الأعضاء الإشتراك و التسجيل

الملتقيات
ADs

ماتحتاجو ان شاء الله مكتب قبولات هذا اللي سويته للقبول المشروط لجامعة في امريكا بنفسي

ماتحتاجو ان شاء الله مكتب قبولات هذا اللي سويته للقبول المشروط لجامعة في امريكا بنفسي


NOTICE

تنبيه: هذا الموضوع قديم. تم طرحه قبل 2668 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة Per T
    مشكـور آخوي على آفـأدتك وجزـآك الله آلف خير..

    بس عندي ملاحظة وان شـآء الله مااكون غلطانة.
    انا افضّل انك ماترسل لهم اصول الشهادات ولا اي شخص يحبذ هالفكرة انا سألت كثير
    لانهم في حالة انهم ماقبلوك لاسمح الله فـ ماراح تقدر تسترد اوراقك..

    بس ان شـآء الله انهم يقبلونك ويمكن نظام الجامعات يختلف من وحدة للثانية..

    موفـــق..
    الشهاده الاصلية المترجمة مو مشكلة لو مارجعوها اترجم غيرها لها حل
    7 "
  2. أشكرك من كل قلبي على المعلومة الحلوة

    وعندي سؤال لو تكرمت بخصوص الترجمة:

    شهادتي بلغتين عربي وانجليزي، لازم أترجمها وأرسلها والا ارسلها زي ماهي؟

    وإذا لازم، فين أترجمها، في الجامعة نفسها والا في مكاتب الترجمة المعتمدة من السفارة؟
    7 "
  3. المشاركة الأصلية كتبت بواسطة narcissiatic
    أشكرك من كل قلبي على المعلومة الحلوة

    وعندي سؤال لو تكرمت بخصوص الترجمة:

    شهادتي بلغتين عربي وانجليزي، لازم أترجمها وأرسلها والا ارسلها زي ماهي؟

    وإذا لازم، فين أترجمها، في الجامعة نفسها والا في مكاتب الترجمة المعتمدة من السفارة؟

    اذا شهادتك الأصلية مترجمة من المدرسة نفسها فما يحتاج تترجمها بس عشان لاتروح عليك الشهادة

    انصحك انك تصورها وترسل طبق الأصل للأحاطة
    7 "
  4. تم ارسال الأوراق يوم السبت بتاريخ 18 رمضان 28/08/2010

    عن طريق البريد السعودي الممتاز وحسب كلام الموظف انها راح توصل بعد ثلاث ايام

    سعر التكلفة 130 للطرد الواحد وانا ارسلت طردين ....راح اعلمكم بالجديد ان شاء الله
    7 "
  5. اول شي اشكرك على موضوعك صراحه لي شهور اقول بسجل وكل يوم اقول بكره لكن موضوعك اجبرني اسجل واطرح تجربتي

    والله ياجماعة الخير ان الموضوع مثل ماشرحه الاخ ويمكن اسهل بعد خصوصا للي معدلاتهم زينه

    انا شهر 3 ميلادي كانت تجربتي مع اني اسوي الطريقه بنفسي والحمدلله سويت كل شي وخلال سبوعين خلصت قبول معهد لكن الجامعه
    قالو ضف وجهك انت ومعدلك المخيس ههههههههههههه بس ترى المعهد كان معهد الجامعه في ولاية جورجيا وجامعه جورجيا

    فبعد ماجاني الرفض من الجامعه نغزي بليس وقال رح للمكاتب بس وخلهم يدبرون امورك واشتر راحتك المكاتب لهم معارفهم في امريكا مدري ليه حسيتها معاملة مرور ويبي لها معقب ههههههههههه
    واروح لمكتب اعرفه سبق تعاملت معه وقال لي ان معدلك صعب ومن هالحكي اللي يضيق الصدر واطلع من عنده الف مكاتب الرياض كلهم نصابين واستغلاليين
    يعني مكتب منهم يقول نقدم لك على كل الجامعات رسوم البريد ورسوم الجامعات عليك واذا جاك قبول تعطينا 2800 !!! على ايييييش !!
    المهم طحت لي على مكتب وكان افضلهم عرض لي قال انا اقدم لك على جامعه ومعهد خلال ثلاث اسابيع ومدري ايش
    قلت له شف من الاخر ترى الشغله كلها كذا وكذا وكذا بس انا جاي اشتري وقت يعني لاتحسبني ماعندي خلفيه عن الشغله
    كلمه مني كلمه منه اتفقنا اعطيه 850 عالاقل اهون من ال 2800 وال 3000 ريال اللي مالها سنع
    وبشرط ان المكتب يقدم لي على معهد وجامعه ويخلص لي موعد السفاره واوراق السفاره من الى
    وفعلا حجزنا موعد للسفاره وجاب قبول المعهد خلال شهر ونص هههههههههه يعني متاخر جدا والحين لي ثلاث شهور ماجاني قبول جامعه
    تعرفون ليه !! لان المكتب مايشيك مع الجامعه الا اذا جيت وحاكيته وماطل فيني ومشاكل انا وياه عسى الله يسهل امري واخلص منه الله لايعيدها من مكاتب فحتى المكتب ذا اللي اشوفه احسنهم الا ان مشكلته التاخيييير والمماطله
    فنصيحة للجميع اللي يبي قبول يبي شي يجرب يبحث يقرا يسئل في مبتعث يروح المكاتب يسئل عن الاشياء اللي مافهمها اوكي اول مره بتاخذ وقت بس بعد كذا بيصير شي سهل بالنسبه لك

    ا

    اسف عالاطاله بس والله يوم طريت المكاتب النصابين اجبرتني اسجل واطب فيهم ههههههههه

    ملاحظظه كبر جبهتي

    شهادة الثانوي او البكالوريوس او توصيات كل جامعات العالم تكتفي بصوره طبق الاصل لحد يغلط ويرسلها لهم ويبلش انتبهوو
    7 "
  6. المشاركة الأصلية كتبت بواسطة ولد المقبل
    الله يوفقك بس على كذا أروح للمكتب الي عندنا أحسن قالي يجيب لي القبول بـ1000 ريال

    وش رايكم ؟

    بعد اذن صاحب الموضوع :$

    شف يابو مقبل اذا المبلغ شامل تجهيز موعد السفاره واوراقها مناسب وتقريبا هذا من ارخص مكاتب الرياض

    بشرط برضو يكون قبول معهد وجامعه
    7 "
2 من 8 صفحة 2 من 8 1237 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.