-
قبول في امريكا
السلام عليكم ورحمة الله وبركاته
اخواني مبتعثي الولايات المتحدة الامريكية
رجيتك بعد رجاء لله انكم تساعدوني والله تعبت ودخت وتحطمت
انا بكمل ماستر بتخصص كيمياء عضوية وحاط رغبتي الاولى امريكا ولغتي بالانجليزية صفر
فمحتاج واحد الله يحفظكم يبحث لي عن جامعه امريكية بتخصص كيمياء عضوية
بحيث تكون الجامعة من متوسط الى اعلى في المستوى التعليمي وخاصة تخصصي وتحتوى على معهد لغة
وتكون في ولاية اقدر اعيش فيها مستوى معيشي متوسط بمبلغ 1850 _ مكافئة الابتعاث _ اذا مافيها كلفة يذكر لي توزيع المصاريف من سكن وخدمات عامة ومصاريف خاصة
الجو مافرقت معاي بس ما ابغى ولاية فيها مشاكل وعنصرية
اهم شي عندي المستوى التعليمي ومستوى المعيشة
وياليت لو يتواصل معاي ونراسل معهد الجامعة من اجل القبول _ سؤال عاض هل معهد الجامعة مقتصر فقط على طلاب الجامعة _
وعندي سؤال ماعليكم امر
انا لسع توي مقدم ولسع ماطلعت الاسماء بس ضامن البعثة باذن الله فهل اقدر اراسل الجامعات من اجل القبول من الان ؟ واذا نعم الله يرجعكم لاهلكم باكبر شهادة ساعدوني في مراسلة الجامعة
ولايخدم بخيل ومن ابسط حقوقة ان يطلب مبلغ مالي
لانه ياشباب مثل ما انتم عارفين الوزارة بترسلني لمكتب والمكتب حسب ماسمعت من الشباب تعبان وولا تبحث لك عن ولاية مناسبة ولا جامعة مناسبة _ المفروض الوزارة ابعد القبول تطلب من المقبولين ارسال رغباتهم في قبول المعاهد والجامعات ومتطلباتهم _ وهمها فقط تجيب لك قبول وتاخذ فلوسها فعلشان كذا ابغى اجيب لهم القبول واعطيهم هوا وافتك من المكاتب ونصبها
تكفون لاتعدون على الموضوع بدون مشاركة لو للرفع ماعليكم امر
-
رد: قبول في امريكا
اتمنى لك التوفيق والله ودي اساعدك بس جامعتنا ماعندها قبول مشروط في بعض التخصصات ومنها تخصصك
-
رد: قبول في امريكا
الله يوفقك
أقترح عليك انك لا تشيل هم الجامعة من الآن . . . أطلع على معهد لغة انجليزية مناسب في ولاية مناسبة
وبعدها حتتعرف على الجامعات من قريب ، وكمان كثير من معاهد اللغة تجيبلك قبول جامعات مجاني
-
رد: قبول في امريكا
وانا رأي من رأي اخوي مهندس النهضة
لانك اذا جلست هناك فترة راح تعرف كل شي وراح تتخير الجامعة والمدينة والتخصص وانت مرتاح
والله يوفقنا اجمعين
-
رد: قبول في امريكا
طيب ومن ناحية الولايات
لانه الان لازم اقرر صح من ناحية دراسة اللغة
ومشكورين على النصيحة