بخصوص متى تستحق التعويض ( استفسار)

؟؟؟؟؟؟؟؟؟؟؟؟؟؟؟

يعوضوك بس رسوم الفيزا والسفيس غصب عنهم مو بكيفهم....

ارسل لواحد اسمه وائل صديق تلقاه في قسم التعويض ارسل السيفس وورقة سداد الفيزا

وقله بالايميل ابغا تعويض انا ملتحق جديد وبيعوضك خلال اسبوع بالكثير ..

والله ياخي نشبنا , هذاك يقول بما إنك لم تقبل بالبعثه يوم تقدم على الفيزا ؟ ماراح اعوضك عن شي لأن النظام لا يسمح أنه أعوضك عن اي شي قبل صدور أمر الالحاق... وعاد أنا ما أفهم كثير بنظامهم لأنه مبهم وغير واضح
لكن اللي حاصل
عطني ايميل وائل صديق .. وأكون لك من الشاكرين
خخخ الا والله النشبه ياخي توقهنا

هذا ايميله

wsedik(@)sacm.org

roko

الله يسلمك من كل شر .. وبالمناسبه كل عام وانت بخير
ألف ألف شكر

roko
عاد تدري وش النكته خخخخخخ
فادي هذا زودن على زود يقولي ( أرسل لي أوراقك كلها الأصلية بالبريد العادي ورح قل لجامعتك تكتب تقرير مفصل كامل عن دراستك بالفترة اللي تبغاني أعوضك عنها وخلهم يكتبون لي فاتوره أصليه موضح فيها كل شي بالتفصيل ووش حقته بالضبط هالمدفوعات)
ياخي شي يغث , والله إن شر البليه ما يضحك , من ساعة ما عرفت إنهم ماراح يعوضوني وانا مستضحك خخخخ جايتني ضحكه غريبه لو تصكني كف فقعت ضحك
والنكته الثانيه خخخخ
هذا خويك وائل عياش مدري رامي عياش مدري وائل صديق خخخخخخ
طلعت مرسله بنفس الوقت اللي ارسلته لفادي وقالي بنتخذ الاجراء الازم بعد 7 أيام عمل , وحول الايميل لفادي , وفادي هذا عاد صكها بوجهي
على فكره .. وائل صديق ارسلت على ايميله اللي فيه m هذا

wmsedik(at)sacm .org
الله لا يحوجنا لأحد ياخي

اول شي مبروك الالحاق
اخوي انا مانيب ملتحق مثلك بس لي تجربة تدل ان الملحقية نظامها عالبركة
ارسلت اطلب تعويض سيفس ..
قالوا جيب ايصال تسديد سامبا !
قلت ضايع وانا اصلا ماابي تعويض فيزا
ابي بس تعويض سيفس وهذا ايصال المبلغ !
رد وقال هات ايصال سامبا !
قلت ياحبيبي ياحياتي محد طلبك تعويض فيزا .. ابي بس سيفس تعويض الفيزا حلال عليكم لانه ضايع الايصال
قال مانقدر لازم ايصال سامباا ! طيب وش دخل ايصال سامبا ياعزيزي .. ايصال السامبا عشان الفيزا وانا بس ابي سيفس فقط
تخيل حدود الشهر وانا ارسل وهم يردون رد واحد ( جيب ايصال سامبا ) .. انا شكيت اني اراسل واحد محشش !
آخر رسالة طلعت عن طوري وقلت والله اني لاشتكيكم انتوا تقرون الرسايل وتفهمونها ولالا ! ياحبيبي النظام تعوضني عن اي شي اجيب لك ايصاله وهذي الايصالات قاعد ارسلها لك تقريبا يوميا عشان تفهم وانت بس قاعد تنسخ وتلصق نفس ردك .. قاعد تصرفني انت
بعد كم يوم قال شيك على حسابك

الي ابي اقوله اذا قالت لك الملحقية ( لا )
ترى مو معناتها لا
معناها ايه بس بنطلع عينك شوي

انت اسأل وافضل شي تشوف هل سبق وعوضوا واحد نفس حالتك ولالا
وترى فيه اكثر من شخص في قسم التعويض ارسل لكل واحد فيهم بس مو على طريقة اقدر ولالا !
راسلهم على طريقة هذي الاثباتات وياليت ترسلون التعويضات باقرب فرصة مشكورين

بالتوفيق

العزيز تفاكير / بعد التحيه أما بعد
شكراً على رفع المعنويه , صراحه ردك اعطاني أمل خخخخ
واسأل الله الكريم رب العرش العظيم أن يعجل بفرجك وبفرج كل طالب يدرس على حسابه الخاص
لأن صراحه جربت معاناة 7 شهور عجاف دفعت فيها اللي وراي ودوني ومازلت أعاني منها وماودي إنها تطول فيكم مدة ضمكم بالبعثه
الله يسهلها عليكم
.
حكاية اسأل احد مجرب ؟ تصدق .! كل كل من عرفته عوضوه لكن ياخي مادري ليش وقفت علي انا يقول هذا النظام ما يسمح
لكن الله يعين
تحياتي + كل عام وانت طيب
وويابلادي واصلي

حبيبي اللي قاعد تراسله هذا ما عنده سالفه يبغا يطفشك بس انت انسخ الايميل هذا اللي كتب لك فيه هالشروط

وارسله مع شكوى لأيميل السبيعي المدير المالي تراه رجال محترم وساعدني قبل كذا وانا ما اعرفه ..