الأعضاء الإشتراك و التسجيل

الملتقيات
ADs

ماستر المقبول بين الرفض والحلول

ماستر المقبول بين الرفض والحلول


NOTICE

تنبيه: هذا الموضوع قديم. تم طرحه قبل 2692 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية shito0on
    shito0on

    مبتعث جديد New Member

    shito0on الولايات المتحدة الأمريكية

    shito0on , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى حاسب الي , بجامعة خيبة
    • خيبة
    • حاسب الي
    • ذكر
    • عاطل, لازلت ابحث عن قبول ماستر
    • السعودية
    • Jul 2009
    المزيدl

    August 3rd, 2010, 10:07 PM

    السلام عليكم ورحمة الله


    يا جماعه قدر الله علي وتخرجت بكالوريوس حاسب الي بس المعدل مقبول فما خليت باب ما طقيته قسم اني غثيت حتي قوقل اخرها صار يصرفني علي مواضيع الماستر كارد

    قد شفت مواضيع هنا لا تقولون حاط رجل علي رجل ويبينا نساعده لا وقسم بالله اني قبل ما اكتب فرررررررريت هالمواضيع فر
    منها اللي يحطم ومنها اللي يخليك شوي وتهور

    << ابد ما يقصد اللي طلعت كندا وحولت بعد اسبووع ياااارب يوفقها يارب لا تقولون حسد بس طبع الأنسان يتخيل الموقف ويتخيل نفسه فيه

    تقدرون تسمونها غبطه

    المهم اللي عرفت ان يمكن فيه قبول بس مو اكيد بشرح لكم وضعي كامل

    وتكفون ترا شيبت وانا منثبر مع امي حتي البصل من قوة المهاره صرت اقطعه وانا مغمض

    تخرجت السنة اللي راحت بتقدير 2.12 من 5

    يعني مقبول بقوووووة

    أسئلتي وكلي عشم قسم بالله بـ الله ثم فيكم

    انكم تساعدوني كم منتدي نفس التخصص بس اني ما ارتحت الا فيذا


    المهم

    سؤالي الأول ؟؟
    هل من الممكن الأقي قبول معهد وجامعة معترف فيها ؟؟ وان كان القبول مشروط

    السؤال الثاني ؟؟
    لو حصل بعد اذن الله اني لقيت هالقبول كم تكلفة الدراسة في المعهد لاني لو طرت ما اقدر ادبر الا حق المعهد والباقي مخليه علي الله ثم ابو متعب يحولني


    السؤال الثالث ؟؟

    تخصصي حاسب الي والوزارة تقول غصب عن خشمك تكمل حاسب اذا تبي فلوسنا ... فلوسنا وحنا حرين بكيفنا

    اقدر اغير التخصص لو ما بغيت ماستر حاسب

    السؤال الرابع ؟؟

    لغتي علي قدي يعني ماني ميح بس ماني بروفشنال وش الدبره بالموضوع عادي والا بيأثر علي بالقبول

    السؤال الخامس

    الضمان المالي اللي اعرفه انه ينحجز المبلغ

    انا كل اللي معي او بالقوة اقدر احوشها تقريباً 80 الف الي 100 الف ريال سعودي >> ريال سعودي تراني قلت

    هل يكفيني اطلع ادري ما ابيه ينحجز ابي اصرف منه يعني علي دراستي وسكني

    كيف الطريقة ؟؟؟

    عشان احصل علي الضمان او الشهادة البنكية

    وهل هالمبلغ يأثر بحصولي علي الفيزه


    قسم اني ادري اني غثيتكم بس الين هنا يكفي عليكم

    يا جماعة الخير

    تذكروا دامكم مسلمين ان اغاثة الملهوف لها اجرها عند الله

    والله يوفقكم


    <<<< ومضة >>>>

    يارب ياكريم يامن تجود ولا يجاد عليك
    ارزق كل من سلك طريقاً يلتمس به علماً
    الجنة

    والله يوفقكم جميعاً
  2. اهلين اخوي
    الضمان المالي عادي ميه الف انا طلعت فيزا طالب مدتها خمس سنوات بضمان ميه الف وقبول معهد تجاري

    قبول المعهد بسيط وانا اختك لكن اللي مطلع العيون قبول الجامعه
    انصحك نصيحه مجرب لاتتطلع من السعوديه الا وانت مرتب وضعك قبول معهد وجامعه مو مثلي حايسه
    روح لمكاتب ثقه وادفع اللي تتدفع احسن من البهذله


    لو دخلت الملحقيه ومعك قبول ماستر انشاء ملفك كامل تلتحق باذن الله لو تحتاج واسطه تكه صغيره

    تبين فلوسك تكفيك سوي بحث عن المدن واختار ولايات مافيها ضرايب ويكون سكنها رخيص

    حبه حبه رتب امورك لاتستعجل مثلي ماصدقت سحبت الفلوس من الوالد وطرت امريكا خفت يغير رايه ههههههههههههههههههههه

    الله يوفقك يارب
    7 "
  3. انا نفس المشكلة ولكني في امريكا حاليا ادور لقبول دون جدوى
    الافضل مثل ماقالت سكر لاتطلع من السعودية الا وبيدك (قبول مشروط ) من جامعة
    المعهد مو مشكلة اي معهد يقبلك حتى لو انك فاصل ولا اصلا معك ابتدائي بتقدير مقبول هذا شي ثاني ماله علاقة
    المشكلة والبلا في قبول الجامعة
    لو انا منك ابدا اتعلم لغة في السعودية واكلم مكتب يجيب لي قبول مشروط ومااسافر الا وقبولي بيدي عشان تروح ونت تعرف وش لك ووش عليك
    7 "
  4. المشاركة الأصلية كتبت بواسطة بقعة ضوء
    الله يوفقك اخوي
    بس عشااااان ما احطمك ابغى ارد على الضمان المالي بس
    الضمان المالي تاخده من البنك اللي انت حسابك فيه وقولهم ابغى شهادة بنكية وراح يكون سعره من 50-200

    بقعة ضوء ما قصرتي والله يكفي هالحكي الله يوفقك يااااااارب
    7 "
  5. المشاركة الأصلية كتبت بواسطة سكر زياده
    اهلين اخوي
    الضمان المالي عادي ميه الف انا طلعت فيزا طالب مدتها خمس سنوات بضمان ميه الف وقبول معهد تجاري

    قبول المعهد بسيط وانا اختك لكن اللي مطلع العيون قبول الجامعه
    انصحك نصيحه مجرب لاتتطلع من السعوديه الا وانت مرتب وضعك قبول معهد وجامعه مو مثلي حايسه
    روح لمكاتب ثقه وادفع اللي تتدفع احسن من البهذله


    لو دخلت الملحقيه ومعك قبول ماستر انشاء ملفك كامل تلتحق باذن الله لو تحتاج واسطه تكه صغيره

    تبين فلوسك تكفيك سوي بحث عن المدن واختار ولايات مافيها ضرايب ويكون سكنها رخيص

    حبه حبه رتب امورك لاتستعجل مثلي ماصدقت سحبت الفلوس من الوالد وطرت امريكا خفت يغير رايه ههههههههههههههههههههه

    الله يوفقك يارب

    بأذن الله

    والله تبين الحق يا سوكر ترا انا وضعي مشابه لوضعك يعني احتمال الوالد باي لحظة يكنسل الموضوع

    لكن موب طالع الا معي قبول مشروط

    باذن الله
    7 "
  6. المشاركة الأصلية كتبت بواسطة تم ترشيحك
    انا نفس المشكلة ولكني في امريكا حاليا ادور لقبول دون جدوى
    الافضل مثل ماقالت سكر لاتطلع من السعودية الا وبيدك (قبول مشروط ) من جامعة
    المعهد مو مشكلة اي معهد يقبلك حتى لو انك فاصل ولا اصلا معك ابتدائي بتقدير مقبول هذا شي ثاني ماله علاقة
    المشكلة والبلا في قبول الجامعة
    لو انا منك ابدا اتعلم لغة في السعودية واكلم مكتب يجيب لي قبول مشروط ومااسافر الا وقبولي بيدي عشان تروح ونت تعرف وش لك ووش عليك

    انتي بالذات تعاااااااالي والله موب فاكك بس تعالي

    وضعك مرررررره زي وضعي الا انك ازين شوي وشفت موضوعك قريته 3 مرات من كثر ماني ماكنت متوقع ان واحد مثلي


    وينك انتي الحين بأي ولاية ولقيتي قبول مشروووووووط والا للحين ؟

    فهميني وش وضعك تترا مالي غيرك << فيس يبتسي
    7 "
  7. لا والله مالقيت قبول مشروط
    انا ادرس بمعهد انجليزي يعني بس اقضي وقتي لين القى لي قبول وراسلت جامعات كثير المشكلة اغلبهم يقولون القبول مو بيد شخص واحد تقعد تحاول فيه وتقنعه لين يوافق
    القبول قرار يتخذه مجموعة اشخاص هنا المشكلة يعني لو وافق واحد يمكن الباقي مايوافقون
    وبعض الجامعات نظام القبول عندهم خط سير
    يعني ملفك يروح ----> الطلاب الدوليين
    يشوفونه وبعدين يودونه -----------> GRADUATE
    وبعدين يجيزونه وفي الاخير يودونه ---------> القسم الي انت تبي تدرس فيه
    والي يعني ممكن المرحلة الاولى والثالثة يوافقون
    بس يقعد لك المسؤول في المرحلة الثانية ولا يوصله للمرحلة الثالثة مثل ماحصلي
    الي ابي اقوله انت بتطلع على حسابك لاتضيع وقتك في امريكا وانت مامعك شي
    سجل في معهد عندك على بال ماتلقى مكتب يطلع لك قبول مشروط
    اذا قال بنجيب لك قبول معهد قال ماابي هذي سهلة حتى جدتي لو ترفع السماعة على اي معهد قالوا تعالي ادرسي
    عشان بس ماتعتمد على قبول المعهد وتروح تدرس ومدري ايش وبعد اربعة شهور تقعد بالشارع ماتلقى جامعة تقبلك
    لاتروح الا بقبول جامعة مشروط
    انا ادور الحين واذا لقيت راح اسوي اعلان عام ههههههه
    7 "
  8. لا والله مالقيت قبول مشروط
    انا ادرس بمعهد انجليزي يعني بس اقضي وقتي لين القى لي قبول وراسلت جامعات كثير المشكلة اغلبهم يقولون القبول مو بيد شخص واحد تقعد تحاول فيه وتقنعه لين يوافق
    القبول قرار يتخذه مجموعة اشخاص هنا المشكلة يعني لو وافق واحد يمكن الباقي مايوافقون
    وبعض الجامعات نظام القبول عندهم خط سير
    يعني ملفك يروح ----> الطلاب الدوليين
    يشوفونه وبعدين يودونه -----------> GRADUATE
    وبعدين يجيزونه وفي الاخير يودونه ---------> القسم الي انت تبي تدرس فيه
    والي يعني ممكن المرحلة الاولى والثالثة يوافقون
    بس يقعد لك المسؤول في المرحلة الثانية ولا يوصله للمرحلة الثالثة مثل ماحصلي
    الي ابي اقوله انت بتطلع على حسابك لاتضيع وقتك في امريكا وانت مامعك شي
    سجل في معهد عندك على بال ماتلقى مكتب يطلع لك قبول مشروط
    اذا قال بنجيب لك قبول معهد قال ماابي هذي سهلة حتى جدتي لو ترفع السماعة على اي معهد قالوا تعالي ادرسي
    عشان بس ماتعتمد على قبول المعهد وتروح تدرس ومدري ايش وبعد اربعة شهور تقعد بالشارع ماتلقى جامعة تقبلك
    لاتروح الا بقبول جامعة مشروط
    انا ادور الحين واذا لقيت راح اسوي اعلان عام ههههههه
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.