استفسار هام والله يوفقكم كلكم والي يرد يوفقه اكثر

بسم الله الرحمن الرحيم

اول شي اخواني ابشركم اخذت تذاكر وتمت كل الأمور على احسن مايكون

لكن المشكله اني حجزت في تاريخ 15/ 7 /2007 ووقت دراستي راح يكون

18/ 8 / 2007 انا سمعت ان ماتدخل امريكا قبل شهر من دراستك انا عارف فترة شهر كثيره قبل بداء الدراسه بس انا استشرت دكتور نبيل قالي احجز قبل شهر من وقت دراسه عشان تعرف المدينة وتخلص اجرائتك قبل تبداء الدراسه .

فأبي منكم اخواني وش تنصحوني فيه اغير موعد سفر ؟

ولا اجلس على وقت الي حددته؟ ولا وش اسوي

شاكر لكم مقدماً

ماجد

مرحباً أخي,,
موضوعك محير قليلاً,
لأن المفروض ماتدخل أمريكا قبل شهر من موعد بدء الدراسة,
وانت حاجز بيومين قبل الشهر!

مدري لو تحاول تأجل موعد دخولك تخلية بعد تاريخ 15-7 يكون أفضل وأضمن بإذن الله

و الف شكر لك على الدعوات الحلوة

مشكوره اختي مسافره على مرورك الطيب

والموضوع شوي محير

بس اتمنى من باقي الأخوان يفدوني بحلول ثانية .

شوف اخوي انا اعرف شباب حجزوا قبل تاريخ الدراسة باسبوع لان كذا ولاكذا بتقعد هناك سنة واكيد بتكون عرفت المدينةالي انت فيها ..ليش تطلع وتصرف عالفاضي شف احسب 17 ساعه من الرياض لواشنطن او نيويورك ويومين بلمكان الي انت فيه حتى تفتح ملف بالملحقية ويوم اذا كنت بولاية غير العاصمة .اذا امور سكنك اوكي اطلع قبلها بيوم حتى تتطمن اذا مالقيت وتبي تدور يبيلك يومين اقل شيء واذا اول مرة تروح امريكا وبتجلس قبل الدراسة شهر والله بتتعب نفسيا.وهذا الي سووه الشباب بعد التذاكر..واهم شيء تكون مقتنع بلي انت تسويه..واتمنى الي عنده حل افضل يفيدك وتروح وتجي بالسلامـــه وانا اخوك.

الاخ مجوووووووووووووود

خليك على رحلتك لاتغيرها انا زيك حجزت قبل رحلتي بشهر واربعه ايام

كل الشباب يروحو قبل شهر

مافيها شي تدخل عادي

بس انصحك نصيحه لاتغير اشياء سويتها عشان لاتتعب

انا عن نفسي شي سويتي مااغيروا

واحسن ترووح قبل دراستك تحتك بالناس لما تدخل المعهد يكون عندك خبره شويه

بالتوفيق يارب تقبلو مروري

مشكور اخوي مبتعث على كلامك وعلى نصايحك

والله يوفقك وتخلص امورك بدري

هلا اخوي احتمال مشكور على كلامك

بس انا الي ابي اتأكد منه قبل شهر لو بيومين فيه مشكله . اخاف هناك مااقدر ادخل لأمريكا وسبب لأني جاي قبلها بيومين .

والله يوفقك

واتمنى من الأخواني ينصحوني عشان اتخذ القرار وانا مطمن.

اذا تبي تكون في السليم وكل امورك مافيها شك وانت في الرياض الحين ممكن تعدي على مكتب الخطوط في الوزاره وتقوله غير لي الموعد بس وخلها على 20 /7 منت خسران شي


والله يوفقك يارب

اهلين ماجد

اخوي انت موعد دراستك معي بنفس اليوم

انا حاجز يوم 29-7-2007

ياخوي راح تخسر على قلة فايدة رح وغير حجزك وخل رحلتك معي بنفس اليوم

اوكي

تقبل ردي

اخوي احنا لما حضرنا الندوة اللي في السفارة شددوا على المبتعثين انهم ما يسافرون الى امريكا قبل موعد الدراسة بشهر لأنك راح تواجه مشاكل وبعدين لو اخرت رحلتك كم يوم اعتقد ما راح تأثر عليك وتكون مطمئن ومرتاح انه مايكون فيه مشاكل ..............
والله أعلم...