تعال وصور لنا سحورك أو فطورك .. خلال شهر رمضان المبارك =)

بسم الله الرحمن الرحيم
السلام عليكم ورحمه الله وبركاته

::

حياكم الله , أبغى كل واحد يصور لنا سحوره أو فطوره خلال أيام شهر رمضان

يالله ابدأ أنا

هذا سحوري أول يوم ايس كريم وحليب وبيتزا وحبة خبز أسمر , كنت مستعجل على السريع ماباقي إلا عشر دقايق على الآذان

http://www.mbt3th.us/vb/imgcache/86605.png

,

وهذا فطوري مسكين صح P: اخ لو إني متزوج كان السفرة شي شي مليانه

http://www.mbt3th.us/vb/imgcache/86606.png

,

وهذي للنقنقه

http://www.mbt3th.us/vb/imgcache/86607.png

,


يالله الحين شوفوا صور المتزوجين ماشاء الله ماشاء الله ، الله لا يهينكم ارسلولي صحن لقيميات وكريمه وشوربه ورطب

::

اقتراح للإدارة: لو تسوون قسم مؤقت لمدة شهر فقط وتسمونه ( الخيمة الرمضانية ) يختص بمواضيع شهر رمضان الكريم ، وإذا عجبكم الإفتراح وتم إفتتاح القسم أتمنى نقل موضوعي هناك شكراً

Cu =)

شكلك من النوع الي يموت بشي اسمه اسكريم

فكره حلوه مشاءالله والله يكون بعونك ويتقبل صيامك

الله يتقبلمنا ومنكم الصيام والقيام ويعينكم على طاعته
صادق لو انك متزوج كان الفطور يمي يمي :)

حلوه الفكره . بس لو اصور فطوري تحزن على من جد هههههههههه فطورك هذا شي جنبه

كان الله في عون كل عزوبي
وفي عون كل بنية ماتعرف تطبخ
والله انكم تكسرون الخاطر
تعلم لك طبخة طبختين وانا اختك من ابو عشر دقايق بدل هالوجبة اللي مدري شلون قايلة
قسم حسيت بمغص من صورة التشكيلة الرهيبة اللي مجمعها فطور يسعدك ربي

الله يعينك على الصيام والقيام ويوفقك دنيا وآخرة ويرزقك من حيث لاتحتسب

ماشا الله تبارك الرحمن ههههههههههههه
انا نزلت موضوع في قسم البنوتات طلعو مدلعات خخخخ ولا وحده حتطبخ لنا طبخه
اللي يسمعني يقول شاطره ههههه بس وربي اللي يشوفني يقول هاذي ماتسوي بيض بس جيبو الخروف واسوي هاذيك الذبيحه
اللي انما اييييييييه :D
بالعافيه عليك وربنا معاك:)

عليك بالعافيه ...
وصدقني فطورك هذا له طعم احسن من طعم فطور المتزوجين ...

طيب أقول لكم طبخة سهلة ولذييييذة، تاخذ شويتين وقت، بس تستاهل..

وراح تذكركم بجدة والمدينة .. اللي هي " البف " أو الفطاير..

١- شوية لحم مفروم حطه في طاوة مع شوية زيت، فتت اللحم كويس، وبعدين حط شوية بصل مفروم، وبعدما يستوون حط الملح والفلفل الأسود ، وأي بهارات تعجبك.. طفي النار، وحط شوية بقدونس مقطع، وممكن تحط كمان بيض مغلي، بعد تقطيعه..

٢- علبة قشطة + كاسة دقيق .. اخلطهم كويس.. وصار عندك أفخم عجينة ..

٣- قسم العجينة لدوائر، وافردها وحط فيها من خلطة اللحم، وقفلها..

٤- اقليها، لين يصير اللون ذهبي..

٥- بالعافية .. :)

لا تتكاسلون،، ترا هذه أكلة لذيييذة وسهلة، ومقاديرها إن شاء متوفرة في أمريكا، فلا تحرموا نفسكم منها..

اقول ياالطيب ماعندهم رز والله يا الرز انه لحاله تكفى اذا مافيه رز قلي علشان قبل امشي آخذ معي خيشة رز

وعليك بالإندومي اذا كانت مثل اللي عندنا والله ياهي تفي بالغرض

وبالعافيه

انشاء الله رمضان القادم بنزل لك صوري >>> فاضين ننتظر انت وجهك

فطوري انا وزوجي ورق عنب شوربة جريش باللحمه وكفتة بطاطس وام علي
http://www.mbt3th.us/vb/imgcache/86617.png