والله رفعوا ضغطي وحيل متنرفز .. مساعده عشان خاطري

السلام عليكم ورحمة الله وبركاته

شباب .. انا خريج جديد بمرتبة الشرف الاولى والفضل والمنه لله سبحانه ثم مجهودي

تخصصي لغة انجليزية .. عندي شهادة آيلتس وتوفل درجة
بعد ما تخرجت قدمت على الاعادة في الجامعه ودخلت الاختبار والمقابلة وادائي كان روعه جدا جدا جدا جدا ... الى درجة ان اللي عملو المقابلة انبهرو والحمدلله

ياشباب .. وربي مو مديح في نفسي واعوذ بالله من التفاخر .. بس لاني ابي اخبركم بشي يرفع الضغط ويقهر
المهم ..درجة الاختبار كانت 97 من 100 والمقابله 95 من 100
بعدها بكم يوم . طلعت النتايج ... وانا ماطلعت من المقبووولين !!! طيب مين اللي قبلو؟؟

قبلو 2 معي من نفس الدفعه معدلاتهم اقل مني .. ودرجات الاختبار اقل مني ..بس ليش ؟؟

لان عميد الكلية يقرب لهم

والله حرااااااااااااااااااااااااااااااااااااااااااااام.. ......... ليييييييييييييييييييييييييييييييش ؟؟؟ وانا طيب؟؟

وربي اني ادعو لهم واقول الله يوفقهم في مسيرتهم ويسر لهم كل امورهم ...
بس حسيت بالظلم

المهم جاتني الطامة الكبرى يوم دخلت على موقع الوزارة لاني بغيت اسجل ماجستير

ولا يوجد برنامج للماستر في اللغااااات ولا للتعليم ... طيب شنو السبب.؟؟

من هذي الصفحه ياشباب لي رجاء خاص منكم يا اهل مبتعث انكم تساعدوني في اي طريقة اقدر اسجل في البعثات
حق اللغاات لوتعرف احد طلع على الوزاره اسألوه كيف وخبروني ... لان وربي وصلت الى مرحله حسيت انه طموحي راح يتكسر وربي
باختصار .. اجتهادي كان مال امه داعي
ومعدل 2 نفس 5 وجهدي راح في الهوا سوا


اخوكم

لاحول ولاقوه الا بالله ..


الله يسهل عليك يارب

ماشاللـــــه علييك الله يحمييك

آخوي لو تحذف الارقام احسن لك من العين

الله يجــبرك ويعووضك وان شالله انها خيرة ،،،

طيب انت قدم بعثة على اي تخصص مطروح واذا جيت هنا غيره ،، أعرف ثنتين جايبين قبول تخصصات education بعد سنة اللغة ووافقت لهم الملحقية

آو قدم معيد على أي جامعة ثانية

،، آذكر كان في موضوع تجمع لطلاب اللغويات دور عنه

أخوي،
مسائك سعيد

والله يجبر بخاطرك، فعلاً الواسطة داء مستشري وانا متضرر منها مع اختلاف الطريقة.

أنا عندي لك حل
قدم على اي تخصص وحصل البعثة وغير التخصص اذا رحت لأمريكا او اي دولة انت مقدم عليها، بكل بساطة

وش رأيك يالطيب؟

دمت بود
بدر :balloon:

لا حول ولا قوة الا بالله

الله يوفقك ويحميك

ماشاء الله تبارك الله اخوي
والله ما الومك شي منجد يقهر بس ايش نقول

انامن رأيي قدم على البعثه ايش ماكان التخصص وحاول من هناك تغير

الله يوفقك ويكتبلك اللي فيه الخير

اخوي قدم على اي تخصص
تسويق ولا تأمين ولا غيره
اهم شي لايفوتك التسجيل
اذا وصلت هناك راح يجي لك فرصة تحول
الشي الثاني والأهم لو أنا منك قسم بالله مااسكت عن حقي لأرفع برقية مستعجلة فيها بيانات لوزارة التعليم العالي واكتب فيها الي حصل الدعوة ماهيب فوضى .. عصر جيب قرايبك عندك انتهى .. اذا انت كفو تستحق حياك اما الواسطات فلا والله محد يسكت عن حقه
دق على رقم البرقيات وحط بياناتك وابعثها للمسؤول

بسم الله ماشاء الله

طيب رح لمدير الجامعة

الجامعات أهم شي عندها المعدل

أو شف لك جامعة أخرى

هذا بخصوص وظيفة المعيد

أما فيما يخص برنامج خادم الحرمين فأنت قدم وإختار أي تخصص وبعد وصولك لبلد الإبتعاث تقدر تغير التخصص

الله يوفقك وييسر لك أمورك

اقتباس:

---

المشاركة الأصلية كتبت بواسطة UK-KSA

لاحول ولاقوه الا بالله ..


الله يسهل عليك يارب

---

ويسهل عليك يارب ياكريم

ويوفقك

كل الشكر على المرور

تحياتي

اقتباس:

---

المشاركة الأصلية كتبت بواسطة آنسة مزة

ماشاللـــــه علييك الله يحمييك

آخوي لو تحذف الارقام احسن لك من العين

الله يجــبرك ويعووضك وان شالله انها خيرة ،،،

طيب انت قدم بعثة على اي تخصص مطروح واذا جيت هنا غيره ،، أعرف ثنتين جايبين قبول تخصصات education بعد سنة اللغة ووافقت لهم الملحقية

آو قدم معيد على أي جامعة ثانية

،، آذكر كان في موضوع تجمع لطلاب اللغويات دور عنه

---

مشكوره اختي وعسى ربي يحميك انتي كمان ويبعدك من كل عين
الخيره فيما اختاره الله
ان شاء الله تضبط معي مسأله التحويل

كل الشكر على المرور

تحياتي