ابغى ادور سكن ((انا لسى في السعودية ) القدوم بعد شهر كيف الطريقه
السلام عليكم ورحمة الله وبركاته ...
انا والله ابي خبرت الناس لاي في امريكا كيف حجزو سكن اول ما راحو
من وين هل فيه مواقع انترنت كويسه ولا كيف الطريقه والي حجز عن طريق النت يعلمنا كيف
انا جاي في 1 اكتوبر ( كانسس-وتشيتا ) Wichita, Kansas
او تعلموني يوم كنتو في السعوديه قبل ما تروحون كيف حجزتو سكن
ياليت احد عنده معلومات
يساعندني الله يجزاه خير
رد: ابغى ادور سكن ((انا لسى في السعودية ) القدوم بعد شهر كيف الطريقه
في موقع www.rent.com
تختار الولايه والمدينه وكم غرفه نوم و الاسعار
وفي الموقع بعد يعني تعرف اذا قريب من الجامعه ولا بعيد
رد: ابغى ادور سكن ((انا لسى في السعودية ) القدوم بعد شهر كيف الطريقه
اهلا اخي ...
من تجربه خلص موضوع السكن وانت بالمملكة ( لانه أنا توهقت مع العقاري وكان هناك سوف فهم ) ...
شوف احد يدرس بولايتك ويفيدك ..
اي شي ثاني أنا حاضر ...
رد: ابغى ادور سكن ((انا لسى في السعودية ) القدوم بعد شهر كيف الطريقه
اقتباس:
المشاركة الأصلية كتبت بواسطة مبتعث جديد 2009
اهلا اخي ...
من تجربه خلص موضوع السكن وانت بالمملكة ( لانه أنا توهقت مع العقاري وكان هناك سوف فهم ) ...
شوف احد يدرس بولايتك ويفيدك ..
اي شي ثاني أنا حاضر ...
ما تقصر اخوي
والله هذا الي انا جالس احاول اسويه الحين
يعني لو ادور لي سكن لمدة شهر واحد على الاقل
وبعدها هناك ان شاء الله اقدر ادبر وضعي
بس الاءن على قولة الاخ موقع rent دخلت عليه وشفت بس الواحد ما يعرف ولا يبي يتوهك
بعقد 6 شهور لانه كلهم يبون عقد 6 شهور ما ودك تتوهق وتدفع ويصير فيه مشكله السكن ولا شي لا سمح الله
الله يعين بس
رد: ابغى ادور سكن ((انا لسى في السعودية ) القدوم بعد شهر كيف الطريقه
اتفضل اخوي هذا الموقع
wichita apts/housing for rent classifieds - craigslist
راح تحصل فيه شركات عامله عروض او ناس عارضين شققهم للأيجار. تقدر تعمل ريبلي على الموضوع وتتواصل معهم سواء عن طريق الايميل اول عن طريق الهاتف اذا كان موجود في نفس العرض.
اهم شي لا تدفع اي مبالغ فقط اتفق معهم واشرح لهم وضعك بأنك طالب مبتعث وما عندك رقم ضمان اجتماعي. كم راح يطلع عليك الايجار وكل لازم تدفع تأمين.
بالتوفيق
رد: ابغى ادور سكن ((انا لسى في السعودية ) القدوم بعد شهر كيف الطريقه
انا اقوول لو تحجز لك فندق حق اول اسبوع لك هناك وبهالاسبوع تقعد تدور لك السكن اللي تبيه وبنفس المواصفات اللي تبيها احسن
يعني مثلا تقدر تتصفح بالمواقع ملوت السكنات وتتفق ويا رااعي السكن انك بعد فتره كيت وكيت راح تروح امريكا وتبي تشوف السكن
قبل لا تدفعه او انك تشوف لك سكن وانتا هناك بعد يكون احسن لك
ماادري بس هذا من رايي
رد: ابغى ادور سكن ((انا لسى في السعودية ) القدوم بعد شهر كيف الطريقه
والله انا هذا الي جالس افكر فيه اني اسكن في فندق اسبوع تقريبا واشوف وانا هناك
احس انه ادور شقق وانا هناك افضل وعلى طول تعرف وش لك وش عليك
والله اللله يعين بس اني منحاس في هذي الشغله الله يعين
رد: ابغى ادور سكن ((انا لسى في السعودية ) القدوم بعد شهر كيف الطريقه
الله يجزاكم خير على المعلومات
واللي يبي يسكن مع عائلة شلون..؟
رد: ابغى ادور سكن ((انا لسى في السعودية ) القدوم بعد شهر كيف الطريقه
اخوي الله يعينك ويوفقك ...
أنا كنت افكر كذا لكن تفاجات من الوضع ( أنا أتكلم عن مدينتي الي ادرس فيها ) :
- اي مكتب او موقع او عقاري لازم تسوي حجز معه قبل ( بدون موعد مسبق مايطلع معك
- اقل شي للاجار سنه وقليل تحصل 6 شهور
- أنا كنت حاجز فندق اسبوع لكن جلست اكثر من أسبوعين بالفنادق
الحل : أحجز فندق اسبوع ( انتبه لايكون بعيد عن الخدمات او بالريف)
ابحث بالنت قبل سفرك واحجز موعد معه لمعاينه السكن ( لانهم يمشون بالمواعيد)
اذا امكن تبحث عن احد الشباب هناك يساعدك
الله يوفقك ..
اي سؤال أنا حاضر ..
رد: ابغى ادور سكن ((انا لسى في السعودية ) القدوم بعد شهر كيف الطريقه
نصيحتي شف لك كم من موقع
وإذا وصلت شيك عليها كلها وشف وش اللي يعجبك