شهادة الثانوية كيف اترجمها واعتمدها؟ (منطقة الجوف)

السلام عليكم
انا من منطقة الجوف، وارغب في الدراسة على حسابي والان طلبو مني في الايميل ارسلهم الشهادة الثانوية مترجمة.
قالو لي في وقت الي هو اسبوعين يعني إن ماجاهم شي اقدم من جديد على ما اعتقد هذا الي جا.

طيب انا بالجوف كيف اترجم الشهادة؟
اترجمها من مكتب؟ او اسافر للرياض للتعليم اترجمها؟ او كيف الوضع بالضبط.
والخارجية وش قصتها؟

ياليت احد يدلني لو في مكتب يخلصهم لي باسرع وقت اريح من اني اسافر.

الشغلة الثانية او السؤال الثاني.
في معهد Learn English In USA | Study English | Courses, Programs | ESL Classes Denver CO
في كلورادو ، دنفر. هل هو معترف فيه او موصى به من الوزارة؟ يعني ادخله لانه متطلب من الجامعة الي هي اصلا موصى بها بس ماعندهم معهد فا قالو لي ادرس بهذا وبعدها ادخل عندهم.
هل يعتبر شغلي صح، او في مشكلة علشان بالعربي ابي بعدين احول على حساب البعثة إن ربي يسر.

وشاكر لكم.:plane:

وعليكم السلام ورحمة الله وبركاته
حي الله الجوف ومنطقة الشمال كلها
انا بقولك ياطويل العمر رح ادارة التربيه والتعليم اللي عند الدوار
وادخل ويترجمونها لك ع طول يطلعونها بساعه
اما لسؤالك الثاني
والله انا بانديانا
وما اعرف كيف نظام المعهد عندهم
واي خدمه انا حاضر
ومعك امانه سلم ع الجوف وربي مشتاقلهم
وكل عام وانت بخير

السلام عليكم

اخوي انا ترجمه الشهاده من وزاره التربيه والتعليم بالرياض واخذت يومين

من رايي انك تتجه بعد الاجازه لادارة التعليم بالجوف

تحياتي

هلا والله ويعطيكم العافية على الرد
وكل عام وإنتم بخير يارب.


على فكرة يحتاج مصادقة الوزارة؟ او الخارجية او مايحتاج هالامور؟

اقتباس:

---

هلا والله ويعطيكم العافية على الرد
وكل عام وإنتم بخير يارب.


على فكرة يحتاج مصادقة الوزارة؟ او الخارجية او مايحتاج هالامور؟

---

هلا بك

الله يعافيك

لا مايحتاج بس صدقها وخذ منها 15 صوره طبق الاصل

وتبي نصيحتي دامك مترجم ارفق معها شهادة حسن السيره والسلوك منت بخسران شي وصور منها 15 صوره واختم عليها صوره طبق الاصل

وعساك ع القوه يارب

السلام عليكم وكل عام والجميع بخير

اخوي انا ترجمت شهادتي قبل شهر من ادارة التربية والتعليم بالجوف وتقريبا اخذت اسبوع ولكن بالاساس هي ماتاخذ يومين ولكن سبب التاخير كان بسبب ان الادارة كانت مشغولة بنتائج الثالث ثانوي واتوقع بالكثير تأخذ يومين بس واذا جيت تترجمها لاتنسى تأخذ الجواز واتوقع صورة من البطاقة هذا اللي طلبوة مني اما بالنسبة لشهادة حسن السيرة والسلوك الموظف اللي ترجم الشهادة اللي يجزاة خير اعطاني نسخه من شهادة حسن السيرة والسلوك مترجمه وعليها بياناتي وماله داعي الخوف والله يوفقك ان شاء الله