عرض للطباعة
السلام عليكم ورحمة الله وبركاته:
أنا ‘عندي شغاله ونويت أن شاء الله أني أخذها معي أمريكا بس ماأدري وش الطبخه في الأجراءت حقتها علما أن فيزتها بتنتهي الي كم الشهر الجاي وبجدد لها .. وهي جايه عن طريق مكتب بالفلبين مو من مكتب في السعودية فايليت الي عنده أي معلومه لايبخل علي فيها ... ولا إذا فيه موضع عن الأجراءت ياليت لو تحطون الرابط ...وجزاكم الله خير
والله انا ما أنصحك تاخذينها معك يا أم فهد علشان نظام العمل عندهم يختلف عن السعودية .. فلازم تخلينها تشتغل ساعات معينة فقط في اليوم وتاخذ حريتها ..
ياختي نصيحة لاتاخذينها
هذه حميدان التركي الله يفرجها عنه بالسجن بسبب شغالة لان جواز الشغالة واوراقها كانت معاه
واذا اخذتيها كل اوراقها تكون بيد الشغالة
يعني الجواز والفيزا وكل شي تكون مع الشغالة
الله يسهلها لكي
الله يعافي الأخوان الي ردوا ...بس معقوله أخلي أوراقها كذا معاها ..طيب إذا ماعطيتها تصير مشاكل ولا كيف ...إذا أحد ماخذ شغالته ياريت لو يرد على أسألتي .
الافضل والاحوط عدم اخذ الخادمة الى الولايات المتحدة لأسباب عديدة أهمها اختلاف انظمة العمل بيننا وبينهم
يعني لما تجيب الخادمة معاك المفروض تشتغل حسب النظام الامريكي عندهم يعني كل اوراقها الرسمية معاها وراتبها مثل رواتب الي يشتغلون هنا (اكثر من 4 اضعاف راتبها الحالي) وكذلك تشتغل عدد معين من الساعات فقط مو طول اليوم، واذا ماتنفذت هذي الشروط وعرفوا عنها يتم محاكمتكم (الله يستر) هذا اذا ماهربت من عندكم لانها بتلقى وظيفة برا احسن راتب واقل ساعات عمل من بيتكم وعندها حرية كاملة تطلع وتجي مثل ماتبي
طبعا هذا كله بعد حوسة استخراج فيزة للخادمة لدخول امريكا ومتطلباتها فيها بعض من الصعوبة
على حسب إللي فهمته من مواضيع قديمه ..
إن راتب " الخادمه " بنظامهم .. فوق الـ 2000 دولار شهرياً ..
غير إن لها يومين إجازه .. غير إن عملها يكون لساعات محدده باليوم ..
غير إن لازم يكون لها غرفه خاصه فيها ..
يعني أبداً أبداً ماينفع .. أنصحك بالمربيات أرخص و أأمن ..
تحياتي ..
اختي ام فهد الخدامات اذن جن عندنا بالسعوديه اغلبهن يفسق من شدة انها تشوف الخير والنعمه حتى مع وجود الكرف في العمل
ومافي يوم راحه وراتب مجزي
فما بالك بدولة تعطي الحيوانات حقوقها مو عاد البشر
وهم كل شي الا العنصريه او العبوديه يعني حقوق الانسان هناك في كل مكان
والاخوان الي قبل ردوا عليك ردود مفيده ومقنعه
والمثل يقول
ابعد عن الشر وغنيله
وترى السكن هناك مو مثلنا بالسعوديه فله دورين وحوش وسطوح وتكرفون هالخدامه فوق تحت
لا السكن شقة اذا لحالكم او مع عائلة
والاكل والشرب ( هيلب يور سلف ) اخدم نفسك بنفسك
او تجيبي مربية اذا عندك اطفال
الله يوفقكم
انا اطلعت على بعض الانظمه في احد اللقاءات الي سوتها الجامعه لنا ,, من المحلق الامريكي ,,
وقال:
1- النظام في امريكا لازم الشغاله تكون معاها اوراقها كامله لان غير كذا يعتبر ان حابستها عندكــ وماعنتها من حريتها ,, لان كل انسان حر في أنو يتركــ اي عمل لا يريده ,,
2- يجب ان تأخذ راتبها كل شهر على حسب العقد والاحتفاظ بالرواتب يعتبر سرقه وهذا مثل حديث الرسول صلى الله عليه وسلم (( أعطي الاجير أجره قل ان يجف عرقه ))
3- يجب ان تعمل 8 ساعات في اليوم + يوم اجازه وهذا الشيء موجود في العقود الاصل على ما اعتقد في السعوديه ولاكن الشعب السعودي متعود على كرف الشغاله 24 ساعه \ 7 ايام في الاسبوع ,,
4- الشغاله ملزمه في عمل المنزل وليس في الاشراف على الاطفال لان احداهما هي وظيفة مربية منزل والاخرى مربية اطفال وهذه في اميركا تعتبر جريمه ان يعمل في وظيفتين براتب وظيفه وحده ,, ولاكن الشعب السعودي ماتفرق عندو فالشغاله تكنس وتغسل وتمسك الاطفال وتاكلهم وتغيرلهم ملابسهم ,, رغم ان هذه مخالفه للانظمة العمل الدوليه ,,
5- اجرة الشغاله في اميركا تعتبر مترفعه لان المعيشه تعتبر غاليه فمثلا المحلقيه تصرف للشخص الواحد قرابة 1800 دولار وهو يصرخ بأنها لا تكفي لذلك يجب رفع راتب الشغاله لانها تعمل 8 ساعات في اليوم \ 6 ايام فهنالك اجار بالساعه لذلك الحسبه تكون غاليه قريب الــ 2000 دولار ,,
6- يجب ان يكون لها غرفته الخاصه وهذا من حق اي انسان يعمل في منزل الاخرين لكي يحافظ على حقوقه وخصوصيته ,, والاجارات في اميركا غاليه جدا فهي لغرفتين فقطــ تصل للــ 1200 دولار ,,
فالمسئلة تحتاج لحساب دقيق جدا جدا جدا ,,,واستخارة قبل كل شيء
وبالتوفيق ,,
أتوقع والله أعلم إنه غير مسموح في الوقت الحالي سوى للدبلماسيين
والله صعبه ردودكم خلتني أتردد مليون مره .....المشكله أنا أم لطفلين وجايه أدرس لحالي مامعي أحدهم لا أبوهم ولا شي فصعب كيف أداوم واودي المدرسه ...وأذاكر لولدي ..وأطبخ ..لازم أصير سوبر هيرو ..الله يقدم الي فيه الخير بأستخير وأشوف ..وجزاكم الله خير