التحقت بفضل الله .. لاكن شكلي توهقت افيدوني
اخواني تحيه طيبه
وحبيت ابشركم انه بفضل الله سبحانه وتعال .. وبدعاء الوالدين تم الحاقي ببرنامج خادم الحرمين
واستلم اخوي القرار اليوم .. وش اسوي بقراري؟
انا ناوي ارجع للسعودية بعد اسبوعين عندي شغل وابغى اصوم رمضان مع اهلي واتعيد عندهم .. لاكن الموظف الي سلم اخوي قرار الالحاق قال لايرجع لانه لو رجع ادارة الهجرة بتبلغ الملحقيه والملحقيه بتلغي البعثه على طول وبعدها صعبه انك ترجع تلتحق
يااخوان افيدوني مشكورين وش اسوي هل ارجع ولا .. لا؟
رد: التحقت بفضل الله .. لاكن شكلي توهقت افيدوني
اخي العزيز مبروووك اولا انضمامك للبعثه
اما بخصوص العوده للملكه تقدر تنسق مع مشرفك اللي بالملحقيه ويسهل امورك طالما عندك اجازه ماراح يمنعونك
رد: التحقت بفضل الله .. لاكن شكلي توهقت افيدوني
اولا اخوي الف مبروك على الانضمام للبعثه
واقتراحي اذا كانت صعبه نصيحه خال الفرحه تكمل وبعدين اعتبرها
فرحة العيد واذا انت في اجازه طرب روحك الان انت مبتعث يعني وسع صدرك
سؤالي يالغالي كم الفتره الين التحقت بالعثه لاني انا مسافر بعد اسبوعين على حسابي الخاص
الله يوفقك انشاءالله
رد: التحقت بفضل الله .. لاكن شكلي توهقت افيدوني
اقتباس:
المشاركة الأصلية كتبت بواسطة محمد فلوريدا
اخي العزيز مبروووك اولا انضمامك للبعثه
اما بخصوص العوده للملكه تقدر تنسق مع مشرفك اللي بالملحقيه ويسهل امورك طالما عندك اجازه ماراح يمنعونك
الله يبارك فيك
انا صار لي تقريباً ثلاث اسابيع في بلد الدراسه
طيب كيف اعرف مشرفي
وهل تنصحني ارجع ولا لا؟
رد: التحقت بفضل الله .. لاكن شكلي توهقت افيدوني
اخوي لو رجعت ادارة الهجره بتلغي الاي تونتي حقك
نصيحه لاترجع
بس سؤال اخوي
معاملتك باي جلسه 181..؟
رد: التحقت بفضل الله .. لاكن شكلي توهقت افيدوني
الف مبروك على التحاقك وتستاهل علمني كم الفتره جلستها ثم حولت
حولوك هم والأ عندك واسطه,,,
رد: التحقت بفضل الله .. لاكن شكلي توهقت افيدوني
اخوي نواف كيف رقم المعامله لازم يكون لي واحد في السعوديه يطالبهم والأ انا من عندهم في امريكا
رد: التحقت بفضل الله .. لاكن شكلي توهقت افيدوني
الف مبروك الإلتحاق بالبعثه والله يكتب فيها الخير ويجعل فالها التوفيق بالدنيا والآخره
من ناحية رجعتك طال عمرك ... إذا صار لك 9 شهور أو أكثر في الدراسه .. يحق لك ترجع وذلك بالتنسيق من المشرف الاكاديمي حقك
أما اذا اقل من هذي المده .. أنصحك اخوي انك تجلس في بلد دراستك وهذا راجع لمصلحتك الشخصيه ولمستقبلك بإذن الله
شد حيلك وأنا أخوك وكل شي ملحوق عليه
أنا والله مثلي مثلك طال عمرك والحين صار لي حوالي 5 شهور وألغيت فكرة اني ارجع في رمضان
رد: التحقت بفضل الله .. لاكن شكلي توهقت افيدوني
رد: التحقت بفضل الله .. لاكن شكلي توهقت افيدوني
ألف مبروك الانضمام
أخوي لايطريك ترجع من غير ماتنسق مع مشرفك من الملحقية ولا راح يحطونك عالهولد ولازم المشرف يوافق ويعرف بالضبط متى رايح ومتى راجع
إذا لقيت الأمور فيها شوشرة اقعد هنا وخذ هالترم وعقبها بتجيك إجازة راس السنة طويلة وبتكون رسمية ترى
المهم انتبه تطلع من أمريكا من غير ماتنسق مع مشرفك ومع جامعتك .. إذا قالوا أوكي روح