هل أستطيع أن أخذ إجازة بعد أربع شهور لغة أنجليزي؟؟؟؟؟
السلام عليكم
guys
هل ممكن أني أخذ أجازة بعد أربع شهور دراسة لغة انجليزي، لأني سمعت من بعض الزملاء أنه ممكن تأخذ أجازة شهر بعد دراسة أربع شهور متصلة، ثم بعدها تكمل ثم بعدها تكمل دراسة.
طبعا ليس الهدف الرجعة عشان رمضان .. لكن لهدف ثاني.
هل الملحقية توافق على الشيء هذا أم لا.
أفيدونا
رد: هل أستطيع أن أخذ إجازة بعد أربع شهور لغة أنجليزي؟؟؟؟؟
إذا تقصد علشان تصرف لك تذكره فالاجابه -----> لا
شرط الحصول على التذاكر بعد تسع اشهر من أخر دخول لك أمريكا ..
اذا كانت التذاكر على حسابك تقدر تقعد اربع شهور لانهم ما راح يدرون
( أنا جلست ثلاث شهور و رواتبي تنزل ولما رجعت زرت الملحقيه ولحد طق لي خبر ) ..
طبعا هذا موب من صالحك لان هالمده محسوبه من قرار إبتعاثك ..
رد: هل أستطيع أن أخذ إجازة بعد أربع شهور لغة أنجليزي؟؟؟؟؟
شكرا يا الطيب على الرد السريع
أممم
لا أنا مو قصدي عشان التذكرة .. التذكرة على حسابي .. بس هل أقدر أسافر بعد أربع شهور لمدة شهر مثلاً وأرجع بعدها أم ماذا.
شي ثاني .. هل الملحقية تعرف كم مستواي الآن .. لأنه لو كان مستواي الآن 8 واللي بعده 9 فراح يكون بعد شهرين 10 .. فهل يدرون أني سافرت شهر ورجعت وبعد شهرين أخذت 9 أو لا.
المدة مو مشكلة عندي .. لأني قريب أخلص .. والمدة كلها سنة وست شهور وأنا مستواي مقتدم يعني أقدر أضبط وضعي.
سؤال الله يخليك
اقتباس:
( أنا جلست ثلاث شهور و رواتبي تنزل ولما رجعت زرت الملحقيه ولحد طق لي خبر ) ..
وين جلست فيه قصدك .. ما فهمت ..؟؟؟
رد: هل أستطيع أن أخذ إجازة بعد أربع شهور لغة أنجليزي؟؟؟؟؟
أنا أقصد جلست عند الوالده ... في السعوديه يا لبى سمومها ..
أخوي تبي نصيحه واحد يبي لك المصلحه و خبره اكثر من ثلاث سنوات بأمريكا ..
اذا تبي تنزل 4 شهور للسعوديه إعمل هولد على البعثه .. ولما ترجع لأمريكا فك الهولد ..
بكذا تستفيد رصيد 4 شهور برواتبهن مستقبلا لا سمح الله إحتجت تمديد ولا شي ..
رد: هل أستطيع أن أخذ إجازة بعد أربع شهور لغة أنجليزي؟؟؟؟؟
اي والله يا لبى سمومها
طيب معليش
كيف اسوي هولد >>> يا أخي أحس أبلشتك، الله يوفقك ، ما تقصر
وش الفايده من الهولد وهل يوافقون الملحقية .. وهل لو ما سويت هولد تمشي أموري
أنا كل اللي أبيه يمكن شهر أو شهرين فقط.
رد: هل أستطيع أن أخذ إجازة بعد أربع شهور لغة أنجليزي؟؟؟؟؟
كلم الملحقيه وقولهم عندي ظرف طارئ سألوك عن الظرف ( إصرف لهم من الرخيص ) ..
طبعا لازم يكون عندك سبب قوي و مقنع أو إنك تصير بثر و غثيث و تبلشهم بإتصالاتك علشان يعطونك تذكر إتجاه واحد و يسوون على بعثتك هولد .. فالح الحقباني الله يذكره بالخير قالي هالكلام بعطيك تذكره إتجاه واحد و أسوي على بعثتك هولد طبعا رفضت لاني كنت جديد ولا ادري وشسالفة الهولد ..
رد: هل أستطيع أن أخذ إجازة بعد أربع شهور لغة أنجليزي؟؟؟؟؟
حبيبي انت كلمت المعهد علشان الاجازة ولا لا
اذا كلمت المعهد وقال لازم تجيب موافقة من المشرف حينها لازم تكلم الملحقية واذا المعهد عطاك الاجازة بدون طلب موافقة من المشرف تقدر تروح وانت مرتاح وراح راتبك ينزل في السعودية
رد: هل أستطيع أن أخذ إجازة بعد أربع شهور لغة أنجليزي؟؟؟؟؟
طيب اخوي وس الفائده !! كانك اوقفت الشرب في منتصف الكوب وانت عطشان لا انصح بذلك ...