ولايات أمريكا مع ماجستير علوم الحاسب الألي
السلام عليكم ورحمه الله وبركاته
عندي أسألة كثييره بس أبي أحددها:
1 أفضل الولايات لدراسة في أمريكا من حيث:
* الأمان
*أفضل الجامعات في تخصص الحاسب الألي
*تخصص علوم الحاسب الألي
*ماجستير
*سعر المعيشه في الولاية
*معدل تواجد المبتعثين في الولاية
*نصايح للجميع
*لو أحد يعرف أحد المبتعثين السابقين في نفس التخصص لأني أرجو التواصل معه
أرجو الرد والحوار الشافي عن الموضوع
نرجو أن يكون الحوار أخوي جدا يعني فلله وأبي أستفيد من الجميع ولن أبخل بأي معلومه عندي
رد: ولايات أمريكا مع ماجستير علوم الحاسب الألي
السلام عليكم ورحمة الله وبركاته
انا برضه نفسه الاهتمامات يا اخوي , وهل انت معيد ؟
لك تحيتي
رد: ولايات أمريكا مع ماجستير علوم الحاسب الألي
هلا بأخوي علي
أنا قدمت معيد وقدمت ع البعثه بس إلي الأن ما أعندي علم هل يقبلووني معيد
من خلال تجربتي الأعاده أفضل من البعثه لأسباب عديده
لما تروح معيد بتروح بعثه وبتنحسب لك سنوات الأبتعاث كسنوات خدمه في الجامعه وأيضا بتستلم نفس راتب المبتعث ونصف راتب المعيد
و بترجع من البعثه بدوون تعب وبتلقي وظيفتك تنتظرك
رد: ولايات أمريكا مع ماجستير علوم الحاسب الألي
للأسف صعب يتم إجابة مثل هذه الأسئلة حتى من أهل أمريكا ..؟!
دايم ألاحظ سعوديين يسألون عن الأمان ..؟!
يعني وش متخيلين أنتم
فاندام وألا سلفستر ستالون ينتظروكم بالمسسدسات عند المطار؟
هذه نقطة
النقطة الثانية
مثلاً
أنت جديد على السعودية
في البداية بتجلس شهر أو شهرين بالرياض وتعرف الأحياء الخطرة والأحياة الآمنة وتعرف فيها مع الوقت شوي شوي..
لكن ما تقدر بالنهاية تعرف كل شيء حتى لو أنت من أهلها
النقطة الثالثة
أنت عندك هدف تدرس
حدد وش تبغى تخصص
بعدها حدد الجامعات
بعدها احضر قبولاتك وكل شيء واعمل التأشيرة وتوكل على الله وسافر أدرس
وأي سؤال أنا في الخدمة
رد: ولايات أمريكا مع ماجستير علوم الحاسب الألي
أما معدل تواجد المبتعثين
هذا سؤال ..
الظاهر مكتب السفير ما ييعرفه هههههههههههههه
والله يا عليكم أسئلة
رد: ولايات أمريكا مع ماجستير علوم الحاسب الألي
يسلمو أخوي frrr ع الرد
بس مشكلتي ما أدري أي تخصص يناسبني أحس أغلب التخصصات وحده أبي أعرف ما هي أفضل التخصصات للوظيفه ؟ يعني أبي تخصص في المستقبل يجمع بين الأداره والحاسب عشان أحصل وظيفه مرموقه في المجتمع
رد: ولايات أمريكا مع ماجستير علوم الحاسب الألي
الوظيفة هذه في علم الغيب ما تدري عنها
ولا تفكر كذه
فكر تدرس شيء تقدر تشتغل فيه حتى لو ما حصلت وظيفة
حاول تكسب علم تشتغل فيه ويفتح لك باب رزق
أكثرر من تفكيرك بالوظيفة
بناء على سؤالك أفضل تخصص نظم المعلومات الإدارية
لكن أعتقد هالتخصص مليان طلاب حسب ما سمعت وأقول حسب ما سمعت يعني ماهو شيء متأكد
ولا أحد يقدر يعطيك شيء
وبناء على الشق الثاني من السؤال
وظيفة ومكانة اجتماعية
هذه ما تحصلها الا بالدكتوراة إن شاء الله عن طريق إكمالك في مجال دراستك الجامعية حتى الدكتورة في نفس التخصص وتطلع دكتور بالجامعة
رد: ولايات أمريكا مع ماجستير علوم الحاسب الألي
هههههههه ضحكتني بسالفه سلفستر سالتون
ياخي فظيع صراحه , هذي تطمن اللي ما يتطمن
رد: ولايات أمريكا مع ماجستير علوم الحاسب الألي
والواحد يعمل بالأسباب عشان ربي وفقه مو يروح قسم فيه ناس كثير وتكون فرص الوظيفه أقل من التخصصات الثانيه وفي النهايه كل شي مقدر ومكتوب ع كل شخص
رد: ولايات أمريكا مع ماجستير علوم الحاسب الألي
كل واحد رزقه مكتووووب ,, و المثل يقوول لو تجري جري الوحوووش غير رزقك ما تحوش :console:
و لكن لك الحق تبحث عن الشيء اللي انت شايفه له مستقبل ,, و ربنا يوفقك ,, لكن بقوولك شيء خلي تفكيرك و تركيزك في الوقت الحالي على الدراسه لا على الوظيفه ,, ولا تفسد فرحتك اليوم بهموم الغد ,, خليك في فرحتك و همك الحالي اللي هو الدراسه فقط ,,