بلييز طمنوني هل اقدر ادخل امريكا ولا ؟؟

اخواني .. اخواتي

انا انشاءالله مبتعثه الى امريكا
بس حبيت استفسر عن شئ

طبعا انا كانت دراستي في 16/8
بس السفاره العزيزه ما طلعت لي فيزا وقالت انها بتتأخر
فأنا اجلتها الى 13 /9 وبلغت السفاره
طبعا عندي في القبول و I-20 مذكور اذا ماقدرت التحق في 16/8 اقدر التحق للمعهد في 13/9
طبعا السفاره اصلا ما طلبت مني اي توني جديد لان اصلا موضح في ايتوني اني اقدر التحق في الوقت الثاني
فعلى اساسها طلعو لي فيزا
ونفس الاساس طلعوا لي قرار الابتعاث و امر الركاب

سؤالي
هل تتوقعون الى رحت امريكا تصير لي مشكله
لاني بدخل على I-20 قديم مع ان موضح فيه وفي القبول بعد اني اقدر التحق للمعهد في الشهر الجااي

ارجوووكم طمنوني

هلا اختي
ايوة تقدر تدخلي ومن غير مشاكل -مدام الاي توني موضح فيه التاريخين حق شهر 8 و 9- يعني انها صالحة للشهرين
موفقة

راسلي المعهد وقولي لهم يرسلوا لك اي توني جديد
و قبول بتاريخ جديد (المفروض انك راسلتيهم بخصوص تاجيل الدراسه )
و اذكري لهم السبب تاخير الفيزا
وتراه يجيك في 3 ايام بالكثيررر وبلاااش

اقتباس:

---

المشاركة الأصلية كتبت بواسطة هيا النسيم

هلا اختي
ايوة تقدر تدخلي ومن غير مشاكل -مدام الاي توني موضح فيه التاريخين حق شهر 8 و 9- يعني انها صالحة للشهرين
موفقة

---

يا عمري تسلمين
طمنتيني الله يطمنك

اقتباس:

---

المشاركة الأصلية كتبت بواسطة عبدون

راسلي المعهد وقولي لهم يرسلوا لك اي توني جديد
و قبول بتاريخ جديد (المفروض انك راسلتيهم بخصوص تاجيل الدراسه )
و اذكري لهم السبب تاخير الفيزا
وتراه يجيك في 3 ايام بالكثيررر وبلاااش

---

اخوي انا مبتعثه تبع الوزاره
ويوم قلت لهم ابي I-20 جديد قالوا لي دفعي 100 دولار :twisted1:
ويوم طلبت جديد طبعا تعرف ثلاث ايام لين ما يوصل للوزاره و يختموونه
وثلاث ايام الى ان يوصلني وانت تعرف ان يوم الاربعاء يكسروون الوزراه :smug:
وخفت اراسل المعهد واسوي شئ من وراهم و يلقوون بعثتي او بتكون مو مختوومه يعني
وشو الفايده .. ربك يسهلها

أختي،
يلزك اصطحاب قبول الـ I-20 الاصل القديم وخطاب من معهدك بانه تم تأجيل دراستك هذا اذا ما ارسلوا لك أصل الـ I-20 الجديد.

أختي، يلزمك اصطحاب قبول الـ I-20 الاصل القديم وخطاب من معهدك بانه تم تأجيل دراستك هذا اذا ما ارسلوا لك أصل الـ I-20 الجديد.

اقتباس:

---

هلا اختي
ايوة تقدر تدخلي ومن غير مشاكل -مدام الاي توني موضح فيه التاريخين حق شهر 8 و 9- يعني انها صالحة للشهرين
موفقة

---

هذا الكلام الصحيح مثل حالي انا معطيني اكثر من موعد

وطوفت الشهر الاول عادي

وجيت بتاريخ 16/8

ولا عندك مشكله ولا شي

واذا شافوك بالمطار يمشونها عادي

اتكلي ع الله وخليك من كلام الناس اللي يفتون ...~

اقتباس:

---

راسلي المعهد وقولي لهم يرسلوا لك اي توني جديد
و قبول بتاريخ جديد (المفروض انك راسلتيهم بخصوص تاجيل الدراسه )
و اذكري لهم السبب تاخير الفيزا
وتراه يجيك في 3 ايام بالكثيررر وبلاااش

---

ليش تراسل المعهد

المعهد معطيها اكثر من موعد دراسه

متى يعطيها موعد جديد اذا كان عندها موعد واحد تطلبي تاجيل وان فيه مشاكل بالفيزه

استغرب من الناس اللي تقول فتاوى بالمنتدى ولا هو داري وش الطبخه ..~

اتكلي ع الله ثم علي وروحي وانتي متطمنه يالغلا

اختي اللي اعرفه وصار لي انه بالمطار يشوفون الايتوني والفيزا مايشوفون قبولك ولا يطلبونه ،، يعني اذا كان الايتوني منتهي لازم يتجدد ،،
انتي لازم تراسلين المعهد بنفسك يرسلك آيتوني جديد بتاريخ دراستك الجديد عشان مايصير لك مشاكل بإذن الله ،، وبلغيهم انهم مايتأخرون بالارسال عشان سفرك ،، وترا قدامك وقت تراسلينهم ويوصلك يعني توك ،،
وترا السفاره مالها علاقه تبلغينهم ولا لا ،، السفاره تطلع الفيزا وخلاص مالهم علاقه بالامور الثانيه ،،

بالتوفيق