اجراءات تسجيل الخروج من الولايات المتحدة الامريكية!!

السلام عليكم ورحمة الله

يا اخوان انا غادرت امريكا قبل الاسبوع ولما جيت اقص البوردينق من مكتب الخطوط الالمانية سألتني الموظفة هل تحتاج تسوي تسجيل خروج من الامقريشن قلت ايه ودلتني على مكتبهم في مطار دالاس بواشنطن....

قصيت البوردينق واخذت جوازي ورحت المكتب حق الامقريشن الي بالدور الارضي باآخر السيب ودخلت على العسكري في المكتب وقلت انا مغادر هل احتاج اسوي تسجيل خروج قال عطني الجواز والبوردنق حق الرحلة ...

قعد يسجل شوي على الجهاز وعطاني اوراقي وقال خلاص تقدر تروح ..!! سألته مافيه ختم على الجواز ولا ما يحتاج قال لا ما تحتاج تقدر تغادر ,,,.؟؟!!

الحين رجعت الرياض ومعي الورقه البيضا I-94 لانه محد طلبها مني .. ولا احد ختم على جوازي ختم خروج ؟؟!!


هل فيه مشكله ولا وش السالفة لاني قعدت اوسوس بهالسالفة اخاف اذا رجعت امريكا يعقدو السالفة...
هل احد صار له نفس الي صار لي ..؟؟
واذا فيه مشكله الحقونا بالحل يا جماعة الخير

ليه ياخي ؟؟؟ المفروض يختم على جوازك وعند باب الطايره يستلمون منك الـ I-94 ضروري ؟؟

هذا اللي صار معي وانا مسافر وشوفني مابعد رجعت الحين ,

انا سويت نفس اللي سويته لكن ختم على جوازي وقالي سلم الكرت فوق عند باب الطائره عند الكاونتر وسلمته هناك ..

طيب وش الحل الحين ؟ كيف نحل المسألة

ياخوي هذا الاجراء حسب علمي ما تحتاج تسويه الا مره وحده
بعدين المرات الجاية لا جيت تغادر امريكا يصير ما يحتاج تمر مكتب الهجرة و يختمون على جوازك
هذا كلام قالوا لي ياه لما دخلت امريكا
قالولي اول مره تغادر فيها الولايات لازم يختمون على جوازك خروج مره وحده على الاقل ,, بعدين المرات الجاية تغادر بدون تختيم

طيب انا غادرت اول مره ولا ختمو ولا اخذو الورقه البيضاء I-94 الي مدبسه بالجواز ؟؟؟

فيه مشكله ولا وش اسوي الحين هل فيه شي لازم اسويه مع السفارة ولا كيف ؟

ولا شي اول ماترجع عادي قلهم انا ما اعرف النظام واول سفره لي ومن هالكلام وان شاء الله تمشي اول مره ..