ياشباب ممكن سعر التذكرة ذهاب وإياب من أمريكا إلى السعودية ؟

والله ماتستاهل .. خلاص بطلت < موسوس .. هههههههههههههه

شوف اخوي
فيه اشياء ما تحسبها بالقيمة الماديه >>>
اذا ودك تطلع للسعوديه ومشتاق للأهل

وتحس إنه هالشيء راح يفيدك ويخليك لمن ترجع لامريكا ترجع متحمس وشاد حيللك >> فتوكل ع الله

......................

واذا مو مرة متحمس خلها بالكريسمس >> واحجز من الحين
يعني باقي شهرين وشيء عليه >>> يكون وقتها تجاوزت كثير من عقبات اللغه >> موفق يالغلا

واستخر قبل كل شيء

ونعم المشاورة .. ونعم الكلام يا اسطورة فتاة

صحيح الأهل مانحسبهم بالقيمة المادية حاشاهم تاج راسي فديتهم .. ولكن القصد .. سعر التذكرة مرتفع + اسبوعين بنظري غير كافية .. الي يشوفني يقول مسافر من الامارات للسعودية .. الله لا يهينك اسطورة بالضبط تاريخ كم يبدأ الكريسميس وينتهي تاريخ كم .. عشان حجوزاتي تكون دقيقة .. وهل الحجز شرط ادفع ولا احجز ووقت السفر ادفع ؟

كثر الله خيرك .. شكراً من الأعماق

عسى الله يوفقك ويسهل الامور عليك ,,,,

مثل ماقالو اخوي مهندس شبكات ,,,,

اسعار الخطوط السعودية الان خياليــــة ,,, لقيت تذكرة ذهاب فقط ب2045 ريال فقطــ !! ,,,

وبالنهاية عساك تلقى السعر الي تبيه وترجع وتعيد عند اهلك ,, تحياتي لك

اولا عيدكم مبارك قبل الزحمه
ثانيا من وجهة نظري انا اشوف انها ما تسوى تعب وخساره والوقت قصير جدا
الشيء الثالث : اعتقد والله اعلم من كلام سمعته انك ما تقدر تدخل لامريكا اذا الدراسه باديه لها اكثر من اسبوع وانت على فيزة طالب. فقط للتنبيه اذا احد عازم النيه يتأكد من هالموضوع انه يقدر يرجع بدون اي مشاكل. عادة يكون فيه مكتب للطلاب الدوليين في الجامعات فتقدرو تستفسرو منه.

تحياتي

والله اخوي اسعدني كلامك

بس ما عندي خلفيه بالضبط متى اجازة الكريسمس >>>>>>>>>>> (( ادعي لي تتيسر اموري وابتعث وابشر بعزك >> اعطيك التاريخ واحجز لك ان بغيت للسسنه الجايه ))

والحجز المبكر اكيد لازم تدفع عشان تضمن الحجز ويكون اوك

واسأل زي ما قالو الاخوان عن تخفيض الطلاب >> استفد من كل شيء وانا اختك

موفق بإذن الله

اخوي مهندس شبكات >>> عندي سؤال لو سمحت
الحين التخفيض للطلاب
لأي طلاب ؟؟
هل بس المبتعثين؟
والا حتى اللي يدروسون بالداخل؟؟

مشكوراخوي

اخوي مابنكسر ارسلت لك بعض المعلومات على بروفايلك

وانا الان بالسعوديه وجاي من امريكا ذهاب وعوده بـ 670 دولار

فيه نقطتين لازم اوضحهم لك

1_ تخفيض الطلاب على الخطوط السعوديه فقط وارسلت لك رقمهم ع البروفايل .\
2_ الوقت مهم جدا فكل ماعجلت بالحجز تلقى سعر ارخص ومثل ماقلت لك كان عندي حجز مؤكد ذهاب وعوده بـ 590 دولار بس تكنسل لاني ماشريت التذكره ..

اسبوعين ماهي كافيه ومثل ماقالو الاخوان انتظر للكرسميس احسن لك واذا عزمت احجز من الحين ..

موفق اخوي

انا لي بالسعوديه اسبوع الان واخذت تذكره مخفضه قبل شهرين بقيمه 670 دولار ذهاب واياب على الخطوط السعودية . والطريقه كالاتي
اتصل على الخطوط من بدري وقلهم ابغى الحجز بالتاريخ الفلاني والعوده بالتاريخ الفلاني وبعد ماتخلص امورك ويجي وقت الدفع قله انا انا طالب بيقولك الاثبات تقوم ترسله بطاقه الملحقيه ويسويلك خصم الطلاب .
وكل عام وانتم بخير

اخوي ما ينكسر صابر شيك ع صندوق الوارد

>> واللي يبي حجز ع الخطوط السعوديه
من واشنطن الى الرياض
يشيك ع الموقع وفيه حجوزات بمبالغ جدا حلوة هالايام

موفقين يارب