إذا نزلت في مطار واشنطن .. والرحلة القادمة بعد 12 ساعة .. وش السوات ؟

السلام عليكم

صبحكم الله بالخير

أنا ان شاء الله رحلتي يوم السبت القادم

الرياض _ لندن _ واشنطن

والوصول إلى واشنطن الساعة 6 مساءً

والرحلة من واشنطن إلى سولت ليك ( يوتا ) الساعة 7 صباحاً

كيف أتعامل مع هالقضية ..

هل الشركة توفر سكن ؟

أو أنا أطلع وأدور لي فندق ؟

وش الفنادق الي تنصوني بها ؟


وفقكم الله ..

حاول تقدم الرحله لو تدفع زياده حق اللي بتدفعه في فندق احسن لام 12 ساعه مره كثير وش تسوي فيها , واذا مره ماقدرت او ما ضبطت معك عاد الله يعينك اسكن في فندق تبع الملحقيه رخيص وجنب المطار او اسكن في اي فندق قريب من المطار والفنادق كثيره ..

المشكلة ان ما فيه غير هالرحلة .. يعني ما اقدر اقدمها

طيب وش اسم الفندق حق الملحقية ؟

الله يعطيك العافية اخوي

....


هلا فيك أخوي

ويا رب توصل بالسلامة

أعتقد ما يمديك تروح للفندق .. بقول لك اللي صار معي

بعد ما توصل الرحلة ..

إذا كنت جاي على الخطوط السعودية وهذا أول دخول لك للأراضي الأمريكية

فاحسب إنك بيجلسونك مثلي ومثل ما حصل للكثيرين

على الأقل إنتظار من 3--5 ساعات على ما يخلصوا أمور جوازك وهذا الأقل .. قبل كانوا يجلسوا أكثر 7-12 ساعة لكن الحين تسهلت الأمور كثير

أذكر وقتها أنتظرت ومعي كثير من العوائل السعودية والشباب السعوديين حدود 4 ساعات هذا الكلام صار معي قبل شهرين

على العموم الفرق بين الرحلتين مثل ما تقول 12 ساعة

شيل منهم 5 ساعات تقريبا إلى 4 ساعات على أساس اجراءات الدخول

وشيل منهم تجي قبل الرحلة الداخلية لمدينتك قبلها بحدود 3 -- 2.5 ساعات

لا تجي مثل قبل الرحلة الداخلية بساعة ونصف يالله قدرت ألحق وطاير مرة كانت بتروح رحلتي

تصدق لحقت الطيارة قبل تطير بحدود 10 دقايق ...

5 + 3 = 8 ساعات

الفرق حدود 4 ساعات ... الله يعينك .. مدري اذا معك أهلك فأكيد إنها تستاهل تروح للفندق

لكن لو أنا لوحدي ما تستاهل..بهذلة ..روحة ورجعة..بعدين شكلك ما شفت ناس كثير يناموا بالمطار ..

لكن انتبه لأغراضك

على العموم الطيارة ملل .. حاول تسهر قبل تركب الطيارة على أساس تنام بالطيارة .. لأن الرحلة ملل..

الله يوفقك يا رب ... أتمنى أكون أفدتك




...

اذا كنت وحـــداني خلك شغل عزابه شوف لك كرسيين وطلع الاب وطقطق عليه واذا شفت نفسك بتنامـ ريح شووي
اوما اذا معك عايله الله يعينك ..
شوف لك فندق احسسن لك ولهمـ
موفق حبيبي
تحيــاتي ::
حـ ج ـازي

أبو نورة .. حجازي

الله يوفقكم وين ما رحتوا .. ويسهل امروكم ..

ألف شكر