الدراسة بالغربه وصعوبتها ؟
السلام عليكم ورحمة الله وبركاته
كيفكم جميعا اتمنى تكونو جميعا بصحه وعافيه
معكم جوجو عضوه جديده المنتدى
بغيت اسأل المبتعثين والمبتعثات عن الدراسه هناك بأميركا وصعوبتها
هل هي صعبه ؟
لآني قدمت على بعثه وخفت اني انقبل واتورط
لاني بصراحه ماافلح بالانجلش من وانا صغيره كنت اعيد عشانه وبالثانوي ماانجح الا بمدرسات خصوصيات
يعني بالعربي مااحبه خصوصا القواعد عجزت افهمها
وخايفه انقبل وافشل نفسي :sweat:
وش رايكم تتوقعون بفلح
ولا اسحب اوراقي بكرامتي قبل لا اتفشل
يعني فيه احد مثلي وافلح بدراسة الانجلش؟؟؟
مع اني اشوف انه نادر يجينا احد من هناك وهو راسب او ماكمل دراسته بسبب صعوبتها ؟
رد: الدراسة بالغربه وصعوبتها ؟
ماهي صعبه
بس دراسه من جد انضباط في الدوام و حل للواجبات والله غير يكرفونك
عموما اقدر اقولك بتنجحين اذا عطيتي الدراسه وجه ولو نص وجه والا عشانك ربع
بالتوفيق
رد: الدراسة بالغربه وصعوبتها ؟
رد: الدراسة بالغربه وصعوبتها ؟
المعذرة أنا أقول هالكلام وانا ما بعد درست في الخارج ..
بس أنا أستغرب من مثل الأسئلة هذي ..
الواحد يحدد وش هدفه من الدراسة ..وليش يبغى يكمل دراساته.
اذا وضح لك الهدف وخططت له كويس ما راح يوقف في وجهك شيء
وطبيعي جدا ان الواحد يواجه صعوبات ( زي مثلا تعلم اللغة أو نظام أقشر) لكن اللي بيعطي من نفسه ويشد حيله قد ما يقدر بيوفقه الله
موفقين يا قوم ..
رد: الدراسة بالغربه وصعوبتها ؟
عاادي خيتوو ترا اغلبنا مو فطاحله بالانجلش
بس لمه نروح هناك راح نتعلم وشوي شوي ينوخذ لسانا عليها
بس اهم شي تعرفين الاساسيات والكلمات للي راح تستخدمينها واايد بالحجي
ولمه تروحين هناك اخذي لج كورس لغه قبل الدراسه عشان تتأهلين وسهالات انشاءالله
انا عااد مشكلتي اني افهم على الي يتحجى وياي بالانجلش بس تعالي يوم برد عليه اتعوومس واتوهق
رد: الدراسة بالغربه وصعوبتها ؟
ههههههههههههههههههههههههه اخيرا للقيت احد مثلي يعاني من اللغه الانجليزيه
رد: الدراسة بالغربه وصعوبتها ؟
مراحب مررراحب اسمعي كلامي وتعالي ولا تسمعي كلام احد كلنا في الهواء سواء مدرسين ووو الخ وجيت هنا والحمدلله و عادي المسأله جدا عاااااااااديه للغايه ولاهي مستاهله كل الخوف الي انتي عايشته .....
رد: الدراسة بالغربه وصعوبتها ؟
اقتباس:
المشاركة الأصلية كتبت بواسطة Mr.MARCO
ماهي صعبه
بس دراسه من جد انضباط في الدوام و حل للواجبات والله غير يكرفونك
عموما اقدر اقولك بتنجحين اذا عطيتي الدراسه وجه ولو نص وجه والا عشانك ربع
بالتوفيق
موب مشكله بعطيها وجه
بس دايم افكر كيف بفهم على ناس كل كلامهم انجلش وكيف وكيف
مدري محتااره
رد: الدراسة بالغربه وصعوبتها ؟
اقتباس:
المشاركة الأصلية كتبت بواسطة q8eya
ياريت احد يفيدنا ..
يا ريت
وياريت يقولون شالصعوبات اللي واجهتهم
رد: الدراسة بالغربه وصعوبتها ؟
اقتباس:
المشاركة الأصلية كتبت بواسطة alobaid383
المعذرة أنا أقول هالكلام وانا ما بعد درست في الخارج ..
بس أنا أستغرب من مثل الأسئلة هذي ..
الواحد يحدد وش هدفه من الدراسة ..وليش يبغى يكمل دراساته.
اذا وضح لك الهدف وخططت له كويس ما راح يوقف في وجهك شيء
وطبيعي جدا ان الواحد يواجه صعوبات ( زي مثلا تعلم اللغة أو نظام أقشر) لكن اللي بيعطي من نفسه ويشد حيله قد ما يقدر بيوفقه الله
موفقين يا قوم ..
اكيد الاهداف موجوده والطموح وغيره
بس انا بنت مو ولد وخايفه مررره
خايفه من الدراسه
خايفه من كيف بيتقبلون فكرة حجابي وهل بيسمحون لي البسه عادي
خايفه لاني ماعمري سويت جواز ولا عمري تعديت حدود السعوديه بروح لاخر الدنيا
و يعني واشياء كثيره بصيح لو اتذكرها:(