الله يوفق الي يرد علي ويساعدني
بسم الله الرحمن الرحيم
اخواني اعظا منتدى مبتعث
ما ابغى اطول عليكم
انا جاني قبول وطلعت الفيزا الحمد لله ورحت لم الطيار وبحثت عن حجز بالخطوط السعوديه لواشنطن ماحصلت
المهم حجزت بالخطوط البريطانيه
الحجز بيكون يوم الثلاثاء التاريخ 10/8/2010م انطلاقتي من الراياض انشالله
طبعا دراستي ليست بواشنطن انما هي في نبراسكا اومها
معلومه ما اعرف ولا كلمه بالانقليزي.
السؤال الاول :كيف احجز من واشنطن الي نبراسكا ؟
السؤال الثاني :ماذا سيواجني بالمطار بالرياض ؟
السؤال الثالث:كيف اروح للملحقيه السعوديه بواشنطن؟
وشكراااا
رد: الله يوفق الي يرد علي ويساعدني
عزيزي،،
أولا/ تحجز من واشنطن الى مدينتك عن طريق موقع اكسبيديا
وهذا اللينك
http://www.expedia.com/
احسب حساب انك بتقعد في واشنطن على الاقل يوم كامل.. واحجز اليوم الثاني لمدينتك
ثانيا/ ما راح يواجهك الا كل خير ان شاء الله.. بس تأكد ان عفشك ما يزيد عن 22 كيلو
ومن المستحسن انك تاخذ شنطتين معك.. وحده كبيره للعفش.. ووحده صغيره بحيث تدخلها معك بالطياره ويكون فيها الاي توني حق الجامعه والاوراق المهمه و شوية ملابس حقت يومين.. حلو؟
ثالثا/ شوف يالغالي.. لازم تعبئ نموذج بموقع الملحقية وتبلغهم انك جاي بالمطار في التاريخ الفلاني وفي الوقت العلاني،، حلو؟
طبعا بموجب ذلك بيجيك مصري ويستقبلك ويستقبل الشباب السعوديين اللي جايين معك بنفس الرحله.. وهو اللي بيوديك للفندق واليوم الثاني بيجيك للفندق وياخذك للملحقيه يالغالي..
وهذا اللينك
إشعار بوصول مبتعث جديد
اكتب معلوماتك عشان تكون الملحقية على بينه وترسل لك المصري او احد موظفينها << ماسك على المصري هههههههه
وهذا اللينك ارجو انك تقراه عشان تكون على علم
الوصول الى أمريكا
هذا والله اعلم،،
رد: الله يوفق الي يرد علي ويساعدني
الله يجزاه بالخير اخونا ماازود عليه
ورايي الشخصي انك في طياره راح تحصل سعودين معك حاول تمشي معاهم وبنسبه للانجليزي خل معاك قاموس ولا تشيل هم الغه راح يفهمون عليك لو بلاشاره
وبنسبه للاجراءات الاجراءات بسيطه جدا حاول انك تعبي i94 ورقة حقت العفش ان ماعبيتها راح تلقا احد من موظفين المطار راح يعبيها لك وتلقا ذولي قبل الكاونتر انتبه لاتروح الكاونتر وانت ماعبيتها
والاوراق الي راح يطلبها منك المقريشن الاي توني والجواز وبطاقاتك البنيكه وايضا عنوان سكنك في امريكا واذا خلصت من كل هذا راح تلقا احد من موظفين الملحقيه وراح يخدمونك توكل على الله فهو حسبك
رد: الله يوفق الي يرد علي ويساعدني
الشباب كفوا و وفوا
والله يوفقك ويوفق الجميع
رد: الله يوفق الي يرد علي ويساعدني
الله يجزاك خير ويوفقك لكل خير يارب ياعنيد وbrovdj والله احرجتوني بردودكم
حلوووه المصري ههههههههههه
طيب وش البطاقه البنكيه وعنوان السكن ما معي الاكاش وماعندي سكن ولا شي وش اسوي؟
رد: الله يوفق الي يرد علي ويساعدني
اقتباس:
المشاركة الأصلية كتبت بواسطة قويرا
الله يجزاك خير ويوفقك لكل خير يارب ياعنيد وbrovdj والله احرجتوني بردودكم
حلوووه المصري ههههههههههه
طيب وش البطاقه البنكيه وعنوان السكن ما معي الاكاش وماعندي سكن ولا شي وش اسوي؟
شوف يالغالي،، اللي اعرفه ان الامقريشن يطلبون منك الجواز والاي توني،، اما بالنسبة لعنوان سكنك في امريكا
اكتب عنوان جامعتك،، انا اذكر اني كتبت عنوان السكن حق الجامعه ومشت اموري سلام سلام..
وانتبه للحد الاقصى للكاش وانت داخل مطارات امريكا هو عشر الاف دولار..
وانا اشوف انك تاخذ معك الف دولار كاش والباقي بطاقة ائتمانية
وبالتوفيق يالغالي،،
رد: الله يوفق الي يرد علي ويساعدني
الله يوفقك
ماقصرت ومشكور يعطيك الف عافيه ياعنيد
رد: الله يوفق الي يرد علي ويساعدني
اقتباس:
المهم حجزت بالخطوط البريطانيه
الحجز بيكون يوم الثلاثاء التاريخ 10/8/2010م انطلاقتي من الراياض انشالله
ليه ماخليت الطيار يحجز لك بالمرة ؟
أنا سوى لي خط سير من الرياض إلى أن وصلنا للمدينة الي ابيها
ارجع لهم وخله يعدل تذكرتك واطلب خط سير
الرياض - واشنطن - يوم ونص فاضي بواشنطن عشان الملحقية تراجعهم - نبراسكا اومها
وتذاكرك بيدك وماتخاف من يوم توصل للمطار راح تلقى سيارة الملحقية بانتظارك يودونك للفندق الي بتلقى فيه واحد من الملحقية ويرجعون ياخذونكم في الصبح والدعوة بسيطة
بالتوفيق
رد: الله يوفق الي يرد علي ويساعدني
شكرا على النتبيه اخوي تفاكير
رد: الله يوفق الي يرد علي ويساعدني
اقتباس:
المشاركة الأصلية كتبت بواسطة تفاكير
ليه ماخليت الطيار يحجز لك بالمرة ؟
أنا سوى لي خط سير من الرياض إلى أن وصلنا للمدينة الي ابيها
ارجع لهم وخله يعدل تذكرتك واطلب خط سير
الرياض - واشنطن - يوم ونص فاضي بواشنطن عشان الملحقية تراجعهم - نبراسكا اومها
وتذاكرك بيدك وماتخاف من يوم توصل للمطار راح تلقى سيارة الملحقية بانتظارك يودونك للفندق الي بتلقى فيه واحد من الملحقية ويرجعون ياخذونكم في الصبح والدعوة بسيطة
بالتوفيق
مشكور اخوي
بس وانا اخوك قالي حق الطيار ماعندم حجز لم ديرتي
طيب الان وشلون اسوي بطاقة اتمان؟ واي بنك اروح وش الاجرات الله يعطيكم العافيه