رد: استفسار لاكمال الماجستير في امريكا ( من اهل الخبر ) معقـّده شوي
اقتباس:
المشاركة الأصلية كتبت بواسطة Ahmed AUS
لا للفصل من الوظيفة
في حال اجازة بدون مرتب ممكن نقبل التفكير فيها
كذلك وجود الرغبة المشتركة بينك وبين اهلك
حتى يستطيعوا التضحية معك
وفيه خيار ثاني ان الزوجة هي التي تبتعث
ربما يكون اسهل بالقبول بالابتعاث
هلا اخوي أحمد .. تسلم ع مرورك يالغالي ..
انا حسبتها من جهة الوظيفه .. " وهي قطاع خاص " يعني ماقدر اتفرغ نفس الحكومي .. ووضعي في العمل ماراح يتعدل للوضع اللي انا استحقه الا بعد اربع سنوات .. ع نظام الشركه .. فحسبتها قلت في السنوات هذي اقدر اكمل ماستر وبعدها نرجع عندي خبره خمس سنوات يعني طيبه الواحد يقدر يشوف وضعه ومعارف .. يعني ان شاءء ماشلت هم الوظيفه لارديت ..
وبالنسبه للخيار الثاني الزوجه .. مالها نيه تدرس بس مرافقه ..
سؤالي هو .. هل لازم الزوجه والاولاد يكونو متواجدين في امريكا ؟ والا تكفي الاوراق نقدمها للملحقيه ؟ .. وكم المده القصوى للالحاق اذا توافقت الشروط ..
شاكر لكم ..
رد: استفسار لاكمال الماجستير في امريكا ( من اهل الخبر ) معقـّده شوي
اقتباس:
المشاركة الأصلية كتبت بواسطة Hassan_r_sh
سؤالي هو .. هل لازم الزوجه والاولاد يكونو متواجدين في امريكا ؟ والا تكفي الاوراق نقدمها للملحقيه ؟ .. وكم المده القصوى للالحاق اذا توافقت الشروط ..
شاكر لكم ..
اخي ..
اذا انت فقط راح تدرس مايلزم ..
بالنسبة للمدة لأعلم ( اتمنى احد يفيدك )
اهم نقطة : لازم تاخذ اجازة من العمل علشان ماتتوهق لو ماانقبلت لاسمح الله ..
فيه نقطة مهمه وهي المصاريف الدراسية والسكن لازم تسال عنها ( اتمنى احد يفيدك من المبتعثين على حسابهم )
بالتوفيق ..
رد: استفسار لاكمال الماجستير في امريكا ( من اهل الخبر ) معقـّده شوي
^
^
تسلم اخوي مبتعث ع نصائحك ..
بخصوص الاجازه من العمل .. اللي اعرفه انه لازم يجيني القبول من الجامعه .. وع اساس كذا اقدر اسافر .. والتوفل عندي توفل مدري مطلوب جيمات والا ع حسب الجامعه؟
ياريت احد يفيدنا بخصوص التكاليف المبدئيه ..
وبالنسبه لوجود الزوجه قبل الالحاق وهذا ماقصده ع اساس لما ارسل الاوراق للملحقيه لطلب الالحاق بالبعثه هل لازم تكون معي وقتها والا تكفي الااوراق .. اذا ربي ووفق والتحقت بالبعثه الزوجه راح يكون لها راتب والاولاد .. ؟
شاكر لكم
رد: استفسار لاكمال الماجستير في امريكا ( من اهل الخبر ) معقـّده شوي
السلام عليكم الاخ Hassan_r_sh
بنسبة لتكلفة المعهد ياخذ في السمستر 2300 دولا وعادة يكون السمستر شهرين ويمكن يكون شهر بس يكون مقارب لهذا السعر السكن يختلف من ولاية الى ولاية ولاكن يبدا من 400 دولار الى 1400 دولار يعني على حسب الولاية الي انت رايح لها وذا كنت على حسابك انصحك تعال لحالك لين تنظم علشان توفر لنها مصاريف بلعربي انا لي 4 اشهر صارف حدود 50 الف مع اني حارم نفسي من اشياء كثيرة وحسب معها اكل يومي يكلفك لوحدك يمكن 30 دولار يومين اقل شي غدا عشاء بدون فطور افطر اي شي
الكتب تشتريها كل ترم بحدود 300 دولار بنسبة للحضانة والله معرف بس وشلك وش للقروشه تعال لحالك
اذا فكرت تجي لا تروح تجيب قبول لغة الى في معهد ممتاز لان طلاب الماستر وراهم قلق جيمات وغيرها وذا كان معهدك سيئ زي معهدي الي انا فيه ماراح تستفيد
انت عارف لكي يعيش الواحد مبسوط ومرتاح لابد من واسطة ولاكن اتوقع لو جيت ممكن تنضم خلال 6 اشهر على ماسمعت وممكن اكثر انت ووساطتك وحظك انا جاي يوم المكرمة الملكية وتوني انضميت بعد مرور 4 اشهر وهو امر ملكي وللحين لم يصر لي ضمان مالي ولا مكافئة ولا تامين
نصيحتي لك اذا كان راتبك جيد جدا لا تجي لان اذا رجعت بشهادة كم يكون عدد الراجعين حاملين نفس شهادتك الامر راجع لك وستخر بالله
اتمنى لك التوفيق ونا اكون افدتك
رد: استفسار لاكمال الماجستير في امريكا ( من اهل الخبر ) معقـّده شوي
بحاول اختصر الموضوع و اعطك قد ما اقدر
بصفتك رب عائله بقولك الافضل انك تسافر لوحدك في البدايه واذا رتبت امورك ترجع وتاخذهم ..
طبعا التذاكر خارج الحسابات لازم تحسب حسابها بالسعوديه او تحاول قدر المستطاع تاخذ امر اركاب مفيد من عدة نواحي الاولى يسهل اجراءاتك في الملحقيه و الثاني يريحك من قسط مالي كبير ..
اقتباس:
المشاركة الأصلية كتبت بواسطة Hassan_r_sh
السؤال الاول : كم تكلفة السميستر في اي جامعه يعني المتوسط .. ؟
ج : تقصد تكلفة الجامعه او تكلفة معهد اللغه في الغالب بتدرس لغه بقولك انها تختلف من معهد لمعهد حسب نظامهم بعضهم شهر او شهرين وبعضهم سمستر كامل ..
انا ادرس بمعهد تكلفته 2300 دولار شهرين ..
السؤال الثاني : كم المده القصوى للالتحاق بالبعثه وهل يتطلب معدل ؟
ج : تختلف المده من شخص لشخص اخر بعضهم يلتحق في شهر وبعضهم في سته اشهر و بعضهم في سنه لكن الزبده امر الاركاب يسهل معاملتك و الالحاح ايضا يسهل المعامله و الواسطه اقوى من كل شي الا الله ..
لذا اطلب الله و توكل ..
السؤال الثالث : ماهي المدن والجامعات اللي تناسبني كوني متزوج ولدي اولاد ..
ج : ما اعرف كيف اخدمك ابحث عن مدن صغيره راح تكون رخيصه و توفر عليك كثير بالاضافه الى ان الاهل بياخذون راحتهم اكثر نظرا لقلة السعوديين و العرب .
السؤال الرابع : كم تكلفة المعيشه والسكن في فترة الالتحاق ولوازم الحياه . والحضانه . الخ ؟؟
نفس الشي تختلف من موقع لموقع بعض المواقع تاخذ شقه رخيصه بثلاثميه و اربعميه وبعضها تاخذها غاليه بالف و الفين دولار اذا تحب نصائح محدده ممكن اتراسلني على الخاص و اقولك ؟
السؤال الخامس : هل الوضع الان بالالتحاق بالبعثه اسهل من السابق . ( لاتلومني مابغى اتهور وافصل من وظيفتي وبالاخير اروح ع شي مستحيل )
الله يعينك وضعك صعب موظف و رب اسره و تفكر و تخطط ما اقدر افتيك بشكل قطعي لكن ان شاءاله هالسنه فيه امل لا تعتمد على كلامي في هالناحيه .
السؤال السادس : انا كنت ابغى ادرس في بريطانيا لكن نظرأ لاقفال الابتعاث لتكدس الطلاب فيها غير وجهتي لامريكا مما اسمعه عن قوة الدراسه الخ ..
ماهو سؤال هذا .. لكن بريطانيا مقفله و هنا ما زال الابتعاث و الالحاق على مصراعيه ..
السؤال السابع : اريد جامعه تكون قويه شهادتها والمدينه تكون ملائمه لعيش الاسر السعوديه ..
اغلب الجامعات قويه في امريكا و يمكن يفيدك غيري اكثر مني .
السؤال الثامن: هل تنصحون بالسفر لاكمال الماستر ؟؟ وترك الوظيفه ( ابغى الجواب من اهل الخبره لهالسؤال )
اذا عملك غير موافق لطموحك و قدراتك و عندك قدره و استطاعه و طموح كبير . اقولك .... سافر و بالتوفيق
الف شكر ..
وكل سنه وانتم بخير وكان الله بعونكم وعوننا ..
اخوكم حسن .. من مدينة جده
انتظر ردكم بفارغ الصبر ..
كل سنه و انت طيب و بالتوفيق