أسألتي غريبة لكن أتنمى إنها تفيد كل مبتعث

لسلام عليكم

لي يومين أقرأ بمبتعث صح البروسس حقي بديت اسمع صوته لكن اسألتي غير ولا مرت علي رقم ان المواضيع الي قرأت كثار

راح اكون بشيكاغو بإذن الله في 6 سبتمبر وبحكم وقت وصلي لشيكاغو الملحقية وقت اجازة فبوصل ع طول مباشرة لشيكاغو

1- طريقة فتح الملف لي ولمرافقي زوجتي وكم المدة لفتح الملف والمطاليب لفتح الملف؟
2- طلعت لزوجتي فيزا F-1 وأخاف ما تتحمل لظروف معينة فكيف احولها لـ F-2 بعد ما أوصل؟
3- أفضل بنك لفتح الحساب علما اني بديبول يعني هل افتح بفرع معين يكون افضل بحكم خبرتكم؟
4-أفضل شرائح اتصال لي ولزوجتي وأوفر طريقة للاتصال بالاهل غير السكايب أقصد عن طريقة الموبايل سواء أنا أتصلت على الاهل او هم اتصلوا فيني؟
5- تعرفون الطريقة الجديدة للبنوك السعودية انك ما تقدر تفتح حسابك عن طريق النت الا لما توصلك رسالة من البنك فيها ارقام وهذه طريقة للامان طيب اذا صرت بامريكا لازم اجيب جوالي ولا كيف؟ وهل لو تطلب ان آخذ جوالي معي هل توصل الرسالة حقت اابنك بنفس اللحظة ؟ ولا وش الطريقة الي اقدر افتح حساباتي واخلص اموري واشغالي علما ان لي حساب بالراجحي والاهلي ورحت للبنكين وكلهم قالوا لازم وجود الرسالة ولا ما تقدر تفتح حسابك والاهلي قالي اذا وصلت امريكا و طلعت رقم جوال خلي أحد اخوانك يدخل رقم جوالك الجديد عن طريق الصرافة ولا ادري هل كلامهم مظبوط وجربه احد ؟
5-بالنسبة لتحويل الفلوس من حسابي بالسعودية لامريكا وش افضل طريقة وارخصها واسرعها؟
6- في شيكاغو وش افضل مركز طبي يظبط الاسنان لان اسناني اكلتها الفار الله يخلف؟

7-جزاكم ربي الجنة

حياك الله اخوي سليمان .. وتوصل بالسلامه ان شاء الله

بالنسبه لأسئلتك .. بسم الله نبدأ ::

راح اكون بشيكاغو بإذن الله في 6 سبتمبر وبحكم وقت وصلي لشيكاغو الملحقية وقت اجازة فبوصل ع طول مباشرة لشيكاغو

1- طريقة فتح الملف لي ولمرافقي زوجتي وكم المدة لفتح الملف والمطاليب لفتح الملف؟

أفضل طريقة لفتح الملف تكون عن طريق حضورك للملحقيه في واشنطن .. وتقدر تروح بعد ماتفتح الملحقيه بعد الاجازه
وطبعأ فيه ارقام للمناوبين في الملحقيه ممكن تاخذ الخبر منهم يكون أحسن
وممكن طبعأ ترسل اوراقك عن طريق الفيداكس وهم يضبطونها ومو لازم حضورك .. بس اهم شي تكون اوراقك كامله

2- طلعت لزوجتي فيزا F-1 وأخاف ما تتحمل لظروف معينة فكيف احولها لـ F-2 بعد ما أوصل؟

إذا كانت زوجتك ماراح تدرس .. من الافضل اصدارها من البدايه F2 لكن بحكم انها الآن F1
تقدر تروح لمكتب الامقرايشن ويحولها لك إن شاء الله ومافيها صعوبه

3- أفضل بنك لفتح الحساب علما اني بديبول يعني هل افتح بفرع معين يكون افضل بحكم خبرتكم؟

أعتقد افضل بنك هو بنك اوف اميركا .. لكثرة فروعه ولتحويل المكافئه بسرعه من الملحقيه
وأفضل انك تفتح حساب في فرع يكون قريب لمكان اقامتك حتى تقدر تراجعهم لأي طلب ولا استفسار
لأن بعض العمليات يطلب منك تروح لنفس فرعك .

4-أفضل شرائح اتصال لي ولزوجتي وأوفر طريقة للاتصال بالاهل غير السكايب أقصد عن طريقة الموبايل سواء أنا أتصلت على الاهل او هم اتصلوا فيني؟

أفضل شركه يالغالي والي اكثر الطلاب مشتركين فيها هي شركة T-Mobile لأن تكلفتها بسيطه وتغطيتها كويسه
ومن ناحية اتصالك على السعوديه .. بس توصل عطني اتصال يالغالي وراح اعطيك طريقة تقدر تكلم اي جوال بالسعوديه بسعر الدقيقه 13 سنت
يعني نص ريال او اقل ان شاء الله

5- تعرفون الطريقة الجديدة للبنوك السعودية انك ما تقدر تفتح حسابك عن طريق النت الا لما توصلك رسالة من البنك فيها ارقام وهذه طريقة للامان طيب اذا صرت بامريكا لازم اجيب جوالي ولا كيف؟ وهل لو تطلب ان آخذ جوالي معي هل توصل الرسالة حقت اابنك بنفس اللحظة ؟ ولا وش الطريقة الي اقدر افتح حساباتي واخلص اموري واشغالي علما ان لي حساب بالراجحي والاهلي ورحت للبنكين وكلهم قالوا لازم وجود الرسالة ولا ما تقدر تفتح حسابك والاهلي قالي اذا وصلت امريكا و طلعت رقم جوال خلي أحد اخوانك يدخل رقم جوالك الجديد عن طريق الصرافة ولا ادري هل كلامهم مظبوط وجربه احد ؟

اشوف احسن حل لك اخوي انك تاخذ معك شريحة موبايلي وتخليها مفتوحه معك .. لأنه موبايلي فتحت الاستقبال في امريكا مجانأ
وتقدر تستلم رسائل من البنك ومن أهلك بدون اي رسوم .. بس تسدد الرسوم الشهريه عن طريق موقعهم في الانترنت

5-بالنسبة لتحويل الفلوس من حسابي بالسعودية لامريكا وش افضل طريقة وارخصها واسرعها؟

أفضل طريقه يالغالي عن طريق النت بحواله دوليه .. تحط رقم حسابك واسم البنك وأسمك كامل ورمز البنك ورقم الفرع
وتقريبأ من 48 إلى 72 ساعه والفلوس بحسابك .. والأفضل انك تخلي فلوسك بحساب احد تثق فيه وحو يحولها لك حتى يقدر يراجع البنك لأي مشكله لا قدر الله .

6- في شيكاغو وش افضل مركز طبي يظبط الاسنان لان اسناني اكلتها الفار الله يخلف؟

هذي يالغالي ما اقدر افيدك فيها لأني بعيد جدأ عن شيكاغو .. لكن التأمين الصحي الي من الملحقيه راح يعطيك قائمة بأفضل المستشفيات
وأنت طبعأ راح تلاقي شي يناسبك بإذن الله
( معافى ان شاء الله )

7-جزاكم ربي الجنة

واياك وكل السامعين يالغالي
وعلى قول اخواننا السوريين ( بدنا خدمة بتحرز ) هههههههههههههههههه

هلا أخوي

ما قصرتجزاك ربي الجنة

(

أفضل شركه يالغالي والي اكثر الطلاب مشتركين فيها هي شركة T-Mobile لأن تكلفتها بسيطه وتغطيتها كويسه
ومن ناحية اتصالك على السعوديه .. بس توصل عطني اتصال يالغالي وراح اعطيك طريقة تقدر تكلم اي جوال بالسعوديه بسعر الدقيقه 13 سنت
يعني نص ريال او اقل ان شاء الله

)

هالطريقة لو اذا وصلت ما تكون الحين >>> حار الولد يلف قبل العاير اخلص عليه

هههههههههههههههههههههههههههه

لاتستعجل يالغالي كل شي بيجيلك ان شاء الله :)
هذي طريقة يالغالي هي اشتراك في شركه ثانيه تعتبر شركة اتصال مسبق الدفع
تدخل رمز الشركه وبعدها تدخل الرقم للسعوديه وتصير سعر الدقيقه 13 سنت على جوال و 8 سنت على تلفون ارضي
وضحت لك الفكره ؟