اريد حل لمشكلتي وسفري بعد اسبوع الفزعة باارائكم
مشكلتي الي هي ان السفره بعد اسبوع بتاريخ 7/8 على الخطوط القطرية وزوجيتي عندها عملية بتصلحها مراره
ومو راضية تصلحها هناك خايفة من هناك
وهنا لو صلحتها مايمديها تروح معي
هل اني انا المرافق اسافر لوحدي لين تشفى طبعا تبغى لها اسبوعين وتصير تمام بعد العملية
ولما تخلص قبل الدراسة اجي واخذها ونسافر انا وياها
ولا اني اكنسل الحجز واحجز بوقت ثاني مع العلم اني قدمت اجازه من العمل وطلعت قرار الابتعاث وكل شي
ابي المساعده منكم بالراي السديد
لاني والله محتار ومليت من مطارد هالبعثة كل ماتيسرت طلعلنا شغلة ثانية
رد: اريد حل لمشكلتي وسفري بعد اسبوع الفزعة باارائكم
اقتباس:
المشاركة الأصلية كتبت بواسطة فيزيائية جديدة
هل اني انا المرافق اسافر لوحدي
ما أدري عن نظام الهجرة عندهم هل يسمح بأن المرافق يجي من غير صاحب التأشيرة الأساسي.
و بعدين معليش إذا إنت مرافق ليش تروح لحالك، و زوجتك تتركها لحالها وهي بتسوي عملية!! إصبر الين الله يقومها بالسلامة و بعدين روحوا مع بعض.
تحياتي،
د.علي
رد: اريد حل لمشكلتي وسفري بعد اسبوع الفزعة باارائكم
تأشيرتي اف ون يعني اروح كاني دارس على حسابي الخاص
والله يجزاك خير على هالدعوى
رد: اريد حل لمشكلتي وسفري بعد اسبوع الفزعة باارائكم
إذا انت في الرياض أو تقدر تجي الرياض تعال أسأل المسؤلين بنفسك لأنك ما تقدر تاخذ برأيي المنتدي لأنها مشكله ياتروح نهائي ياتجلس نهائي
رد: اريد حل لمشكلتي وسفري بعد اسبوع الفزعة باارائكم
اذا تبي نصيحتي تسوي عمليتها هناك افضل
او تأجل رحلتكم اسبوع حتى لو بعد كم يوم من الدراسه اتوقع يسمحون
وبالتوفيق
رد: اريد حل لمشكلتي وسفري بعد اسبوع الفزعة باارائكم
اهناك افضل لها العلاج وترا عادي لو رحت بفيزة f2 ماراح يعيق في المطار اهمشي عندك فيزه عاادي