عرض للطباعة
السلام عليكم ورحمة الله وبركاته
كيفكم شباب ان شاء الله بخير
انا الان ادرس لغة في معهد ELS في ولايه North Carolaina
وتخصصي علوم كمبيوتر ... والان ادور على قبول في جامعه زينه و لقيت في بعض الجامعات تخصصين : علوم حاسب - وهندسه حاسب
انا كنت من اول ابي هندسه الحاسب بس الوزاره ما كانت حاطتها ضمن الخيارات ياليت الي يعرف الفرق بين التخصصين يعلمني
وينصحني بافضل جامعه في هذا التخصص ..
أقول ..
معقول 14 واحد ولا واحد منهم يعرف الفرق ؟
ترا ما حد بيخسر شي اذا رد ببلاش تراه
أتوقع يا أخ No0oDeلو ترجع لنفس موقع الجامعات اللي راسلتها وتقرأ عن كلا التخصصين تلقى الحواب الكافي ان شالله بأسرع وقت.. لأنه كثير من التخصصات تتشابهه في الأسماء من جامعة لأخرى لكن يختلف محتوى المنهج.. يعني ممكن فيه جامعة تدرس علوم حاسب فقط لكن في نفس المنهج تتطرق بشكل كبير الى الهندسة ..ففي رأي الجواب الصحيح ستجده في نفس موقع الحامعة.. والله اعلم:)
مشكور اخوي emm على مرورك
بس ودي يكون احد عنده خلفيه عن الموضوع عشان تكون الصوره اوضح لي
الهندسه اقل برمجة و كورساته فيها شغل بالهاردوير اكثر اما العلوم اقرب الى الرياضات و فيها برمجة مرة كثير نصيحة للمرة الجاية لو سويت بحث بقوقل قبل ما تكتب سؤالك كان يمديك لقيت الجواب بالتفصيل من زمان
مشكور أخوي phoenix على الرد ويعطيك العافيه
انا ما حطيت موضوعي هنا الا ابي تجربه احد ونصيحته مابي كلام مواقع
وبعدين وش فايده المنتدى اذا كل واحد بيدور في قوقل
على العموم
الي عنده معلومات اكثر ياليت يفيدني
شوف حبيبي أنا بكالوريوس هندسة حاسب آلي والآن ماستر علوم حاسب
الهندسة مثل ماقال أخونا تعتمد على الهاردوير بشكل أكثر .. بس هاردوير لايروح بالك يعني أجهزة وراوترات وسويتشات وكذا .. هاردوير يعني بتدرس مايكروبروسسر ومايكروكومبيوتر وتدرس دوائر متكاملة وكيفية صناعة القطع وكذا .. أيضاً تدرس لغة الأجهزة وهي عبارة عن كيفية التخاطب مع الأجهزة وكيفية عمل الحاسب الآلي من الداخل .. بالاضافة الى الشبكات والاتصالات
وطبعاً كطالب بكالوريوس بتدرس أشياء من العلوم يعني تاخذ كورسين برمجة مثلاً وقواعد بيانات
أما العلوم فتعتمد بشكل رئيسي على البرمجة واستخداماتها .. تركيب بيانات .. بالاضافة الى الذكاء الاصطناعي والروبوتات .. الرسم بالحاسب الآلي .. وبعض الجرافيكس
هذا بشكل عام حبيبي وان شاء الله أكون أفدتك .. وأي سؤال تحت أمرك