شرح كيف تحصل على قبول وبأسرع وقت للدكتوراة خاصة وأيضاً للماستر في أمريكا

جزاك الله خيرا أنت قلت نقطة مهمة جدا ولا يعرفها والله إلا من جربها وأكثر من يتأثر بها طلبة الدكتوراة اللي هي لونتها أنا بالأحمر من كلامك ( على الأقل أكون مطمئن وأنا أدرس اللغة )
فعلاً دراسة اللغة والواحد لايوجد لديه قبول جامعي ولمرحلة الدكتوراة واذا كان معك عائلة كل هذه الأمور لاتجعل الطالب يسير على مايرام في اللغة أنت ماهو تخصصك في الماستر
بعض الجامعات تعطيك قبول ويعطيك القسم الشروط طبعاً مثل التوفل أو الجي آر أي أو الجيمات أو غيرها
فإذا تجاوزت هذه الشروط تبدأ فوراً في دراسة الجامعة في الموعد المحدد لك
أحياناً تشترط بعض الجامعات إنهاء جميع مستويات معهد اللغة وبعض المعاهد الأكاديمية يكون عندها خمس مستويات وكل مستوى سمستر كامل يعني ممكن ياخذ سنتين وأحيانا لايريدونك أن تتخرج لأنهم يريدون المال فقط ويخلونك تعيد نفس الترم من جديد بحجة أنك غير مؤهل للإنتقال للمستوى الجديد
نصيحة لكل من هو بالمملكة الآن حاول تجيب التوفل وأنت عندك واذا جيت أمريكا لا تبدأ الجامعة بل ادرس لغة حتى تزداد لأن هم التوفل هنا في أمريكا مؤرق بشده للي جرب
لأنك بعد اللغة عندك مهلة بسيطة فقط

بالتوفيق أخي شكراً لك

يعطيك العافية ماقصرت

انا قدمت لنفسي في جامعة لمرحلة الدكتوراه .. وماادري طريقتي صحيحه ام لا في تعبئه الابلكيشن ..
انا ابي قبول مشروط ومن ضمن تعبئه الابلكيشن اون لاين كان فيه سؤال اذا اختبرت توفل او جيمات واجابتي كانت بالرفض ، وفيه بعد سؤال ثاني هل تريد دراسةاللغة في معهدنا وقلت اوكي
هل يعتبر هذا قبول مشروط ؟

جزاك الله خير

نعم يعتبر قبول مشروط
لكن أيضاً حاولي تراسلي المعهد وتخبريهم انك قدمت على الجامعة وانك ودك تدرسين عندهم في المعهد لمدة سنة أو أكثر عادة هم بدورهم يساعدونك

الله يعافيك أخوي سعد
تخصصي في الماستر لغويات عربية ( النحو العربي)

بالتوفيق أخوي العوفي والله يجعلك تحصل قبول بأسرع وقت
وأنا حاضر بأي استفسار أو مساعدة

أخوي سعد الله يجزاك خير
أنا حاصل على قبول من معهد بس ما عطوني ضمان لدخول الدكتوراة عل طول بعد انتهاء فترة اللغة ...

كرما لا أمرا لو لقيت لي جامعة معتمدة تعطي قبول لغة وبنهايته احصل على الدكتوراة وأدخل البرنامج على طول تدلني عليها ؟؟

والله يحفظك ويوفقك

والله فكره جملية جدآ ...
جاااااري درستهاااا كمشروع ....
شكــرآ لكـــ.....

ماشاء الله تبارك الله موضوع رائع ومشاركات أروع
استفدت كثير من التجارب .. كان في بالي اقدم على 5 جامعات فقط للدكتوراه ولكن بعد القراءة لابد ان ازيد العدد ليصل على الاقل 15 ,
اختبرت التوفل والحمدالله جبت درجة كويسة , والآن جالسة اتدرب على GRE ... وان شاء الله راح اجرب طريقة مراسلة أعضاء هيئة التدريس .. ويارب انقبل في الجامعات الي ابغاها :
University of Texas San Antonio
University of Arizona Tempe

احد عنده معلومات عن هذي الجامعات اذا قبولها سهل او صعب للدكتوراه؟ مع العلم اني ابغى كلية التربية تخصص طرق تدريس اللغة الإنجليزية, شكرا

لمن أراد الإستزادة

هذا الموقع يطلع لك نسب القبول في البرنامج اللي تبحث عنه
وقد لا تجد نسبة القبول في بعض الجامعات لأنها لا تعطي معلوماتها لجهات أخرى

Peterson's - Your Comprehensive Guide to College Information