حوار %%% ديوانية علم النفس تفضلو حياكم %%%

مساء الورد لاحلى اصحاب وحشتوني قد الدنيا ..
آسفه ع الغيبه كثير بس جامعه ومحاضرات وساعات مكتبيه ودورات وتجهيز للسفر ووداع ..
ابشركم انا بواشنطن وبكرا مسافره ع اوهايو والمعهد ببدأ فيه الثلاثاء الجاي

ع البند الله يقويك سيكومتريه ان شاء الله تزوريني الفضلي شكرا ع معلوماتك القيمه
ومرحبا بكل زملاء وزميلات المهنه ..

لنا عوده ان شاء الله ..
ربي يحفظنا ..

أهلا أختي الحمد لله على السلامة والله ييسر أمرك ويسمح دربك وإذا عندك أي استفسارات بخصوص وضعك الجديد, تراني حاضر ولا يهون رواد الديوانية أذكر أول ما وصل لأمريكا كان عندي أسئلة كثيييييييييرة عن البنك والباص والاتصالات والسكن ,,,,,, وغيره والحمد لله الطيبين ما قصروا, وجاء الوقت اللي نرد فيه الدين ملاحظة: استمتعي بفترة اللغة, قبل لا يبدى البرنامج وتتحسفين

أهلييييين أخت بيلسان...

افتقدانك كثيرا لكن رجعتي باخبار جدا حلوة ومفاجأة جدا سارة.

الحمد لله على سلامتك وكان الله في عونك واحنا في انتظار تقرير عن رحلتك وانتي مخيرة بين تقرير سريع موقتا وتقرير مفصل لاحقا والامر متروك لك.

الحمد لله على سلامتك مرة ثانية والله يرجعك لاحبابك سالمة غانمة...

هلا فيكم وكل الغلا لكم ..
تقرير رحلتي سافرنا انا والوالد الله يطول بعمره ويجعله دوم ذخر لي بتاريخ9يناير طبعا رحلتي كانت الرياض الدوحه جلسنا فيها ساعه بعدها واشنطن طبعا مليت شوي بس طول وقت الطياره اشوف افلام او احكي مع بابي و نمت شوي اللي ضيق صدري اننا نمشي 13ساعه وكلها في النهار بس الحمد لله وصلنا واشنطن يوم الاحد استقبلتنا الملحقيه في المطار وصلونا لفندقهم دبل تري طبعا انا اقول فندقهم لان فيه كثير سعوديين وسعوديات بس الفندق مرا كويس احنا جالسنا 5ايام خلصنا اوراق الملحقيه في يوم والباقي سياحيه طبعا فرق كثير بس اسعارنا واسعارهم انا حستني برفع قضيه ع الماركات اللي عندنا اشياهم تجنن وبربع السعر واحنا تجيب الهم وغاليه .. بس عيب الفندق بعيد شوي عن الاسواق والاماكن السياحيه ,, يوم الجمعه وصلنا ديتون في اوهايو كل شي جميل والحين احنا في فندق استاجرنا بيت بس قالوا يسلمونه لنا يوم الجمعه الجاي ان شاء الله وكل شيء جميل بفضل ربي ..
ويوم الثلاثاء اختبار تحديد المستوى ان شاء الله ..

ربي يحفظكم ..
دعواتكم

انا لسا ماجاني قبول معهد فأفكر انا اجيب القبول بنفسي واعتمدده من الوزارة
تخصصي علوم صحية وابغى ادرس علم نفس اكلينكي امتداد لتخصص البكالوريوس

فاافكر يكون المعهد والجامعة الي بدرس فيها في ولاية وحده علشان مالي في النقل والحوسة
ابغى تساعدوني ايش افضل ولاية من ناحية المادة والجو

ابغى تكون رخيصة وجوها معتدل وكويس ويكون فيها معهد اوك وجامعة بتخصصي

ساعدوني الله يوفقكم >_<

كيفكم يابنات انا تخصص علم نفس
جاء قبولي بااوستن وابغا احول واشنطن دي سي

يابنات ابغا تعرف ع بنات بواشنطن دي سي او فرجينيا نفس تخصصي اذ ممكن

الف شكر لك اخي على هذا الموضوع

شكرا على التقرير يا أخت بيلسان...انا قريته بكل حماس

ورح ننتظر تقاريرك حول المدنية والمعاهد والجامعات الموجودة فيها.
وياليت لو نعرف خطتك الدراسية بصورة عامة لانها بتكون مفيدة للكثيرين.
ودمتي في حفظ الله انت والوالد...

مسآ الخير ..

آنآ طآلبة في جآمعة الملك فيصل .. آدرس بكلوريس علم اجتمآع وخدمة آجتمآعيه ..
مره مره حآبة تخصصي .. بس آكنسل درآستي ,
و ودي آطلع آدرس بأمريكـآ بنفس تخصصي او ادرس علم نفس ...

يآليت اللي عندو فكره عن آفضل الجآمعآت اللي تدرسّ هالتخصص يفيدني بأسسسرع وقتْ .,

ومشكورين مقدماً .. ! =)