عرض للطباعة
السلام عليكم .. مبروك عليكم الشهر واتمنى انه ينعاد علينا بصحه وعافيه .. بإختصر كورسي الانجلش يبدأ في 7 سبتمبر في LCC حق جامعه هيوستن وانا بودي لو احد يفيدني عن السكن هل فيه شي قريب من الجامعه وكيف اسعار الشقق؟؟ تنصحوني من اولها اروح عائله ولا انتظر شوي .. انا بتخطيطي بسكن لمده شهر بشقه الين ماعرف الوضع ثم انتقل مع عائله.. علما اني مع زميل وكلنا مبتعثين إن شاء الله
بإنتظار ارائكم
اول شي اخوي
اتمنى انك تتحقق من الاخوان اصحاب التجربة لاني سمعت البعض يذم السكن مع العائلة وسمعت البعض يمدحه
النقطة الثانية اغلب الشقق اللي تؤجر مفروشة تشترط عقدا لمدة 6 شهور على الاقل ...او انك تسكن بايجار يومي وهذا بيكون مكلف جدا عليك
النقطة الثالثة: بالنسبة لايجار الشقق في هيوستن اكتب في جوجل
Houston appartments
وسو بحث بتشوف مواقع كثيرة تعطيك شقق بصورها واشعارها وميزاتها
اعطيك مثالين هالمواقع :
Houston Apartments for Rent - Houston Apartments Reviews and Ratings
Houston Apartments for Rent - Find Apartments in Houston, TX
هذا اللي عندي لكن اعتقد سكان هيوستن يفيدونك افضل من معلوماتي
اخوي FINALIO
اشكر لك اهتمامك وسوف ابحث بالموقع عن شقه مناسبه لكن اذا كان العقد اقل شي 6 شهور فاعتقد انها صعبه لأني مخطط على عائله وبالنسبه للعوائل فهي حظوظ يعني مرات تطيح بعوائل يعامولك زي ابنهم وبعضهم لا اكيد الطباع البشريه تختلف .. بإنتظار ردود بقية الإخوان
جرب اول 3 شهور في سكن الجامعه بعدين تعرف وش بتسوي لانه فيه ناس يناسبهم وناس تتشكى كثير منه
مشكور اخوي دوم بس ببصراحه سمعت ان سكن الجامعه كله شرق اسيويين ويابانيين والحمامات مشتركه وهذا شي مايناسبني ابدا