استفسار لأهل الخبرة بخصوص المرافق وحالتي

السلام عليكم

اول شئ كل عام وانتم بألف خيييييييييييير ويارب يوفقكم ويسهل اموركم ,,

لكل من ابتعث سواء بنات او شباب

بقولكم حالتي بخصوص المرافق :

انا اخويا إن شاءالله حيروح لبعثه الاسبوع الجاي على حساب الشركه يكمل ماستر

وانا مقدمه على بعثة الملك عبدالله والحمدلله ترشحت لها وباقي تدقيق الأوراق

طبعا خليته هو المرافق دامه حيكون بأمريكا

وبوقت التدقيق حيعطوني ورقه اعبيها اذا كان لي احد بولايه ومدينه معينه اذا ابغى ابتعاث فيها طبعا حسجل اسم اخويا الي رايح للبعثه وولايته

المشكله هنا لو أنا خلصت اوراقي إن شاءالله وجاني قبول بالمعهد وجاتني الفيزا بنفس الولايه

ماحقدر اسافر الا اذا هو معايا وهو ماحيرجع الا بالاجازه الصيفيه الجايه وبعد العيد يروح يكمل السنه الثانيه للماستر

اقدر أأجل امر الإركاب حتى اخويا يرجع واروح معاه على السنه الجايه ؟؟

وسؤالي الثاني لحد متى اقدر اغير المرافق لان الوالد حيتقاعد بشهر 7 الصيف الجاي ؟؟؟

وانا مالي غير اخويا الي حيروح بعثه يكون مرافق لي ولأنه هو اصلا على بعثه محتاره بحالتي

ياليت الي يقدر يفيدني كيف اتصرف بهذي الحاله لايبخل علي؟؟؟

وانتي بخير إن شاء الله ..

يفيدونك الاخوان إن شاء الله لكن من الأفضل أن تسألي الملحقيه دامك بالسعوديه وتتصلين على شؤون الطلاب وتشرحين لهم ضرفك وإن شاء الله يمكن يقدرون يساعدوك إن شاء الله

اتمنى لك التوفيق إن شاء الله

كوني بخير

اللي انا اعرفة ماراح يعطونك ورقة يوم التدقيق تكتبي فيها الولاية اللي انتي تبينها !!
بعد ماتدققي اوراقك راح تنتظري الترشيح النهائي وحضور الدورة الالزامية
طبعا الوزارة تكون متكفلة بقبول لغة لك اذا انتي تدرسين ماستر فمسؤوليتك انتي ياتكلمي المكتب اللي راح يكون ملفك
عنده من اجل يجيب لك قبول في المكان اللي تبينة او تخلين اخوك يجيب لك قبول مادامة راح يكون بامريكا
وبعدها يكون انتي منتهية من الدورة والقبول ماعاد يبقى عليك الا الفيزا واجرائات الفيزا
وبالنسبة لامر الاركاب والصيف الجاي ومدري ايش !!
طلاب المرحلة الخامسة ماانتهوا امور البعثة واجرائات السفر الا بشهر 3 و 4 و 5
يعني قدامك فترة طويلة تفكرين بهالاشياء
وبالنسبة لتغيير المرافق تقدر تغيري مرافقك باي وقت
هذا والله اعلم