محتار وياريت تنوروني

السلام عليكم انشالله جاي ادرس بامريكا بس محتار بين تلات مدن سياتل - ميامي - اورلاندو طبعا بالبدايه بدور على الامان والاجواء المؤهله للدراسه ولا مانع للسياحه وايش افضل المعاهد مع العلم ناوي انشالله ادرس هندسه طيران بعد اللغه وتنصحوني اسكن مع عائله او سكن الطلاب ايهما افضل للاتقان وسرعه تعلم اللغه اتمنى انكم تنصحوني لانو دفعت للمكتب رسوم القبول بس لسا ما اخترت المدينه وقلي لازم اختار المدينه اليوم عشان يبدا بالاجراءات ونصحني بسياتل واتمنى منكم تساعدوني وادا في مدن افضل علموني واشكركم واسف على الاطاله

بين المدن الثلاث هذي انا عن نفسي انصحك في سياتل ... لانه المدينه حسب ما سمعت جميله وآمنه ودراسيه وجامعاتها اقوى وممكن تكون سياحية في نفس الوقت .. اما ميامي واورلاندو فأتوقع انهم سياحيه اكثر من دراسيه ...

اذا تبي تتعلم انكليزي بشكل اسرع اسكن مع عائله طبعا اذا انت من النوع اللي يتأقلم بسرعه


هذا رأيي وانتظر باقي الاعضاء ممكن يفيدونك اكثر مني

مشكور عالرد وربنا يوفقك انشالله ورحت المكتب واخترت سياتل وجابلي القبول ب ef ايش رايك فيها والمعهد بنفس سياتل لانو بصراحه ما استفسرت من المكتب وقبل شوي انصدمت من بعض المواضيع للاخوه الاعضاء يقولو بمدينه تبعد عن سياتل 45 دقيقه وانتظر ردكم جزاكم الله خير

انا اشوف اذا كانت دراستك في مدينه عن سياتل 45 دقيقه افضل لك من اكثر من ناحيه :
اولا: أرخص لك خصوصا انك بتدرس على حسابك
ثانيا: بتركز على دراستك اكثر وما راح يكون فيه شي ممكن يشغلك عنها
ثالثا: دائما المدن الصغيره اكثر امان من الكبيره

وبعدين ترى 45 دقيقه مو كثيره خصوصا على اجواء امريكا وشوارعهم .. وأيام الويكيند تقدر تنزل لسياتل او حتى بنص الاسبوع


بالتوفيق لك