استفسار هام جداً يحدد مصير طلاب كثييييير بخصوص الدراسه...
السلام عليكم..
اليوم السبت 11\9 وبكره وبعده اخر ايام للتدقيق
وناس كثييييير بطلت الابتعاث والسبب الاشاعات والتخويف من الاهالي والاقارب عن الدراسه في الخارج والغربه
والمشكله ما اعرف احد مبتعث لامريكا
ولازم اقرر في هذي الايام الثلاثه مصيري وكل الاشخاص اللي انقبلوا لان التردد ما خلانا ننام الليل
واكبر مخاوفنا هو عدم القدره على اكمال الدراسه لصعوبتها الزايده عن السعوديه لان اذا قل المعدل يوقفون الابتعاث
وكثر ما نسمع عن ناس فشلوا بالخارج ورجعوا ما كملوا
ياليت من اللي قاعد يدرس برا يعطينا الفرق بين الدراسه في السعوديه وامريكا والله يوفقه في كل دروبه
واسف على الاطاله
افيدونا الله يوفقكم..
رد: استفسار هام جداً يحدد مصير طلاب كثييييير بخصوص الدراسه...
أنآ أعرف نآس بأمريكآ ومآشيين زي الحلآوة
ووآحد بكندآ خلص الزمآلة الطبية بعد :) ,
ترآ كل وآحد وإجتهآدة مآ فيه شي مستحيل اللي ينجحون عقلهم مآ يزيد عن عقلنآ بأي شي
بالتوفيق وبالعكس أحسني متحمسة أدرس هنآك ومو خآيفة
مع أن فيه نآس الله يسآمحهم يحآولوآ يطيحون من همة المبتعث بأسآليب بآيخة وكل وآحد له أسبآبه :/
خليك متطمن وبالتوفيق يآرب :) ,
رد: استفسار هام جداً يحدد مصير طلاب كثييييير بخصوص الدراسه...
لا ماعليك من احد وااااااااااصل وربك بيده التوفيق وانت عاد شد حيلك ولكل مجتهد نصيب
رد: استفسار هام جداً يحدد مصير طلاب كثييييير بخصوص الدراسه...
أعرف ناس أخذوا بكالوريوس وناس أخذت ماستر وناس أخذت دكتوراه.. من أمريكا وبريطانيا..
وكلهم يقولوا الدراسة هناك أحسن وأسهل من هنا، لأن هنا حفظ أكثر من أي شي، وقيود كبيرة على إبداع الطالب، بعكس الوضع هناك..
إحدى صديقاتي أخبرتني أن صديقتها المبتعثة يمكنها كتابة بحث من ٦ صفحات وبكل بساطة لأنها تعرف أسس البحث، في حين أن البحث لدينا هو قص ولصق غالباً!!!!
وأصعب مرحلة بالتأكيد هي الدكتوراة.. لكنها غير مستحيله..
أهم شي الواحد يكون عنده الحافز الذاتي، ويتذكر إنه رايح يتعلم، وأكيد في البداية راح يواجه صعوبات، ول هذه الصعوبات هي درجات للتعلم والمعرفة وتنمية الذات.. فقط ركزوا على التفوق والاستمتاع المباح بأوقاتكم هناك، وستكون بإذن الله تجربة لا تنسى..
متحمسة جداً جداً إني أبدأ الدراسة، والود ودي أبدأ اليوم قبل بكرة..
والله يكتب لنا ولكم الخير والتوفيق والثبات..
رد: استفسار هام جداً يحدد مصير طلاب كثييييير بخصوص الدراسه...
طمنتوني الله يطمن قلوبكم ويحقق لكم امنياتكم يارب. وماقصرتم والله..
والله كنت خايف مررررره بس الحين ارتحت.. والله كل رد يحمسني زياده...
ياليت تفيدونا اكثر بكل مالديكم من معلومات عن الدراسه بـ امريكا والفرق عنها بالسعوديه
ترا ما نستغني عنكم وكل رد والله العظيم يفرق
رد: استفسار هام جداً يحدد مصير طلاب كثييييير بخصوص الدراسه...
اي والله ما ادري وش صار فيني كل خايف وافكر الله يعين
وخصوصا انه ناس كثيييير انسحبوا قبل التدقيق
بس انا توكلت على الله ودققت اوراقي الله ييسر الخير وين ما كان
رد: استفسار هام جداً يحدد مصير طلاب كثييييير بخصوص الدراسه...
هلااخوي
ومبروك قبلوك البعثه
وانا اقولك اذا بتردد لو لحظه وحده بس فاعتبر نفسك انسان خسران وقاعد ترفس النعمه برجلك
هذي فخرة لديرتك ورفعه لراس اهلك غير انهااعتماد ع النفس وفيها منافع ماتتصورها
وغير السمعه والشرف والتعليم الراقي اللي بتحصل عليه
ولاتنسى انك بتلقى وظيفه راقيه واحترام من الجميع بعد رجعتك بالسلامه
واذا رحت هناك ودرست صدقني كلها كم شهر وبتقول ع نفسك غبي يوم انك فكرت تتراجع
الا بالعكس روح ادرس تعلم وتنور يكفيك تبرد راسك من الحر اللي سلخ جلودنا ع الاقل حط راسك بوسط الثلج خله يرتاح
وبيجي يوم بتدعيلنا كلنااللي شجعناك
ولاتنسى غيرك ميت من القهرانه ماقبلته البعثه وواجدين تراارفضو من البعثهزبالتوفيق.دعواتك
اختك.(الدراسه براجدا سهله وبسيطه واللي قالولك صعبه كلهم حاقدين وبعضهم فاشلين واس
ال مجرب)
رد: استفسار هام جداً يحدد مصير طلاب كثييييير بخصوص الدراسه...
من جد سمعت أن الدكآترة هنآك أخلآق مو مثل اللي هنآ نفسهم بخشمهم :D
وإذآ ع الإبدآع هنآك يشجعوآ بعد ويتركوآ لك مسآحآت تبدع فيهآ
ودي أفيدك أكثر بس توني من المرحلة الـ6 بكلوريس والله يسهل إجرآءآتنآ يآرب
ونصيحة مني شيل هالمخآوف من رآسك
وترآ أقرب نآسي قآموآ يخوفوني ويقولوآ لي كلآم لدرجة إني هونت عن البعثة تقريباً بس الله بلطفه خلآني أصر ع البعثة من جديد
وكملت ورحت للتدقيق ..{ المسألة محتآجة شي وآحد بسـ
وحطه في بآلك عددددددل / انكـ تسكر آذآنك من كلآم النآس اللي مآله دآعي :) ,
واللي مآ يطول العنب حآمض عنه يقول ..{ هذآ بعد صحيح ترآ :D
بالتوفيق
رد: استفسار هام جداً يحدد مصير طلاب كثييييير بخصوص الدراسه...
السلام عليكم ورحمة الله وبركاته
الشي هذا انتا اللي تحدده اذا حاط في عقلك ونيتك الدراسة والاجتهاد فبإذن بتكون الاول اما اذا كانت نيتك غير كذا فنتيجة طبيعية بتفشل والدليل انو في طلاب سعوديين يدرسو في ارقى الجامعات مثل هارفارد وام آي تي وفي طلاب مايقدرو يكملو ترم واحد في امريكا
ايش الفرق بينهم؟
شد حيلك واجتهد والله يوفقك وتكون من الناجحين والمتفوقين ...
رد: استفسار هام جداً يحدد مصير طلاب كثييييير بخصوص الدراسه...
يا سلاااااااااااااام عليكم والله كلمة شكرا قليله في حقكم بس لكم الدعاء باذن الله
بعد اذن صاحب الموضوع
اشكر قشعريرة فقد
Rozzz
Ideas4life:)
وسهى
يعطيكم العافيه وجزاكم الله خير والله يوفقكم جميعا