-
احسن طريقة للشحن
السلام عليكم
انا جاي ان شاء الله الشهر الجاي
وتعرفون انا يالسعوديين مانستغني عن الكبسة وقريت ان رز امريكا نوعيته وسط
وابي اشحن مستلزماتي الغذائية لامريكا من ارز وتمر وقهوة ...
ابس اسأل
احد منكم جرب الشحن؟
هل هو مجدي؟ ويصل سليم؟
كم يكلف تقريبا؟
احد منكم تعامل مع شركة شحن كويسة ورخيصة؟
اللي يرد تراه معزوم مقدما على وجبة كبسة فاخرة يحبها قلبك
الله يوفقكم ردوا
-
رد: احسن طريقة للشحن
السلام عليكم
شحنت أغراضي عن طريق شركة الطيار
إذا كان الوزن أكثر من 45 كيلو يأخذوا على الكيلو 10 ريال
هذا من مدينة الطائف
يأخذ وقت تقريبا 3 أسابيع والعلم عند الله
تستلمه من منطقة الشحن في مطار المدينة المبتعث له(يجب أن تعرف اسم المطار إللي في مدينتك المبتعث لها)
تذكر تأخذ معك الجواز و الـ
I-20 يوم تروح تستلم أغراضك
والله يوفقك
إن كان بتجي يا إبن الناس لفلادلفيا فجهز العشاء
والله يعينك
-
رد: احسن طريقة للشحن
اخوي لاتجيب رز ولا مستلزمات غذائية
كلش بتلقاه عندك صدقني أنواع الرز الي تعرفها والي ماتعرفها بعد
اذا بتجيب .. جيب معك تمر ومستلزمات القهوة حتى قدور الضغط تلقاها بس جيب معك احتياط
انا توني شاحن كرتونين على البريد السعودي فيه ملابس وكتب وأكل مثل الشوربة لأني مالقيت كويكر هنا :( وزن كل قطعة تقريباً 20 كيلو كلفتني تقريباً 1800 ريال وقعدت ثلاثة أسابيع لين وصلتني لحد باب الشقة
فيه اماكن ثانية تشحن
عندك الطيار
وعندك برضه مكتب المؤيد حلو واسعاره حلوه .. مكانه بشارع الستين في الرياض
الكيلو ب11 ريال
بالتوفيق
-
رد: احسن طريقة للشحن
من خلال كلام غالبية الزملاء والأعضاء
الطيار هو أفضل بديل
وللمعلومية غالبية الأشياء موجودة بأمريكا