ارجوا المسآعده في اختيار الجامعات والتخصص في الولايات الشماليه

اقتباس:

---

المشاركة الأصلية كتبت بواسطة rozzz

روعه الاجابات
الله يجزاك خير اخوي مغترب
انا نفس طلبها بس ابي ماجستير
يعني معاي بكالوريوس اشعه يعني تقنيه مو طبيبه
وابي اكمل ماجستير وحاولت ابحث الترا ساوند مالقيت فقلت خلاص احول ماستر عام اذا عندك خلفيه اكون لك شاكره
ربي يسعدك ويوفقك

---

والله يا اختي اعتقد هذا برنامج الالترا سوند في جامعة يـــيــل ولكن مو متاكد اذا ماستر او لا؟

Ultrasound, Diagnostic Radiology: Yale School of Medicine


Diagnostic Radiology Residency Program: Yale School of Medicine

روووز قصدك اللي باوهايو كليه مو جامعه
طيب وش تنصحين بـ كليه او جامعه
وبعدين انتي عندك خبره ونظرتك اوسع فيديني الله لايهينك

هي كلية تبع جامعه نفس الشي ماتفرق هي مجموعة كليات تحت نفس اسم الجامعه
اذا تبين شوري اذا تاكدي ان ان لجامعه معترف فيها
واذا طلع معترف فيها ع عطول روحي اشعه اي قسم اختاري واستخيري
وافضلك من الطب لان دراستهم برا طويله ومملله وانتي بنت
وع فكره دراسة الاشعه بكالوريوس تتوظف بمستشفياتنا ع مسمى اخصائيه مثلي الحين ورواتبهم حلو وسمعه وكشخه وبنفس الوقت ماضاع عمرك بالدراسه نفس الطب وانتي بعد افضل مننا بتكوننين خريجة امريكا حتى راتبك ونظرة الناس لك تفرق

مشكور طالب مغترب ماقصرت بصراحه انت فظيع تجيب الاجابات بالضبط ماشاء الله عليك

روز يابعدي انتي الله يبشرك بالخير والله
طيب انا دخلت الموقع اللي اشوف فيه لو الجامعات معترف فيها او لا
يختي ما طلع لي اسم هالكليه

بليز لو قدرتي تتأكدين لي اذا هي معترف فيها او لا واذا في معهد لغه تابعه لها
باكون شاكرتلك
واذا لقيتي اي جامعه ثانيه فيها نفس التخصص غير جامعه ييل لاني سمعت انها صعبه
ساعديني كمان
انا لقيت تخصص الاشعه بجامعه ان اربور بميشغان بس ماودي بميشغان وقلت بخليها اخر خيار لي
وحتى جامعه ماديسون في ويسكونسون فيها التخصص

يعطيكم العافيه الجميع

انا ابي استفسر عن مدينة اوهايوو قالو لي انه منطقه حلووه وعلى قد كلامك برضوه اعجبت فيهاا

وابي اكمل الماجستير على حسابي علوم الحاسب فياليت تقولي لي كيف تكلفت الاجار ونظام السكن وتكلفة معهد اللغه لسنه

وياليت الجميع يشارك للفائده

مرحبااشلونكم اسفه حبيبتي ابطيت ع سؤالك احيان اادخل المنتدى
ياعمري فيه جامعه بميزوري فيها تخصص اشعه وفيهاالتراساوند اقصد اشعه صوتيه
اسمعي حبيبتي بحكم اننا بنات والاشعه خطره فافضل شي لنا الصوتيه لانهاامنه وفيه بعد الرنن المغناطيسي بس مزعج والاشعه اقسامها كثيره بس بالبدايه تدرسين اعداد وبعدين تتخصصين
الجامعه اللي دلنا عليها مغترب انابعد مثلك ماقدرت اتاكد معترف فيها او لا
ولاتنسين ان القائمه اللي في الوزاره تتغير بين فتره وفتره مالناالا طالب مغترب ارسليله ع الخاص
بس شوفي الاشعه عموما وظايفها متوفره انااشجعك وانصحك تدخلينه واستخيري قبل الف مره وادعي ربي برمضان يختارلك الزين
شوفي اناابحث عن الماستر وانتي تبحثين عن البكالوريوس لنالقيت اللي قتلك في ميزوري بس شوي دقيقه
انتي من قالك ان الكليه اللي دلناعليها طالب مغترب صعبه لقيتي احد يدرس فيها؟
اخوي فتى مهاجر انا وتوليب للحين بالسعوديه ماذلفنا امريكا بس حسب علمي ان اوهايو حلوه واسال شباب بيفيدونك بالمنتدى لان احنا بنوتات يعني ماعندنا معلومات واجد

يعطيك العافيه اختي رووز

ومشكورين الجميع ماقصرتم وياليت تفيدوناا اكثر

<<< اذاذلفتوامريكااا اخذوني ابي اذلف معكم ههههههه

وياليت اخوي مغترب يفيدناا

هلابك اختي رووز فديت افادتك والله
بالنسبه للالترا ساوند صادقه احسن لنا من ناحيه اننا بنات
بس كيف دقيقه تقصدين صعبه يعني يبغالها تفرع ؟!!
وبالنسبه للكليه مثل دورتها ومالقيتها اما جامعه ييل اسأل الكل يقولي انها صعبه =/
مدري شسالفه

ان شاء الله برسل له لمى يمديني ارسل واخذ الافاده منه لو ما افادنا هنا
وانتي كمان ارسليله وشوفي يمكن يرد علينا ان شاء الله ويفيدنا

اي والله الله يكتب لي ولك الخير ونرووح ونكمل اللي نبي تاخذين الماستر واخذت البكالوريس
وبعدين ترجعين دراسات عليا وانا ماستر وهكآ << ههههههههه اذلفوا اول
عجبتني اذلفوا يارب نذلف يااارب ههههههههههههه

اخوي مهاجر
انا زيك من كثر ماسمعت عنها حبيتها
لكن مع الاسف كل جامعاتها موقوفه الحين بسبب تكدس الطلاب السعوديين فيها
انت شيك على موقع الوزاره حق الجامعات المعترف فيها واللي ما اوقفوها
واسأل الشباب ان شاء الله مايقصرون في موضوع هنا اسمه شات اوهايوا
ادخل واستفسر منهم لو اوقفوا التسجيل بجامعاتهم انا اخبر جامعه توليدو واوهايو وقفوها
بس مدري

رووز جزاك الله خير ياقلبي وعاد شيكي كل يومين يمكن ينط سؤال براسي لك فجأه

هلا حبيبتي توليب اسمعي فيه بعد ي الرنين المغناطيسي امن بس صوت الجهاز مزعج انا ودي تروحين تجربين نفسك باي مكان تتاكدين انك بس تميلين للاشعه وع فكره عندي خوياتي باقسام ثانيه تغذيه وفيه علاج طبيعي وبصريات وعلاج السمع والنطق والمختبرات
وبعد تخرجنااكتشفت ان الاشعه افضلهم لانه فيه اقسان امنه واقسام ممكن بس تشتغلين مع الحريم مافيه اختلاط
وغير كذا مطلوووووووووووووب وظيفيا حتى المستوصف الصغير يحتاجونه
ربي يوفقك من ناحية صعب وسهل شوفي انادرست بكليتي بالملك سعود الستاف كان هنود وافارقه وباكستان الانقلش حقهم مكسر ومانفهم والكتب مو محددينها يعطونا اوراق مصوره والشرح زباله وماتصورين حاقدين علينا مايشرحون ويستلعنون معنا ويوم سالت قبل ادخل الكليه مثلك الحين كلن قالي صعبه عسره الكتب كبر كتب ابن سينا ماتقدرين عليها ومن ذاالكلام الخرطي ونجحت وكل شي وازيدك بعد كنت ساكنه بعيد مره من الكليه بين الخرج والرياض يضيع يومي بالطريق ومع كذانجحنا هذا كله كتبته عشان اعلمك انك بتنجحين بامريكا
لانه جامعاتهم مرتبه ومحدده ومناهجهم واضحه والاسئله ملتيبل شويس اخيارت واسئله مختصره مو مثل اسئلتي مقاليه د ش نكتب لين تنكسر يديناغر كذا عندهم معامل مو مثلنا نص الاقسام بدون معامل تخجنا بس نظري مافهمناالعملي الا بعد الوظيفه
ولاتنسين بتروحين توك طريه بتتعودين ع نظامهم مو مثلي مخي تبرمج ع العتيج
ولاتخافين بطمرلك كل يوم اشيك ع وضعك عاد بعد العيد بطمرلك كل اسبوع لانه برجع دوام ومالي خلق نكد مع ان الذلفه لامريكا ثقيله ع نفسي بس اهون من الكرف من الصبح الى العصر الودودي انقز ماجستير لماليزيا بس المرافق حقي بامريكا
يله ياقمر اشوفك بااااااااااااااااااااااااااي