوع بس عندي وجهة نظر..انو كل اللي طلعو الفيزا محيشوفي بوابة الفيزا خلاص..وقد نزلت موضوع مشابه ومحد فادني فيه...لذلك حطيت الموضوع تاني هنا...على امل احد يفيدني قبل ما اراجع الوزارة

كانت مقلبلتنا يوم 27 ابريل وقالنا القنصل مبروك الفيزا مقبولة...بس عشان بداية الدراسة بعيده 13 سبتمبر خذو الجوازات وارسلوها يوم 20 ماي واعطانا ورقة ختم عليها وقال ارسلوها مع الجوازات...
ارسلنا الجوازات يوم 20 ماي...اسبوع اسبوعين 3 ومافي خبر وكل ما ارسلنالهم ايميل قالو لسا ADMINISTRATIVE PROCESSING مع العلم انو انا وزوجي عندنا فيزا سياحية ورحنا فيها امريكا كم مره سياحة...
المهم الين امس 26 جولاي يعني 3 شهور بالزبط القنصل اللي عمل لنا الانترفيو دق على زوجي وقالو فين جوازك السابق؟ قالو منزمان مع الجوزات لما انتهى جوازي جددتو وخليت القديم عندهم...بس يوم الانترفيو اخذتو منو نسخة اللي هيا يسموها BIO PAGE وكمان برنت من كل السفرات...انتهت المكالمة على كده..
بعد ساعة رجع دق عليه وقالة للأسف رفضنا فيزتكم الدراسية وعملنا للفيزا السياحية حقتك REVOCATION يعني الغوها بس حقتي انا لأ لسا موجوده وحنرجعلكم الجوازات بعد يومين....
المهم طبعا اتقفلت الدنيا فوجهي وما عاد صرت اعرف ايش اسوي...
اللي مر بالتجربة هذي يخبرني ايش سوا مع الوزارة...اروحلهم؟؟ ولا ايش وايش ممكن يعملولي.. مثلا يحولوني على كندا مثلا؟؟؟

لا اله الا انت سبحانك اني كنت من الظالمين

لا يا اختي الكريمه احجزي موعد مره تاني وروحي السفار ولكـ الحق تقدمي مره ثاني بنفسي شفت اعضاء اترفضت فيزتهم وراحوا مره ثانيه ,,

امكن انتو عشان موعدكم كان مره بعيد ومع لخبطت الجواز القديم والجديد وارسال الجواز اتلغت الفيزا ,,,

لاني اعرف ان لازم يكون لجواز القديم موجود عندهم عشان التحريات تبعتهم فين سافرتوا وفين رحتوا ,, ولو تقدري روحي اطلبي الجواز مره تانيه من الجوازات ,,,

لانك لو دققتي في الموضوع راح تلقي انهم اتصلو يدوروا على الجواز القديم ولمن عرفوا انو ماهو موجود بعدساعه كنسلوا الموضوع

انا عن نفسي انصحك انك تستخيري وتقدمي مره ثانيه في سفارة الرياض ,, حتى لو كانت اول مره سفارة الرياض ,, ارجعي قدمي مره تانيه ,,
وهذا الشي شفتو مكتوب في موقع السفاره ان الشخص لو الحق يقدم كذا مره ,, بس يدفع الرسوم من جديد ولاكن السيفيس يظل كما هو ,,من غير رسوم الا اذا اتغير ,,

بس خذي معاكي الجواز القديم لو في حل ,,

والله يعينكــ

شكرا على ردك اختي...بس احس اني خلاص اتشائمت من الموضوع..امكن ربي ماهو كاتبلي الخيرة في امريكا...
شوفي انا اختي في كندا وامكن جات من ربي كده عشان اكون معاها..ما ادري والله مررره محتارة
بالنسبة للجواز القديم حق زوجي خلاص عند الجوازات واكيد اتلفوه...الفيزا السياحية في الجواز الجديد مو القديم...القديم له 3 سنين!
يعني منزمان...بس كان عندنا نسخة منو وهوا اللي اعطيناه القنصل يوم الانترفيو..عرفتي..
يلا الله يكتبلنا اللي فيه الخير