بسحب على البعثة و برجع السعودية

اعتقد كل اللي ردوا وقالوا لاخونا تصبر وحاول تكمل كلهم مايدرون عن ظروفه .. وانا واحد منكم

وانا بعد معكم اقول له نفس الكلام واقوله انا مستقيل من عملي وراتبي فوق 10 الاف وسفري بعد العيد على حسابي وكله عشان الدراسة وعلى امل الالحاق ..لكن من ردود الاخ يبان عليه انه رجل واعي وفاهم وش جالس يسوي .. واصلا مااختار البعثة الا لانه واثق انها القرار الصائب (عالاقل في البداية) .. لكن محد يدري ليه بيرجع واكيد ماراح يقرر مثل هالقرار الا لاسباب قوية .. ويقولون ماتحرق النار الا رجل واطيها ..

لكن شوري لك انك تعلق البعثة .. وترجع فترة للسعودية وبعدها تقرر قرار نهائي

وبالنسبة لاستفسارك انا معي واحد في الدوام سوا هولد على بعثته ورجع والحين توظف معنا .. اذا تبيني اسأله وش سوا بالضبط ارسلي عالخاص وارد لك بعد مانرجع للدوام يوم السبت الجاي ان شاالله


تحياتي ..

والله مادري ايش اقووول لكن موفق باذن الله قرار صعب

السلام عليكم ورحمة الله وبركاته

تقبل الله طاعاتكم جميعا

وقبل الرد اسأل الله العظيم رب العرش العظيم أن يهديك للرأي الصواب اللي يريح بالك وأوصيك بالدعاء والاستغفار

ثانيا ترى بعض الأخوة اللي ما أعجبك ردهم،، والله إني ألمس صدق حرصهم عليك ،وخوفهم على أن تندم ،وخصوصا كما اتضح بعد ذلك،، أن في جعبتهم قصص مشابهه ،فحاولوا أن يقطعوا عليك الطريق ،حتى لا تنتهي إلى نهاية لا ترضاها...


ثالثا لم أرد إلا عندما " لمست الجرح " بجملة قلتها وهي أنك كنت من النوع الذي لا تفكر كثيرا ،، وأنك تعقد العزم وتتوكل ،، أنا كنت كذلك ودائما يقال ،،نحسد " السيدة النبيلة "،، فهي تعلم ما تريد ، ولا تتردد " ولا يعني ذلك أنني لا أفكر ، فالتفكير مطلوب، لكن كثرة التفكير أن أراها " مرض "،، وأظنهم حسدوني ،، ولا أعتقد أنها قضية عمر ،، بالعكس كلما كبرت في السن قد يضعف بصرك لكن بصيرتك تكون سته على سته
فيمكن حد حاسدك مثلي خخخخخ

واعلم أخي الكريم ،من واقع تجربة، أنك مهما استشرت في الأخير لن يعلو إلا صوت قلبك ،، أنا استشرت أمة محمد في الجامعة التي أريد الانضمام لها وآخر شي ،، قبلت الجامعة اللي محد مدحها ،، لأني بحثت بنفسي وشفت شاللي يناسبني واللي ما يناسبني ،، لأن بعض الظروف ما تقدر تبوح بها ،، والناس أجناس،

وترددك شي طبيعي، يحدث لأي انسان عاقل يكون عند مفترق طرق ،،وهو يجهل الطريق، فلابد من التوقف وقراءة بعض اللوحات الإرشاديه ،،ليعرف تماما أين يتجه ،، ولو أدرك أن كلا الطريقين يوصلانه إلا وجهته،، فإنه سيفكر أيهما أسهل في العبور ،وأيهما أقصر، مع الأخذ في الاعتبار وعورة الطريق و أمنه ،، فقد يكون الدرب القصير وعرا ،، فما يكاد يصل ، حتى ينزل مترجلا مخلفا سيارته خلفه بعد أن خسرها ،، متهالكه وراءه بسبب وعورة الطريق و سوء قراره...


القصه كالتالي

أخي اعلم أن مشورتنا لك ناقصة ،، لأنك أعطيتنا بابا من قصتك ،، ولم تروي جميع الأبواب ،، فأنت من تملك الرؤية الواضحة في النهاية لكن سأطرح ردي على هذه الجزئية علها تفيدك ،،

انا تخرجت من كلية الجبيل الصناعيه بدبلوم عالي في تقنية الهندسه الميكانيكه ,,

ماعندي مشكله في اللغه ولله الحمد ودراستي خلال هالسنه فادتني كثير طبعا

تقصد أن دراستك في الدبلوم سنة واحدة فقط؟

المشكله ان الجامعات في امريكا تعادل الساعات على المزاج ,, والجامعه الي فيها تخصصي الي اقدر اكمل عليه البكاليوريس

جامعه قويه MSOE ملواكي سكول اوف انجنير

أولا ليست مشكلة ،، بالعكس الحمدلله على معادلتها بعض الساعات



المشكله كالتالي ,,
1- التخصص مو متوفر في اغلب الجامعات ( يعني تبي تتعب لين تلقى جامعه فيها نفس التخصص الي هو
mechanical engineering technology

هنا لم أفهم لم تبحث عن جامعة وأنت في الأساس عندك التخصص في جامعة قوية ،، أم تقصد فقط قضية معادلة الساعات؟؟ انسى هذه القضية لأن 17 ساعة ليست بالشي المهم حتى لو كانت تعادل تيرم كامل ،، فهذا التيرم فيه تعلم مفردات زيادة وخبرة زيادة وتكوين شخصية زيادة ،، يعني بالعربي انسى قضية معادلة الساعات لأنها مب محرزة

3- نظام الجامعه كوارترز ( عشان تتخرج تحتاج تكمل 194 ساعه ) وعليكم الحسبه يعني 3 سنوات ونص
الصراحة أين الغريب في الأمر ،، بكالريوس أكيد 4 إلى 5 سنوات والبعض يخلصه في 6 سنوات
يعني أنت سنة دبلوم " وأنا في رأيي ما تحطها في الحسبة " + 3 ونص = 4 ونص " انجاز "
في جامعتنا الحكومية البعض ياخذ 7 سنوات
طبعا ما راح أحسب سنة اللغة ،، لأن حتى اللي يروح يدرس ماستر في بريطانيا وهو ما عنده لغة يدرس في سنتين مع إن غيره يخلصها في سنة ،، هذي امكانيات ،، أنت ما كانت عندك لغة فطبيعي الأربع سنوات تصير خمس

4-مثل ماقلت الجامعه تحتاج مجهود اكثر ماراح اقول صعبه لاني مؤمن ان دام غيرك ماشي فيها تقدر تصير مثله واحسن
ما سمعت خالد الفيصل يوم يقول يا مدور الهين ترى الكايد أحلى

المشكله في عامل الوقت للتخرج ونظام الكوارترز المزعج للي يعرفه يعني ثلاث فصول فالسنه غير الصيف

ما فيه مشكله هنا ،، المشكله أنت قاعد تخلقها ،، قول موقفك تغير ، زائد جاتك فرص أخرى

الخيار الثاني اني اكمل بكاليورس في كلية الجبيل بما انهم فاتحين بكاليورس لنفس التخصص
1- ماتحتاج وجع راس ( مواد كلها محسوبه كلها سنتين وانت مخلص)
2- الكليه شهادتها جيده جدا ( اعرف ناس تخرجو بكاليورس منها وتوظفو مشالله في شركات سابك وارامكو وغيرها من الشركات الكبيره)
3- نظام الدراسه متعود عليه وماراح تواجه صعوبه في مراحل الدراسه
4- تكملة البكاليورس مدتها سنتين(124 ساعه عشان تتخرج) وسمستر تطبيق في احدى الشركات يعني توتل مدة الدراسه سنتيين
,,,,

شوف أنا ما أدري عن ظروفك ويمكن أنت الرؤية والهدف واضح عندك،، شهادة جامعية جيدة وضمان عمل جيد وهذا الشي تحققه لك الرجعة لبلدك ،ويمكن يكون فوقها راحة بال ،، فمثل ما قلت في البداية أنت في النهاية تقرر....
لكن أنا عن نفسي لما أفكر أدرس برا ،، غير اكتساب اللغة ،، خبرة كبيرة ما تحصلها في المواقف اللي تواجهك في بلدك مهما كانت صعوبتها
وكنت بأشير عليك الخيار الثاني لو كان أنت للحين على البر ،، بدون بعثه ،،لكن بما إنك التحقت وخلاص مكانك متوفر لك في هذه الجامعة ،ن أن أقول توكل وكمل يكفيك " تخبط " ،، أولا دبلوم ،، بعدين قررت تكمل بكالوريوس ،، وسافرت أمريكا ، والآن تريد الرجوع ،، أنا أشوف الوضع فيه " توتر " ،، إذا كان اختيارك لجامعة في السعودية فقط لأنها أسهل ،، أقولك اثبت ، وانسى الفكرة ،، وشد حيلك في أمريكا ،، لأن مهما قالوا لك تبقى الشهادة " الأجنبية "أقوى ،، لكن إن كان الأمر فيه خوف على دينك ونفسك ،، أقولك أرجع وأنت " تضحك " بعد ،، ولن تخسر شي بيكون عندك شهادة جامعية وتكون خفظت نفسك وتكون بين أهلك وفي ديرتك

والي عنده خبره اكثر مني او نصيحه او وجهة نظر يقولها والله يكتب اجره وراح اتقبلها بصدر رحب


هذا رأيي بكل صراحة وأرجع وأقول أسبابك الحقيقية أنت أعلم بها وحبيت أقول انسى الناس ةفكرة إنه ما قدر يكمل في أمريكا ،، أهم شي اللي ريحك ويحقق هدفك ،، جيب ورقة وقلم وحط المميزات والعيوب بكل صراحة حتى الأشياء اللي تخجل تقولها حتى لأخوك ،، وبتلقى القرار واضح ،، أهم شي قراراك ما يكون " بس " البحث عن الأسهل ،،

دمت بود وتقبل مروري

atheer

الله يقطع سوالفك قسم مت ضحك ههههههههههه

اعجبتني صل ركعتين وان مانفع شغل اغنية حزينه ههههههههههههههههه

والله انك فله .

وش جاب الصلاة عند الأغاني , الاغاني الحزينه بتزيد همه هم

لاكن الصلاة راحة للقلب

قال صلى الله عليه وسلم ( ارحنا بها يا بلال )

من الاراء اللي نرفع لها القُبعه احتراماً

الله يوفقـه . . .

وان شاء الله يفيدونك الاخوان

قهر والله ... احد يجيه رزقه ويرفسه ؟؟؟ الابتعاث وانا اخوك فرصه ماتعوض وراح يندم ....والله الموفق

إذا كان بكالوريوس ، يرجع السعوديه ويريح راسه

مافيه ذاك الفرق بين المبتعث والطالب الداخلي ، الا فرق اللغة فقـط

اما إذا كان دراسات عليا ، فـ عاد يصبر أحسن له

والله ييسر له مافيه الصالح

عجبي من الناس اللي تبيع وتسوي ومدري شنو ، على بكالوريوس !!!

نصيحه نصيحه خله يرجع للسعوديه اسبوع واحد ويقرر هناك صدقني بيحس بالفرق
اتوقع مشتاق لاهله وجماعته وربعه لاكن اذا راح هناك بيرجع ويكمل والله يوفقه انشالله
ونصيحتي لايترك البعثه تراها نعمه مايحس فيها الا الي فاقدها وشكراااا واسمحولي على الاطاله

سلامات وانا اخوك البكاليريوس مافيه فرق !!!!
فيه فرق كبير بين خريج الجامعه الامريكيه وبين جامعاتنا بالعكس اصلا الدراسه العليا هي اللي ماتفرق لانك اول ماتوظف ماينظرون للماستر ينظرون للبكاليريوس والكلام من زملاؤنا اللي كملوا الماستر..الماستر تنفع بعد سنين الخبرة بالعمل فقط