استفسار لماذا الجامعات الامريكية لاتقبل الطلاب العرب لديها لدراسة الطب...؟

كلام خطير
بس يمكن ان الطب يدفع علية مبالغ ضعف اي تخصص عشان كذا يبونة لعيالهم وبناتهم
!!!!!!!!!!!

كلام غير صحيح

أكثر الجامعات الامريكية لا تقبل غير الامركان لدراسة الطب ، وليس لا تقبل (العرب) فقط
يعني لا تقبل الكندي و البريطاني و الهندي و البرازيلي و السعودي .... الخ

ويوجد جامعات تقبل غير الامركان ( الاجانب ) في كليات الطب

و للمعلومية لا يوجد في امريكا قبول للطب بعد الثانوية مباشرة ، المعمول به هو ان الطالب يدرس قبل كلية الطب برنامج pre-med وبعدها يختبر MCAT و على حسب درجانه في البرنامج والاخنبار و المقابلة الشخصية و السيرة الذاتية يمكن تقبله كليات الطب او لا.

والمعلومة الثانية لا يوجد بكالوريوس طب ، الطالب المتخرج من كلية الطب يمنح درجة ال MD وهي إختصار Medical Doctor
في امريكا هي درجة عالية ، اعلى من الماجستير ، و في السعودية للاسف ليس لها ما يعادلها فيعادلونها بالبكالوريوس.

سؤال شباب مهم التمنى تفيدوني تخصص الطب في امريكا كم سنه وهل هذا التخصص صعب
وما اهو افضل الطب لو الصيدله

تؤيد وإلا ما تؤيد ... مش فراقه معاهم
والملحق ماله اي دخل في نهج سياساتهم التعليميه
الله اعرفه انه فيه ناس يدرسو طب بامريكا
لكن المعروف ان الافضليه للامريكان
والطلاب اللي هناك يقولو تدرس اول سنتين بعدها يسوون مفاضله بين الطلاب ... يعني قبولك مو اكيد
ياليت لو تروح قسم طلاب الطب والعلوم الطبيه وتستفسرمنهم اكثر
بالتوفيق

هل تتوقع الطب سهل
اكيد انه صعب ويبغاله شدة حيل ... وقرايه على طول ... يجيلك كتاب وش كبره تجلس تقرا فيه على طول

واكيد الطب افضل من الصيدله

اخوي عشان تدخل طب لازم تدرس 4 سنوات تحضيرية للطب .. مو زينا على طول تدخل .. لا هو ممنوع ولا شي .. في ناس درست الاربع سنوات هذي ودخلت طب .. بس تراها مشوار 4 سنوات و 6 حقت الطب .. 10 سنوات عشان شهادتك تصير بكالورويوس ؟؟ ما تسوى الشغلة

It takes 8 years to become an MD Not 10 years
4pre-Med + 4Med school

وش دعوه شباب كل واحد يتكلم من راسه على كيفه
ابوقصي ردك صحيح
وابو عمار بعد ردك صحيح
ياشباب القبول بالطب صعب
انت ممكن المكتب اللي بتجيب منه القبول بيقولك اجيب لك القبول لكن هو مايجيب لك قبول الطب
هو يجيب لك قبول التحضيري الطب يعني مو الطب انا رحت لم مكتب وقالي ماعليك اجيب لك قبول وسهل القبول بعد قلت له انت قد جبت لاحد قبلي قالي ايه وقام جاب قبول احد الطلاب اللي عنده ووراني اياه طلع قبول تحضيري مو قبول طب
اللي يسمى بري ميد تدرس اربع سنوات وبعد البري ميد تسوي اختبار
ولازم تجيب فيه درجه عاليه مرة ويتخللها مساعدات للمستشفيات او زي كذا يعني شي يثبت انك مستعد للطب علشان يقبلونك طب ويفاضلون الامريكان اكثر من غيرهم
اتوقع لان الجامعات قليله عندهم اللي تدرس طب والكراسي محدوده مرره يعني كم عدد الشعب الامريكي وكم عدد الكراسي الموجوده تقريبا كل جامعه تقدم 100 كرسي اكثر شي
وبعدين الصيدله حسب ماسمعت انها من التخصصات المستحيله او زي مايقولون الصعبه علشان كذا اغلب اللي يدخلون الصيدله يحولون على طول طبعاً الكلام هذا كله في امريكا
هذا والله اعلم

شيء غريب !!!!!!!!!!!!!!!!!!!!!!!!!!!!!!!!!!!!!!!!!!!!!!!!!

قبولهم مرتبط بعدد محدود وpre-med و اختبار MCAT