رايحه لأمريكا مو عارفة وين اتوجه بتخصص الماستر

هل إنتي مبتعثة ولاعلى حسابك؟؟
ولازم تكملين في تخصص قريب من المكتبات؟

شوفي انا نفس الشي انا خريج مكتبات ومعلومات وادور نفس تخصص , ممكن تلقيه بأسم علم المعلومات او علم المكتبات

او علم المكتبات والمعلومات , وغالباً وانا ابحث لقيت كل تخصص يطلب جيمات , اول شي تسويه تدوري على كل الجامعات

اللي فيها التخصص واللي تعطيك قبول وبعدين تختاري الولايه والمدينه .

Abo Mssad

بتكون الدراسة على حسابي الخاص بأذن الله في البداية،

مو لازم اكمل بنفس التخصص لكن حبيت ادور اذا فيه امكانية ..

عندك اقتراحات ؟

roko

الله يعطيك العافية اشكرك على ما ذكرته ،، بحثت باللي ذكرت سواء بعلم المعلومات او علم المكتبات ، او المكتبات وعلم المعلومات بالاضافة الى نظم المعلومات ..والاخيرة ترتبط ارتباط كبير بالكمبيوتر والداتا ..

ممكن تخبرني اخوي كيف طريقة امتحان الجيمات وليه هي مطلوبه في تخصصنا؟

واذا انت لقيت جامعات توفر قبولات مشروطه من غير الجيمات ياليت تفيدني ..

نظم المعلومات هذي مالها علاقه لانها مرتبطه بالكمبيوتر والبرمجه , والجيمات هذي اختبارات مطلوبه من طلاب الدراسات العليا ماستر ودكتوراه

وهي عباره عن اختبارات مثل المسائل الرياضيه واسئلة مدري وش تبغا المهم انه فيه نووووع من الصعوبه ويبغاله دراسه في معهد عشان نعديها ,

واغلب التخصصات تطلبها ومنها تخصصنا المكتبات ومشتقاتها , انا لقيت كذا جامعه منها جامعه الدومينيكان في شيكاغو تعطي قبول مشروط بتخصص المكتبات لكن مطلوب جيمات برضه , واذا تبغي قبول من دون جيمات ما اعتقد تلاقي ..

إذا إنك راح تطلعين على حسابك لاتنسين تاخذين أمر إركااب من الوزارة عشان تلتحقين
بالبعثة على طول..