الأعضاء الإشتراك و التسجيل

الملتقيات
ADs

وش رايكم الابتعاث ولا كلية الملك فهد الامنية

وش رايكم الابتعاث ولا كلية الملك فهد الامنية


NOTICE

تنبيه: هذا الموضوع قديم. تم طرحه قبل 1802 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية BOOS
    BOOS

    مبتعث مستجد Freshman Member

    BOOS الولايات المتحدة الأمريكية

    BOOS , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى - , بجامعة جامعة الملك سعود
    • جامعة الملك سعود
    • -
    • ذكر
    • لسى, لسى
    • السعودية
    • Mar 2010
    المزيدl

    July 27th, 2010, 08:25 PM

    السلام عليكم ورحمة الله وبركاتة

    ياحلوين ابي رايكم

    الحمد لله عندي بعثة لامريكا تخصص حاسب الي لمرحلة الماستر على حساب الدولة

    وجاني قبول في كلية الملك فهد الامنية ( دورة 9 شهور ) واتخرج ملازم اول راتب شهري 3 الاف وعند التخرج شيك بـ 80 الف



    احترت ياخوان مادري وش اختار

    اسافر للابتعاث

    ولا التحق بالامنية

    عمري اللحين 23 سنه


    استشرت اهلي واقربائي

    الي يقول وش تبي في الابتعاث يابوي علق نجمتين وخلك من الفلسفه
    والي يقول الامنية حلوه ومستقبل بس خلاص نهايتك مرسومه ومافي مجال للابداع بس لو تطلع للماجستير
    صحيح بترجع راتب اقل بس الدنيا بتنفتح قدامك

    ابي ارائكم ياحلوين

    عشان استخير واحزم امري

    والله يوفق الجميع
    تحياتي لكم
  2. أتشرف كوني اول واحد يرد على موضوعك

    كل شخص له وضع وظروف معينه

    لاكن لو ابقول رايئ عامة وبدون ماعرف ولاشي عنك او وضعك ابقول ابتعاااااااااااااااااااااااااااااااااااااااااااااا اااااااااااث ومالك ومال العسكرية

    ابي اقول لك معلومة تعرف لو انت دكتور شوف دكتور ومتعلم وعارف ودخلت للعسكريه

    اللي اقدم منك برتبه يأمر عليك حتي وان كان انت افضل منه تعليميا وتحمل مؤهل اكبر منه لاكنها هي العسكرية (أنا الحمد لله مدني وقبلت بالامنيه ولو كملت معاهم راح اكون ملازم اول مهندس ولكني فضلت إكمال تعليمي على الدخول للعسكرية اللي تدفن الواحد مكانه والحمد لله على ما اخترت والله يسره لي مع العلم ان تقديري كان امتياز) لو دخلت السكريه وقتك ماراح يكون ملكك حتي لو انت في اجازتك الاعتيادية

    اتمني لك التوفيقق واستخير الله سبحانه قبل كل شي والقرار بيدك ولاتنساني من صالح دعواتك
    7 "
  3. الأخ الغالي ..
    Boos
    مشكلة القطاعات العسكرية أنها متفاوتة من ناحية المرتب وكذلك من ناحية تأهيل الضابط بعد التخرج من الكلية الأمنية ..
    فـ هناك قطاعات مرتباتها عالية ولكن التأهيل فيها شبة منعدم ..
    وهناك قطاعات لا رواتب ولا تأهيل ..
    وهناك قطاعات يكون فيها مرتبات عالية وكذلك يحرص قادتها ع تأهيل منسوبيهم ..
    بالنسبة للضباط الجامعين ..
    فهو غير مخير في اختيار القطاع حسب رغبته ..
    يعني ..
    يأتي التعيين مباشرة من قبل الوزارة دون أخذ رغبة الطالب عكس ما كان معمول به سابقاً أثناء قبول طلبة الثانوية العامة ..
    فـ أنت ونصيبك ..
    غير ذلك ..
    هناك مشكلة في العسكرية ..
    وهي عدم الإعتماد ع الكفاءة والمؤهل بالنسبة للمناصب ..
    فمن هو أقدم منك بدرجة يصبح مديرك لو كنت تحمل من المؤهلات ما لذ وطاب ..
    فـ نصيحتي لك ..
    بعد أن تستخير الله ..
    أن تذهب للإبتعاث لتطوير الذات أولاً ..
    ولتطوير قدراتك ثانياً ..
    أقول هذا الكلام من واقع تجربة كوني نقيب مهندس وصار لي ما يقارب الـ 5 سنوات أبحث عن طريقة لإكمال دراستي دون جدوى ..
    في الختام ..
    تمنياتي لك بالتوفيق فيما تختار ..
    وآسف ع الإطالة ..

    تحيااااااااااتي ..
    7 "
  4. هلا اخوي
    القرار يعتمد عليك بالاول والاخير

    اذا رجال فيك شده على الدراسه والغربه وتحمل اتعابها .. كمل دراستك وفالك البيرق..
    اما اذا كنت رجال تقول يكفي دراسه وابي وظيفه واتزوج واخذ قرض وافك لي كامير ههههههه قديمه صح خخخ..
    فارح للكليه والله ضابط لهم مكانته بالمجمتع وكلا يسال عنك وين راح فلان وين جاء مو غلاء بس المنصب له دور ههههه..
    والعسكريه وانا اخوك كلا يسبها بس كل شي له مميزاته وعيوبه..
    واذا معدلك يوهل للاعاده في الجامعه انصك فيها..
    وبالتوفيق وتقبل مروري
    7 "
  5. يا رجال اطلع وشوف الدنيا والله بتسفيد اكثر انت شخصيا بغض النظر عن الامور الماديه و الشهاده العلميه بس شخصيتك و طريقة تفكيرك و ثقافتك بتتطور للأفضل صدقني وين ما رحت ...

    و بالنسبه للراتب و الفلوس و هالامور ربك يكتب الأرزاق انت سو اللي أفضل لك ....

    بالتوفيق
    7 "
  6. والله انا حالتي حول حالك
    انا بصراحة ارى ان القطاع العسكري قتل للطموح واذا كان عندك رغبة في تكملة دراستك كملها
    والله يكتب لنا مافيه الخير ولكل مسلم ومسلمة
    و رح صل ركعتين واستخر ربك
    اللهم ان كان له خير في دينك ودنياك ومعاشك وعاقبة امرك فالله يكتبها لك
    وان كان فيها خلاف ذلك فالله يكتب لك مافيه الخير
    7 "
  7. لا تسئل الخلق واسئل رب الخلق

    اول شي قبل لا تسئل احد استخر مره ومرتين وثلاث .

    ثاني شي بعطيك وجهة نظري بالموضوع

    اول شي عمرك ما شاء الله مناسب جدا للثنتين اللهم لا حسد .

    الطريق الاول الابتعاث . سلبيتاته

    - تغترب عن اهلك وتقول انها سهله وانت بينهم الحين لكن صدقني لما تجرب راح تحس صح .

    - اذا انت رجال لغتك حلوه راح تمشي امورك اما لو انك ميح لغتك صفر صدقني راح تتبهذل في حياتك صح

    وتلعن الساعه الي سافرت بها .

    - هذا غير التعب الي راح تبذله في الدراسه يعني الناس يحسبونها فله بالعكس انا اشوف انها متعبه جداً لكن تشوف

    نتايجها بسرعه .

    - واحسب حساب انك ما راح تتأقلم مع الوضع الجديد وخصوصاً الاكل والله اعرف ناس ما تاكل تجلس 3 ايام صيام

    ياكل شي خفيف ما راح تتأقلم بسرعه على الوضع .

    - واحسب حساب التفكير والضغط النفسي الي راح يجيك وبكل الحالات ما راح ترتاح اذا ارتحت في سكن ما راح

    ترتاح في الدراسه او العكس صحيح يعني ما فيه راحه نفسيه واستقرار .

    - هذا كله غير مشاكل الملحقيه لو صار لك شي ترسل ترليون ايميل وتسع مية مكالمه وما تلقى جواب .

    اما الأيجابيات

    - تكسب لغه جديده

    - تكسب ثقافه جديده وتجربه في الحياة ما تنساها وراح تشغل عيالك فيها انا سويت وسويت ورحت وفعلت

    - تكسب شهاده عليا من اقوى الجامعات

    - تتعرف على اشيا جديده وكل فتره راح تكتشف شي جديد

    - واهم شي الشهاده الجامعيه

    الكليه الامنيه

    سلبياتها

    - كرف في الدوره وماراح ترتاح نفسياً كله هبال في هبال

    - اذا جاء يوم الجمعه وقت عودتك بعد الاجازه ربوع وخميس راح تلعن الساعه الي دخلت فيها الكليه

    - كل الي اعرفهم دخلو تكون نفسياتهم زفت مره مره مره من الكرف والتعب

    - راح يكون مصيرك محدد من يوم تدخل لما تتخرج ( عسكري ) مجال واحد

    - ممكن يكون تعيينك في منطقه غير المنطقه الي انت منها راح تقول الله يلعن الامنيه .

    ايجابياتها

    - يكفي انك تضمن مستقبلك بعد الله

    - رواتبهم جداً ممتازه

    - بعد التخرج راحه واستقرار اذا انت في نفس مدينة اهلك .

    - يكفي بيكون لك مكانتك الاجتماعيه بين الناس ( خصوصا بالمجتمع السعودي ) ** --> من يحصلها


    اشيا مشتركه بينهم

    اثنا الدراسه في الخارج او اثنا دخولك للدوره ما راح ترتاح نفسياً

    بعد التخرج من الدراسه او بعد التخرج من الكليه راح ترتاح

    اذا تخرجت بعد الدراسه او من الكليه يكون مستقبلك مشرق ضامنه بعد الله

    -------------------------------

    قبل الاخير

    انت موقعك من الاعراب حلو تقولي ليه اقوله ليه

    مدة دراستك في الخارج تقريباً 2 ونص اقل من البكالريوس

    مدة دخولك للأمنيه 9 شهور وغيرك 2 سنه

    البعثه في ناس تروح بكالريوس 5 سنوات

    العسكريه في ناس تدخل 3 سنوات . الحربيه . البحريه ....الخ

    في كل الحالتين

    ناس كثير تتمنى البعثه يوم جتها وراحو سافرو ما اعجبهم الوضع ورجعو .

    و

    ناس كثير تتمنى العسكريه ويوم دخلوها طلعو ما كملو الدوره .


    افضل لحضه في العالم راح تحسها

    اذا سافرت ورجعت بعد ما تخلص اللغه ودخلت البيت بدون لا تعلم اهلك انك راح ترجع تسوي لهم
    احلى مفاجاً صدقني احساس لا يوصف بس لا تفلها وتسويها كل ما جيت ترجع

    اذا تخرجت من الكليه وحسيت انك انسان حر طليق المغرب يوم السبت تروح تشتري خبز العصر يوم الاثنين
    تروح للحلاق بعد العشاء يوم الثلاثاء تروح تغسل السياره . ( تحس بالحريه ) بتصير من زمان ما طلعت بأيام الاسبوع في ذي الاوقات .


    لكن افضل حل لك انك تستخير الله وتسئل امك وابوك وش المناسب لك وتسئل صديق عزيز عليك تهمه مصلحتك
    وتسئل من لديهم صولات وجولات وصراعات مع الحياة ( ناس مقطعه الحياة )

    وثق ثقه تامه انك ما راح تحصل اكثر من الي ربنا كاتبه لك سوا رحت بعثه ولا دخلت العسكريه

    واذا انت رجال راعي مخمخه راعي دخان ولا شيشه راح خذ لك راس ولا زقاره مع استكانت شاي

    وفكر بالايجابيات والسلبيات واجلس مع نفسك ساعه وساعتين لما تصدر القرار الصعب .

    The end
    The end
    The end
    The end

    الرد هذا ما جاء عبث توني مخلص مذاكر ومقفله معي واسمع عطني امل وما تعشيت واحس عندي طاقه لزم اطلعها

    احساس راح تحسه لما تجي .

    تراني معدل الرد نسيت لا اقولك

    انا اول ما وصلت اول 3 اسابيع صراحه كنت اتمنى اني موظف في بنده في الرياض وراتبي 1255 ريال
    طبعا الـ 55 ريال يعطوني 50 و 5 ريال يكون ما عندهم صرف ويقولون لي تعال بعدين
    اتمنى موظف في قسم المأكولات المكيف خربان واكثر وقتي اقشر بصل للزباين هذا كله غير ترتيب الموز على الرفوف

    كنت العن الساعه الي فكرت اطلع فيها بعثه

    لكن الحين الحمد لله تأقلمت مع الوضع

    fdgdf
    سيبdبيلffسيبسيب
    7 "

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.