أحذرو من بعض مكاتب المراسله

بسم الله الرحمن الرحيم

كيفيكم ياشباب هذا الموضوع خاص للاخوان الي يبون يروحون لعوائل امريكيه ودي احذرهم كم شئ مهم


الان بعض مكاتب المراسله التي توديك للعوائل ذولا نصابين البعض مو كلهم

في بعض المكاتب تدفع انت عربون لهم 200 دولار بعدين هم متفقين مع العائله على خدمات معينه

مثل


1- وجبات

2- لا يوجد كلاب داخل البيت

3- غرفه فيها انترنت وكامل الخدمات

فلما توصل بسلامه تجد بعض الخدمات انها غير موجوده فتضتطر انك تجلس فتبدا العائله خلال شهر بمضايقتكك الين تقفل معاك وتطلع

وبعد ماتطلع يجي واحد مسكين يحل مكانك

ويكون المكتب والعائله استفادوا منكك 200 ومن غيرك عشان كذا لازم نحذر من ذا


الشئ وانا نصيحتي للاخوان الي يبون يسكنون مع عائله انهم يراسلون العائله ويكتب عقد معاهم لان العقد يمكن يجيبك لك حقكك

كلامك صحيح وانا الان بطلع لأمريكا وصار معاي نفس ماقلت

أنا طلب بعض الطلابات ولما وصلت للمكتب قالي المعهد ماقدر يوفرلك

غير العائلة هذي والسبب عليه زحمة والصيف ( المشكلة ان الصيف انتهى)

بس وش اقول؟ اخر شي وافقت

مشكووور ما قصررررررررررت

الله يسلمكم يااااااااااااارب ويارب ان الشباب استفادوو

الله يعطيك العافيه , وفعلاً انا ااكد على كلامك مره كنت متدرب في احد معاهد بريطانيا وكنت مع مشرف السكن
فكان اي احد يجي يبي يغير السكن حقه ينطلونه في اي سكن حتى لو كان موب مثل مايبي ليش ؟ لانهم يجبرونه ينتظر سبوع على بال مايجرب ثم يدورون له ثانيه :s

فافضل شي ان الواحد مثل ماقلت يتفق مع عائلته بنفسه ويكتب بينهم عقد انا في بداية الموضوع كنت معتمد على المعهد هو يدبر السكن
بس بعد فتره اتفقت مع العائله اني احسابهم بدون المعهد واتفقنا على سعر وكتبنا عقد وطلع ارخص علي لان عمولة المعهد طلعت من الحسبه , وصار تعامل العائله معي احسن لاني كنت اعطيهم الفلوس كل شهر كاش
المعهد كان يلطعهم شوي , طبعا المكاتب راح تقول لك يتعهد لك المعهد افضل لو حصل سرقه والا شي والا طردوك العائله نص الليل المعهد هو اللي بيعوضك بسكن على طول

لكن كل هالامور تنحّل بالعقد مايقدرون يطردونك وان سرقوك عادي تقدر تشكيهم للشرطه يعني اذكر واحد انسرق من عائله يوم جانا يشتكي قام المشرف ودق عالشرطه وخلاص صار الطالب يتابع مع البوليس ! وش الفايده بالله وبالاخير يمعطون منك 100 باوند او 150 ليه !



اسف عالاطاله