جامعة نسائية((ماجستير أحياء))
السلام عليكم ورحة الله وبركاته
ارجوكم ساعدوني
الحمدلله قبلت قبول مبداي في برنامج خادم الحرمين الشريفين طول الله بعمره
وبدرس ماجستيــــــر أحياء
سمعت انه في جامعات في امريكا تكون نسائية واحيان فيها معهد لغة
ارجوكم ساعدوني في اسمائها واين توجد باي ولاية بشرط تكون معتمدة من التعليم العالي
ارجوكم ساعدوني جزاكم الله الجنة
انتظركم
اختكم
رد: جامعة نسائية((ماجستير أحياء))
وانا بعد مثلك ماستر احياء..~
والله شئ طيب لو ف جامعات زي كذا بأمريكآ..~
/
\/
إييه الله يعاافيكم احد يقوولنا لأن بالتدقيق يطلبوون منا نختار الولايات)=
رد: جامعة نسائية((ماجستير أحياء))
فيه في تكساس مدينة دينتون
TWU
Texas Women University
جامعة تكساس النسائية
لكن مشكلتها مافيها معهد لغة يعني لازم تكونين جاهزة باللغة عشان يقبلونك
توفل - ايلتس - اوخريجة من معهد IELI الي هو معهد تابع لجامعة UNT الجامعة الأخرى الي بجوار الجامعة النسائية .. وهذا المعهد قوي جدا وممتاز ولكن عيبه صار مليان سعوديين الترم الي راح بعض الفصول اصبحت نسبة السعوديين فيها من 15 طالب بالفصل يكون 14 منهم سعوديين !
ومدينة دينتون مافيها معهد لغة آخر معتمد الا المعهد هذا وهذي مشكلة الجامعة النسائية
واعتقد فيه جامعة في ولاية ثانية بس ناسي اسمها
رد: جامعة نسائية((ماجستير أحياء))
حبيبتي همسة حق
انا تعبت وبحثت وطلعت بهذولي الجامعات النسائية الثلاث اللي تدرس ماستر احياء
قريت عن جامعات نسائية كثير لكن لمن دخلت موقع وزارة التعليم لقيت الاغلب طالبيت بكاريوس
بس 3 جامعات اللي معتمدين فيهم ماجستير احياء من بين هالجامعات النسائية
وهي كالتالي
تنبيهات=
تنبيهات=
تنبيهات=
شوفي الدرجات المعتمدة
بس ماعرف الولايات ولا شلون المعيشة فيها
وهل حقيقي هذه جامعات نسائية؟
تكفون ساعدو اخواتكم تكفون في حاجتكم
رد: جامعة نسائية((ماجستير أحياء))
اخوي الكريم تفاكير
اعتقد المعهد مقدور عليه ..يقولو يفتحو فصول نسائية اذا زاد العدد عن 5 واحيان 10
يعني مايسير ندرس في معهد بدين نروح للجامعة اللي نبيها؟؟؟؟
تكفى ساعدنا
جامعة CHATHAM UNIVERSITY في مدينة بتسبرج يقولو نسائية هل صحيح نسائية؟
فيها معهد؟
كيف المعيشة بهالمدينة؟؟؟
رد: جامعة نسائية((ماجستير أحياء))
ايش وضع النقاب هناك؟ لاني ناوية اضل بحجابي ونقابي...
سواء في تكساس دنتون او مدينة بتسبرغ ولاية****
على فكرة سمعت ان جامعة تكساس النساء فيها 93 بالمية..يعني فيها نسبة لاتذكر من الرجال ..هل هذا صحيح؟
طيب الحين شلون اقول للوزارة مثلا اني ابي احدى هذه الجامعات؟؟؟
والف الف شكر تفاكير....
جزاك الله خير
رد: جامعة نسائية((ماجستير أحياء))
هذي الجامعات ليست نسائية بمعنى أنه يمنع تدريس غير النساء بها !
ولكن كل القصة أن هذه الجامعات قديمة وأنشأ بعضها في القرن الماضي في بعض المجتمعات المحافظة التي لم تنجرف وراء الاختلاط بشكل كبير لذلك انشأوا هذه الجامعات وبعد كل هذه السنوات أصبحت الجامعات مختلطة
لاتمنع الذكور من القبول ولكن خطها وأغلب طلابها من الإناث .. لأن الكثير من الطلاب الذكور لايريد أن يتخرج وشهادته مطبوع عليها ختم ( الجامعة النسائية )
بالنسبة للجامعات الأخرى لاأعلم ولكن أذكر مر علي جامعتين أخرى نسائية واحدة منها كانت خاصة لذوي البشرة السمراء ومثلما تفضلتي أغلب نوعيات تلك الجامعات بكالوريوس
أما النقاب فلا يوجد فيه مشكلة أبداً ولا أحد يقولك شي لا في تكساس ولا في أمريكا بصفة عامة عادي جداً وبتشوفين في الجامعة منقبات
الوزارة بالنسبة لطلاب الماجستير هي الي تجيب لكم قبولات اللغة بنفسها وتطالبكم بالالتزام بها .. وممكن تجيبين قبولك بنفسك بس راح تتعبين عشان يوافقون عليه
وبعد ماتخلصون اللغة تقولكم الوزارة كل واحد يجيب قبول الجامعة بنفسه .. يعني ماتجيب لكم شي بنفسها بالنسبة للجامعة انتوا الي تتصرفون .. بس المشكلة بالبداية تكون باللغة
بالتوفيق
رد: جامعة نسائية((ماجستير أحياء))
تفاكير ايش هي الجامعة الخاصة لذوي البشرة السمراء؟؟؟
تكفى اذا تقدر تسال لنا لاني مستحيل ادرس في جامعة فيها هذه العنصرية ومشاكلهم كثير
رد: جامعة نسائية((ماجستير أحياء))
والله مااتذكر وانا خوك .. الأيام هذي دخلت تقريباً على 200 موقع جامعة في ولايات كثير ومن كثر المواقع نسيت كلش
لكن ماعليك الأمور بسيطة والجامعة الحين ماهيب أكبر همك .. أكبر همك هو اللغة
إذا تبين تاخذين لغة .. شوفي لك معهد يكون تابع لجامعة أفضل وأحسن .. وحاولي قبولك يكون مشروط
الله يوفقك
رد: جامعة نسائية((ماجستير أحياء))
الله يوفقك استفدت من ردك كثير