يوم العيد .. بتلبس ثوب ؟

احمدو ربكم اصلا بيجيكم العيد مو يوم دوام ولا من الساعه ٩ الا الساعه ٣ العصر يعني لا صلاه عيد ولا شي

والجامعه اللي انا فيها ممنوع تدوام بلبس غير رسمي يعني (قميص وكرفته )

يعني مافيها الا ابخر البيت والبس ثوب واعزم المسلمين ونسوي مفطح ( في عندنا واحد يسوي مفطحات ) بس عشان اللمه والجمعه ولحد يقولي مفطح من جدك انت لانو لو بعزم ١٠ انفار اروح اشتري لهم بيتزا مثلا صعبه والله

والله يسهل

شباب

يوم العيد عندي دوام .. تخيلوا تخيلوا - والله أمر جائز -

اقوم الصباح واتروش واتهندس والبس الثوب واتمخطر بالشارع وامشي بكل ثقة
وأول ما أوصل المعهد وادخل ويطردوني سواء بطريقة مؤدبة أو بطريقة غير مباشرة ، يقولولي فيها إن لبسك غير لائق لحضور مقاعد الدراسة

بيطييييح وجهي وأنا حاس إنها بتصير لي

كالعاده مواضيعك جذابه

الله يوفقك اخوي وفرحة العيد بلبس الثوب

واذا مره مره مافي مجال تلبسه في الشارع البسه لو في البيت واكشخ واتصور

خلها تحدي الى يوم الجمعه وبتشوف انك بتلقى غيرك لابس ثوب
اللي يسمعك يقول ماعمرهم الامريكان شافو ثوب
بصراحه من كثر ماحسستني انك متردد شكيت انك عايش بقريه ومعزوله علمنا وين مكانك وين معهدك
لان اغلب الاماكن متعودين ع الثوب والبنجابي الباكساني وملابس الجنسيات الثانيه
بس انت مدري يمكن تكون بمنطقه مقطوعه الظاهر مافي الانت سعودي
وبعدين ربعك اللي يقولون مامعهم ثوب مستحيل مامعهم لازم الكل معه طيب في اليوم الوطني اشلون يطلعون بدون ثوب
اسمع البسه واكشخ واتحداك اذا ماغازلوك البنات وطلبو تصور معهم وماعليك من احد
الله يوفقك ويجعل يوم العيد علينا وعليك سعاده وسعة صدر

ههههههههه

ومازال النقاش جاري


بالنسبه للأخ اللي يقول يمكن يطردوني

تدري انك تقدر تقاضيهم لو طردوك

مستحيل يكون فيه قانون يمنع اللباس الخاص ببلدك

ولو فيه نظام مثل كذا او قانون تقدر ترفع عليهم دعوى قضائية

وبنسبة 80 ٪ خذها من عندي راح تكسبها لو عندك محامي قوي ^^

لأن هذي عنصريه والله لو توصل للإعلام والله ان يروحون في خبر كان ..

هل يرضون اننا نعامل الأجانب في بلداننا على انهم يلبسون الثوب فقط ونجبرهم عليه !!

يعني لو لبسو جينز او بدله ممكن يطردون من الجامعات والأماكن الحكومية ..

مااعتقد ان هذا الشيئ صحيح

ولو كان صحيح مثل ماقلت تستطيع ان ترفع عليهم دعوى قضائية ..

فما بالك لو قالو لك انك ارهابي او ربطو لبسك على انك ارهابي !!

خذها من عندي

والله لو ترفع دعوه قضائية

ان يروحون وطي

لأنهم يعرفون ان الموضوع فيه تعويض مالي وفيه اعتذار ..


>>> شكلي بدرس قانون شرايكم هههههه

..

البس ثوب على الاقل تحس انك معييد >> يعني تعيش العيد

احنا في المعهد اعطونا اجازة والحمد لله
بس المشكلة انه في ناس تقول العيد يا الخميس او الجمعة
وناس تقول الجمعة او السبت لان رمضان كان يوم الخميس في امريكا وناس تقول لا الاربعاء كان رمضان
يعني ضايعين O_o

اليوم شفت موضوع في الاخبار وتذكرت موضوعك هذا
المهم الخبر يقول انه في ولايه كاليفورنيا نسيت اسم المنطقه بالضبط

فيه قس وجماعه معه يبون يسوون تجمع يوم 11 سبتمبر
ويحرقون فيه المصاحف الله يحرقهم بنار جهنم

المهم بس حبيت انبهك انت وغيرك من السعوديين
انتبهوا لنفسكم واذا تبون تلبسون ثوب البسوه بينكم وبين بعضكم

بتقولون هذا الهنود وغيره يلبسون زيهم ومحد يقول لهم شئ
بقول لكم صح .. لكن انتوا تعرفون انه حنا ونظرتهم لنا
مو مثل نظرتهم للهنود وغيرهم من الجنسيات

اللهم اني بلغت اللهم فاشهد
حبيت اعطيكم نصيحه والله الواحد يسمع قصص تخوف
ليه يروح يعرض نفسه لهالمواقف وفي ايام حساسه مثل
سبتمبر .. والله يحفظكم