اخواني المتعثين تعالوا عاونوني

بسم الله الرحمن الرحيم

اول شي الشهر عليكم مبارك

اخواني انا رجال قدمت على برنامج الملك عبدالله ماستر تسويق لكن مدري متردد جدا ومغير اطق هالهواجيس

طبعا ماكانت في الي لكن احد الربع دخلها في راسي ويوم صملت قدمنا ولا قبلوه هو فاصبحت وحيدا :)

فابي بالله نصايحكم ساعات اقول خلاص روح وساعات اقول غربه ولحالي صعبه ذحني التفكير

طبعا ادري ان القرار الاول والاخير لي انا بس ابي نصيحه يعني هل فيه احد منكم مر بنفس حالتي وتأقلم وحمد ربه الف مره انه مافوت الفرصه

ثاني شي ابي الخطوات اللي تكون بعد التدقيق وهل فيها قروشه

اخيرا لو انصح خويي يروح على حسابه ثم يلتحق فكم المده غالبا لضمه

ادري طولت عليكم وغثيتكم بس والله تعبت وانا افكر ساعات اقول فرصه وساعات اخاف من التجربه خصوصا ان عمري ماطلعت برى المملكه عاد هالنوب امريكا فما ادري

تحملوني ومالكم الا الدعاء في هالشهر الفضيل

اخوكم عزيز المحتار

الشهر عليك مبارك
وتقبل الله منا ومنك صالح الأعمال

أنا رأيي إنك تسافر لدولة الإبتعاث

ولكن قبل كل شي إستخر وراح تتوجه مباشرة


وفقك الله

علينا وعليك وجعلنا الله واياك من صوامه وقوامه
ولاهنت ع الرد

طيب اخوي خويي لو يروحعلى حسابه وبعدين ينضم كم تتوقع ياخذون وقت في الغالب علشان يضمونه ؟؟

شباب الله لا يهينكم ني تجاربكم هل فيه احد مر في هالحاله وراح وانسط والا لا

يالربع وينكم افيدوني

لست وحدك اخي عزيز وانا اضم صوتي لصوتك حتى تعم الفائدة لاني ان شاء الله ناوي على ماستر تسويق ياليت الشباب يردون حتى تعم الفائدة
ياليت تدكر الولاية والمدينة
وتدكر ايظا عن القبول المشروط وغير المشروط ان وجدت
وايضا بخصوص اختبار الجيمات
ان شاء الله نتعاون اخ عزيز حتى تصل ونصل معك لللاجابات الهامة للكل
تحياتي لك