عرض للطباعة
السلام عليكم ورحمه الله وبركاته تحيه للشباب والصبايا المبتعثين والمبتعثات
بس اخواني عندي سؤال انا معي الضمان المالي من مده والحين قدمت عن طريق مكتب يجيبلي القبول قالي انشالله اقل من شهرين يكون القبول عندك بس حبيت اسال مدري انا قريت فيه احد المواضيع انه المرحله بتقفل مدري حقت التعليم العالي يعني الابتعاث مدري مافهمت ياليت احد يفهمني وبعرف هل الضمان المالي له مده محدده وينتهي
وشكرا
مرحبا
اخوي انت قدمت عن طريق مركز القبول بالاضافة الى المكتب الخاص؟؟؟
اذا نعم فانت مستثنى من هذا الشي (اقفال البعثات)
في نموذج , لازم تعبيه في الوزاره
يالغالي انا ماقدمت من مكتب القبول اعطوني الضمان المالي على اساس انا اجيب القبول عطوني اياه تقريبا قبل 4 شهور وقبل اسبوع وديته لمكتب يجيبون القبول بمبلغ معين
فهل هذا يعني انه فيه مدعه وبتقفل البعثات
ويااخ mg وشو النموذج الي اعبيه وليش اعبيه ؟
اخوي نصيحة اخوية لاتعمد على المكاتب كلها نصب في نصب اذا تعرف احديجيب لك القبول شخصيا يكون افضل لك لانهم ياما ودو ناس في دواهي ولخبطو اوراقهم وانا واحد مهم,,, اذا ماتعرف احد يجيب لك قبول ابد راسلني على الايميل ولا لك الا اللي يرضي خاطرك وفاتح المراسلة على الايميل انا من قبل المنتدى
انا في امريكا مدينة شيكاغو اذا تحب تدرس فيها للمعلومية فيها اكثر من معهد واكثر من عشر جامعات بالتوفيق انشا الله
شكرا على ردودكم
اخوي فتى يام يالغالي مشكور وماقصرت وعلى النصب والله مااستبعد منهم بس هم جابو قبول لخويي عشان كذا رحتلهم وفيه والله اخوي باامريكا بسياتل بس ماقدر يجيبلي قبول بسياتل مدري يقول مافيه عندهم قبول مشروط .
وقدمت على دنفر نفس كلام سياتل يقولون تعال ادرس معهد ونعطيك قبول جامعه اذا خلصت الانجليش
بس حبيت بسالك اخوي اذا بجيب قبول من شيكافو يطول الموضوع ولا لا وشكرا اخوي.
واعذرنا تعبناك معنا
اخوي انا احسك متلخبط شوي..اقتباس:
المشاركة الأصلية كتبت بواسطة مايكبرني لقب
انت تقول انه بسياتل قالوا ان مافيه عندهم قبول مشروط
"" قبول مشروط يعني تدرس عندهم لغه""
كيف جامعه ماعندها ديبارتمنت لغه ؟؟ شي غريب ""
معناته تروح وتدخل عالفرشمن يير على طول عندهم
المهم .. وايضاً قلت
قدمت على دنفر وقالوا نفس الكلام ؟؟
لا عزيزي مو نفس الكلام..
سياتل قالت مافيه لغه تدخل على طول هذا على حسب كلامك
.. بس دنفر قالت تعال ادرس معهد ونعطيك قبول جامعه ..
انت خابص بين الاثنين ..
بعدين انت اي جامعه مقدم عليها في سياتل؟
ا
اخوي انا اصلا ماني فاهم موضوعك حستني ولينا زادت الطين بلة,,, انت بكلوريوس ولا ماجستير وش تخصصك عادي تخش اي جامعة ولا حاط عينك على جامعات محددة
شيكاغو مثل ماقلت لك مليانة معاهد وجامعات
هلا ااخواني شكرا على مروركم
لينا انا قدملي واحد على جامعه سياتل يونفيرستي وقالي انه راحلهم هو اصلن بسياتل قالوله حنا مانقبل قبول مشروط مافيه الاقبول نهائي
وجامعه دنفر قدمت وارسلولي اوراق قالولي عبيها من مدرسين اثنين من الي درسوك بالثانوي وعبيتها وارسلتها لهم ارسلولي رساله بالايميل انه ماقبلوني قبول مشروط واكتبو اذا حاب تنقل لجامعتنا بعدين بعد ماتخلص الانجليش راسلنا بس
اخوي فتى يام انا بكالوريس
وابقدم تخصص قانون
والله انا راسي على سياتل لانه فيها اخوي او دنفر فيها خويي على الاقل يسنعوني اول شهر بس
وشكرا اخواني
بس انا سؤالي كان على انها يقولون الابتعاث له مده ويقفل عشان يبدون الدفعه الثاله بتاريخ 1 /7
بس انا منهم ولا مستثنى
ووش الحل اقدر ارسل واحد بالرياض يراجعهم عني يوريهم الاوراق يملي ورقة الجادين بالابتعاث حثتهم ذي ولا لا
وشكرا