احصل على قبولك بنفسك في الجامعات الأمريكية .. الخطوات

الله يعطيك الف عاافيه والله ييسر لك أمورك على الشرح المفيد والمميز

اتمنى منك الجواب على إستفساري فأنا بإنتظار جوابك
استفساري حول القبول المشروط ممكن توضح هذي الفكرة لأن اكثر من عضوا يسأل برضه نفس السؤال وإلى الآن لايوجد جواب شافي
لأني متخرج جديد بكالوريوس حاسب من السعودية وابي اكمل على حسابي وانا ماعندي اي اختبار من مثل التوفل وغيرها فهل القبول المشورط يغني عن هذا الإختبار لأني ابغى قبول من الجامعة ومن معهد اللغة قبل سفري لدولة الإبتعاث

اتمنى ومره اخرى اكررها حول هذا الإستفسار الي شاغلي بالي من اسبوع واحاول الحصول على قبول بالجامعة والمعهد حتى بدون إختبار التوفل لكي يتسنا لي الإلتحاق ببعثة خادم الحرمين أثناء فترة دراسة اللغة

اخوي مدريدي قصة القبول المشروط أن الجامعة تعطيك قبول مبدأي بشرط أنك تحضر إثبات إنك اجتزت اللغة أو إنك راح تجتازها مستقبلاً
ممكن يكون عندهم معهد لغة يعني يقولون اوكي ادرس في معهدنا واذا خلصت المستويات وتخرجت منه تعال ندخلك في القسم الي انت طلبته بالجامعة من غير ماتختبر توفل أو آيلتس يعني اجتيازك للمستويات كفاية
وفيه جامعات أخرى تعطيك قبول مشروط وتدرس في معهدهم انجليزي بس لازم تدبر درجة توفل مطلوبة قبل يدخلونك بجامعتهم
طبعاً الأولة هي الأفضل وأريح لك من الضغط
يعني فكرة القبول المشروط ببساطة إن الجامعة تضمن مقعدك عندها اذا خلصت اللغة والي ممكن تكون في معهدهم نفسه وهذه نقطة جيدة لأنك ترتاح من التفكير وين تدرس ومتى تتخرج ومتى تخلص ووين بتروح

تفاكير ,,والله انتي جـووونان

تدرين كنت ناوي أدفع لواحد حـوالي 3500 ريال بس رسوم من غير اارسال الأوراق والامور هذي كلها

يعني بيطلع 4000 ريال _بالنسبه لي انا قادر ادفعها ولما نويت ادفع ,,قلت يمكن يكون نصاب ولا شي

المهم _ طحت ع موضوعك صدفه ,,وقلت خلني أجرب بس مجرد تحريب ماني بخاسر شي

والله ادخل على موقع احد جامعه واطبق خطوات موضوع <<<<وانصدمت من هالشي

طلعت الشغله كلها مايبي لها شي والله ماجلست معي الا يمكن حوالي 45 دقيقه <<<ونص الوقت طالع برى

يعني ماخذت مني الا حوالي 25 دقيقه ولا كلفتني كلها ومع الارساليه الا 200 ريال تخيلي بس من 4000 ريال الى 200 ريال
وقدمت على اكثر من جامعه ,,

هذا الكلام كله من 3 اسابيع وجالس انتضر اي جامعه ترد علي ,,وان شاؤ الله يردون علي قريب

دعواتكم بس

زوووز
الله يوفقك يارب ويكتب لك التوفيق وإذا تبي نصيحة ارسل لأكثر من جامعة أنا قبل أدرس أرسلت لخمس جامعات ثنتين رفضت وثنتين وافقت ووحدة إلى يومك ماردت !
الشي الثاني أنا مش بنت
الشي الثالث ماكتبت الموضوع إلا عشان الدعوة .. فلا تحرمنا يابطل عسى الله يوفقك ويكتب لك الخير وين مارحت

الله يوفقك اخي تفاكير ويجمعك مع اهلك بديرتك وانت ماخذ اعلى شهادة من الخارج في اقصر وقت قول آمين يارب
وضحتلي معاني كثيرة حول هذا الموضوع واستفادوا منها كثير من الأعضاء
لكن المشكلة الأخيرة الي تدور بذهني هل اقدم في اكثر من جامعة وادفع رسوم لكل جامعة حتى لو في الآخير رفضوا طلب قبولي
ولا الرسوم تندفع بعد قبولي لأنك تقول مقدم على خمس جامعات وجاك قبول من ثنتين

اللهم آمين وياك يارب ومن يقرأ

الرسوم الي راح تقدمها ياعزيزي هي رسوم فتح ملف مو رسوم دراسة طبعاً تدفعها إذا جيت تقدم ولا ينظر في ملفك بدون دفعها وتتراوح مابين 25 دولار إلى 100 دولار حسب الجامعة ونظامها
وطبعاً غير مستردة إذا تم الرفض .. هي ماهيب كثيرة إلا اذا بتقدم على جامعات كثير بس إنها الحل الوحيد إنك تتفادى المغامرة بالانتظار لشهور وفي الاخير تقولك الجامعة اسفين ماقبلناك .. لذلك الافضل الواحد يعمل قائمة بعد جامعات هو مرشحها ويرسل ملفه لكل جامعة ويقدم وينتظر واذا اجتمعت النتايج يختار منها الافضل
الله يوفقك يارب

مشكور اخونا تفاكير على الموضوع الرائع جعله الله في موازين حسناتك

طيب اذا مثلا المعدل ضعيف شويا وجايب شهادات خبره او دورات وخطابات توصيه
والحين كل شروط الجامعات بلا استثناء كاتبين المعدل 3 من 4 لازم .. كيف اعرف انها ممكن تقبلني على الاقل بكورس اضافي مثلا ؟؟؟

سؤال لاخوي تفاكير..
عند خبره عن جامعات تعطي قبول مشروط في ولاية اوهايو؟؟؟