اخوي الامر يرجع لك لكن طلع الرخصه الجديده افضل لك لما ترجع للسعوديه ماتكون رخصتك القديمه منتهيه والمرور في السعوديه شاد حيله ثم يعطيك مخالفه ولا ترجع لامريكا الا لمن تسددها ولا تتراكم عليك
بعدين تفيدك الرخصه الجديده في امريكا كثير
عرض للطباعة
الواحد لازم يسأل عن ولايته بالضبط ايش وضعها بهذا الخصوص ...
انا الان في مونسي في ولاية انديانا ...
ابغى اشوف ايش الوضع و اعطيكم خبر ...
لكن الواضح الرخصه الامريكيه مهمه جدا جدا ...
و لابد منها ...
يعطيك العافية محمد فلوريدا ..... ياشباب .... حاولو قد ماتقدرون انكم تبحثون اكثر ... لأن الدنيا تتغير والقوانين تتغير .... واحنا مبتعثين مستجدين واعتمادنا يكون عليكم بشكل كبير .... والله يوفقكم انشاء الله .... (^_^)
السلام عليكم
شباب انا اقولكم تجربتي مع الرخصه السعوديه الجديده من اول ما وصلت امريكا قبل 6 شهور
طبعا بعد وصولي واستقراري في ولاية مساتشوستس قررت اشتري سياره مستخدمه طبعا هنا السيارات المستخدمه لازم تطلع لها لوحات جديده بعد ما استقريت على نوع السياره وقبل تسجيلها لازم تعمل تأمين توجهت لمكتب التامين سألني اذا عندي رخصة امريكيه قلتله لأ شاف رخصتي وفتح الجهاز يشيك على الرخص المعتمده طلعت الرخصه السعوديه مو معتمده قلتله طيب والحل قال الحل اعمل لك تأمين بس بيكون غالي قلتله بكم قالي دقيقه اشيك لك بعد ما شيك قالي تأمينك يا طويل العمر في السنه 2500 دولار صكت الدنيا في وجهي وطلعت اجر اذيال الخيبه الا وانا برا المكتب اشوف مكتب ثاني قباله رحت له وحكيت للموظف وضعي قالي اوكي انا بعمل لك تأمين بس انت في دولتك كم سنه صار لك تسوق قلتله ليش قالي لأن راح تفرق معاك بسعر التامين كل ما زاد عدد سنوات سواقتك كل ما قل التامين قلتله تقريبا 12 سنه قالي طيب اول رخصه طلعتها من السعوديه متى قلتله قبل 10 سنوات تقريبا قالي حلو اجل انا بعمل لك تأمين ب 850 دولار في السنه بس بشرط بعطيك مهلة شهر تجيب لي برنت من ادارة المرور في السعوديه وتترجمها لي انجليزي من اي مكتب عندكم في السعوديه ولا ترا الشهر الجاي اتوماتيك بيرتفع التأمين عليك الى 2000 دولار قلتله ابشرررررررر والله واخذت اوراق التامين ورحت وسجلت السياره واخذت لوحاتها في نفس اليوم .... وفي نفس الاسبوع كلمت الشباب في السعوديه وراح واحد منهم وطلع برنت على اول رخصه انا سويتها وترجمها ورسلها ب الدي اتش ال ثلاث ايام والورقه عندي رحت سلمتها للمكتب وانا الحين تماااام التمام معاهم ولين الحين ما طلعت رخصه امريكيه لأن الشهاده لله ما فيه دوريه وقفتني ولله الحمد وانشاءالله الشهر الجاي بقدم عليها
ملاحظه : التأمين في ولايتي ولاية مساتشوتسس الزامي ولازم تعمل التأمين قبل التوجه الى مكتب التسجيل
احسنت يا طلال
كلامك واضح
شكرا على المعلومات القيمة
طيب يااخوان انا رخصتي منتهية واذا بجددها لازم اسدد مخالفات تقصم الظهر ..... وليش اسددها واذا انا بدرس بامريكا؟؟؟
انا رايح لولاية اوهايو كيف اسوي ..... والتأمين والتاكس كم المتوسط حقه؟؟