الأعضاء الإشتراك و التسجيل

الملتقيات
ADs

بسحب على البعثة و برجع السعودية

بسحب على البعثة و برجع السعودية


NOTICE

تنبيه: هذا الموضوع قديم. تم طرحه قبل 2657 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. اريد كلام موضوعي
    يعني ما ابي احد يقول خريج من اقوى دولة او خريج امريكا افضل او...............

    هل في سوق العمل يفرق ؟
    هل السنوات اقل؟ للبكالريوس و الدبلوم والماستر
    هل الدراسسة اسهل ؟؟
    هل امريكا اسعد من السعودية؟؟
    ه
    7 "
  2. المشاركة الأصلية كتبت بواسطة الطرقي-1-
    اريد كلام موضوعي
    يعني ما ابي احد يقول خريج من اقوى دولة او خريج امريكا افضل او...............

    هل في سوق العمل يفرق ؟
    هل السنوات اقل؟ للبكالريوس و الدبلوم والماستر
    هل الدراسسة اسهل ؟؟
    هل امريكا اسعد من السعودية؟؟
    ه
    ايوه فرق حتى بالتعامل العادي بالحياة خريج امريكا دائماً الاقوى

    اخوي مفهي

    الغربة مرة وقبر انا عارفة وغربة برا العن والعنين انا جربت اتغرب عن اهلي في السعودية شهور وصبرت وبكيت وفكرت ارجع كثير بس يوم رجعت رفعت راسي مو بالشهادة وبس شعرت بفخر بنفسي اني مريت بهالتجربة وصمدت

    ان كانها صعوبة باللغة ابي اقولك اخوي راح بريطانيا يضحك مايعرف الا يس ونو و3 سنوات ونص يالله تعلم وصار يرطن بعد وعلى فكرة هو طالع على حسابة ويوم انضم للبعثة ذبحنا خروفين خخخخخ ورجال مشورب حس بالعجز وكل شيء محبط كان يتصل على امي يبكي وامي تسولف معة وتشكية لين يطلع اللي بخاطرة ... عشان كذا بقولك ان حسيت بضيق ابكي مو عيب ابد قم صلي ركعتين توضى بس
    ان ماقدرت تبكي اسمع اغنية حزينة خل كل الحزن يطلع ماهوب عيب قبل لانكون رجال وحريم انت انسان
    وابي اقولك شيء ان ماحسيت بالاندماج او ما تأقلمت لازم تحاول تطرد هالشعور الغربة هنا تكون بالداخل تحملها اينما تذهب


    ارجوك فكر مجدداً
    7 "
  3. لكل انسان ظروف
    ويمكن هالشخص جدا مايقدر يتحمل الغربه
    وايضا حس انه راح يمكن يفقد اشياء ثمينه
    او انها راح ينهار نفسيا لاقدر الله

    صحيح الدراسه والابتعاث خصوصا با امريكا الكل يطمح له
    ومثل مانعرف كثير ناس باعت سياراتها ومنازلها وبعد فصلت من اعمالهم
    في سبيل الدراسه واكمالها وعلى امل الالحاق

    انا انصحه بالاستخاره ويستخير كم مره قبل مايتخذ القرار النهائي

    وبالتوفيق
    7 "
  4. طرقي بدل ماتشجع خويك يكمل دراسته تسوي العكس !
    عموماً الخيرة فعلاً محد يدري وينها بس التعليم في أمريكا أفضل وأكثر رغبة في سوق العمل السعودي هذي باختصار ( مايبي لها نشدة شيخ )

    اتذكر قبل خمس سنوات رحت لبريطانيا ومعي مجموعة من الزملاء وكانت اول مرة نتغرب بهذا الشكل
    بعد فترة والله ياطقتنا الضيقة بشكل ماتتصوره خصوصاً بعد احداث عنصرية ومشاكل حصلت لنا من ذاك الشعب الكريـــه وكان معنا واحد من النوع الي ماكان يسافر عن ديرته (بدوي ) وصل لمرحلة الاكتئاب الحاد خلاص يبي يرجع بأي طريقة وأي وسيلة .. معد فكر في دراسة ولا اي شي يبي يصفي حقوقه ويرجع ..
    وصل لمرحلة انه معد يبي يداوم ولا عد يبي شي خلاص .. والله انه يركب في الباص ويهيجن ويون ويزفر والناس تطالع فيه والي يقوله خشمك زين ينط فيه .. النفسية طاحت
    كان له شهادة والله ماقعد ياخذها ركب طيارته ومشى كان بيموت من الفرحة ويعد الساعات والدقايق ..
    اول ماوصل للرياض وقاعد ينتظر الرحلة الجاية لديرته دقيت عليه وانا ابي اشوف انطباعه .. توقعت يصكني بقصيدة او بطلعة حلوة تدري وش قالي ؟
    قال قسم بالله بمجرد دخولي للسعودية راح الشوق واختفى .. يقول رجعت لنقطة الصفر قبل سفري لبريطانيا يوم كنت ابي اطلع من الديرة !
    يقول توقعت كل شي القاه مختلف او بمنظور آخر .. لكن اكتشفت الدنيا على حطة يدي وبالعربي ( مافاتني شي , ولا حد درى عني ) !
    وبعد فترة ثانية قال غلطتي ماكملت !

    الي ابي اقوله ان الشوق وغلقة الصدر شعور طبيعي ومافيه انسان عنده احساس وطبيعي مايحس بهالشي ابد بس تراه شعور مؤقت بمجرد وصولك لديرتك احتمال مؤكد تقول الحمد لله بس !
    والله ياانها تجينا الضيقة الي تتــك الصدر معد ودك تكلم احد ولا تروح ولا تسوي شي وتجيه هواجيس انه يسحب على كل شي ويلقط شنطته ويرجع .. بس يفكر فيها الواحد ويقول الي مشى هالايام بيمشي غيرها وبدل ماارجع وانا قاطع نص الطريق اكمل الطريق وارجع وتصير الفرحة اكبر
    عن نفسي غير نظرة المجتمع
    او عدم اكتمال فرحة الاهل
    او غيرها من الاسباب
    اهم سبب يمنعني من اتخاذ قرار زي هذا هو انني عارف ان كان الله عطاني عمر باستمر اقول ( مرة رحت لامريكا ولا كملت ..! ) سالفة بأغث بها عيالي وعيال عيالي وباقعد اتندم عليها
    انا اشوف كل طالب بمجرد انه وصل لامريكا واتخذ قرار جريء مثل هذا هو انسان نفسياً ( قطع نصف المشوار )
    النصف الثاني يحتوي صعوبات وضيقة صدر ورغبات وشوق !
    وكل طالب مهما تشوفه مستانس الا انه في قرارة نفسه يشتاق ويحس ويكتئب احياناً بس الناس ( تأخذ الدنيا غلابا ) زي ماقال المتنبي ..
    غير روتينك جدد حياتك .. روح ياعمي تزوج ان كانك مابعد اعرست .. تعرف على اصدقاء جدد .. واذا احتجت اشوف هلي ترى الترم مايتعدى 4 شهور وشهرين اللغة ممكن انقز اجازة وارجع ..لاتستسلم لهذا الشعور شوته بدل ماتخليه يشوتك

    آسف على الإطالة ولكن هذه الكلمات ليست لك بس
    حتى انا احتجت اقولها عشان اقرأها بصوت مسموع لنفسي ..بما إنه بتزامن العيد الضيقة مسيرة شوي
    الله يوفقك ويوفقنا جميع
    7 "
  5. شكرا لكم
    المسألة ليست فقط غربة و زهق و ان كان فيها الكثير ولكن المسأله اعادة حسابات من اول و جديد
    يعني قيس الجهد المبذول من دراسة و غربة مع المخرجات الي هي شهادة من امريكا
    او دراسة اسهل و الجلوس مع الوالدين و شهادة من السعودية

    قرار صعب جداااا
    الله يكتب الي فيه الخير لنا جميعا
    7 "
  6. طلب تأجيل أو إنهاء البعثة الخطوات اللازمة لتأجيل أو إنهاء البعثة
    1. خطاب موجه للمشرف الدراسي بطلب الموافقة على التأجيل أو إنهاء البعثة.
    2. تعبئة استمارة متابعة المبتعث + نموذج رقم (5 ).
    3. إرفاق المستندات الخاصة بمبررات التأجيل أو الإنهاء ( على سبيل المثال شهادات طبية ).
    4. في حالة بدء المبتعث للفصل الدراسي يطلب من المبتعث تزويد الملحقية بتقرير دراسي حديث بشأن وضع المبتعث/ة الدراسي .
    5. كشف درجات يتضمن المواد التي درسها المبتعث/ة والتي تم إنجازها في المرحلة الحالية.
    6. الملحقية تقوم برفع كامل المعاملة لجهة الإبتعاث .
    7. رفع المعاملة لا يعني الموافقة ، وعلى المبتعث/ة إنتظار الرد من جهة الإبتعاث.
    8. الملحقية لا تقوم برفع آي طلب لا يستوفي الشروط المذكورة أعلاه.
    9. خطاب من الجهة التعليمية يفيد بعدم ممانعتهم على التأجيل للفترة المطلوبة.

    ملاحظات مهمة جدا

    • يرجى تزويد الملحقية الثقافية بالمسوغات الرسمية المذكورة حتى نتمكن من اتخاذ الإجراءات اللازمة بهذا الشأن و لن ينظر إلى أي طلب ما لم يستوفي كامل الشروط المشار إليها أعلاه.
    • يرجى الرجوع الى دليل موظفين الملحقية لمعرفة المشرف الدراسي ومتابعة المعاملة معه من خلال البريد الألكتروني.
    • يجب تقديم طلب تأجيل البعثة كاملا وبمدة لا تقل عن شهرين من تاريخ التأجيل المطلوب على ان يستمر المبتعث في دراسته حتى يصدر القرار الرسمي بقبول التأجيل من صاحب الصلاحية (وزارة التعليم العالي او الجهات الاخرى) ولن ينظر في طلبات التأجيل ما لم يستوف شرط المدة الازمة.
    • عند استلام الموافقة على إنهاء البعثة يجب إشعار الجامعة لإخلاء مسؤولية الملحقية عن أي مصاريف بعد تاريخ إنهاء البعثة.
    • لا ينطبق التاجيل على مبتعثي الجامعات السعودية.





    المصدر ملحقية استراليا

    واتوقع النظام مطبق في امريكا
    مع اختلاف الفرومات اللي تعبيها
    7 "
5 من 11 صفحة 5 من 11 ... 45610 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.