مساعدة امريكا على حسابي ام فرنسا على حساب الدوله؟؟؟؟

علئ حساب الدولة فرنسا
واسال الشباب الي يدرسون علئ حسابهم الخاص
الله يوفقك

اطلب ربك الخيره بركعتين استخاره

وانا لو كنت محلك بطلع فرنسا

انا من ناحيتي ارشح فرنسا
منها تكسب لغتي الانجليزية والفرنسيه
وفرنسا ممتازه في الطب بس اهم شي تكون الجامعه قويه
وفرنسا قربه من السعوديه وسياحية وعلى حساب الدوله
وفي الاخير يضل الخيار لك
والله يوفقك ويوفقنا

اما لو جاتني هالفرصة بختار فرنسا وبدون تفكير .... على فكرة فرنسا من الدول الصناعية الكبرى ... وبما ان تخصص طب فأقول ان الطب في فرنسا قوي اكاديميا مثل المانيا ....

استخر وتوكل

يالغالي
وش رايك تعطيني بعثة فرنسا ... واعطيك قبولي في المعهد والجامعه اللي في امريكا
انا اقول روح لفرنسا ... والله يوفقك
وزي ما قالو الشباب ممكن تحول من فرنسا لأمريكا ... زي ما نسمع ناس حولو من كندا لأمريكا
بس ممكن تواجه صعوبة في التحويل ...

شهادة الطب لها اعتبارها من اي مكان بالعالم ... حتى لو من الصومال ( هههههههههه لاتصدق عاد )
اهم شيء تكون نسبتك حلوه اذا تخرجت ... عشان اذا بغيت تكمل الزماله وتتخصص في مجال معين .... راح تصير مفاضله على حسب المعدل ... لان بعض التخصصات يصير فيها زحمة
ولازم تعرف انك بعد التخرج راح تخش اختبار من هيئة التخصصات الطبية السعودية ... عشان يعطوك رخصة مزاولة المهنة

بس السؤال هوا ... هل لك رغبة حقيقية في دراسة الطب؟ وإلا عشان جالك قبول ولا تبغى تفوته
السؤال الثاني ... اذا رحت لأمريكا وش ناوي تخصص ؟ برضو طب

بالتوفيق

مشكورين وما قصرتوا ,,,

اما بالنسبه oska88 مشكور وماقصرت ماعندك مشكله تعطيني قبول واعطيك بعثه(لاحد يصدق)
اما الرغبه والله انها طب ولو ادرس في مكان سواء امريكا او فرنسا والله كريم,,,

على حسب ماسمعت بموضوع الطب

انو دول اوروبا افضل من امريكا بالتعليم في مايخص الطب

وخصوصا بريطانيا والمانيا ..

فرنسا ماعمري سمعت انو لها قوة في مجال الطب ..

لكن على كل حال اوروبا افضل من امريكا في مجال الطب بحكم انو اغلب التخصصات الطبيه في امريكا

مغلقه للأمريكيين وكثير من الأبحاث والتخصصات الطبيه لايسمح للأجانب بدراستها بحكم انها إنجازات طبيه لأمريكا ..

وبالتالي هبطت امريكا بسمعتها طبيا مقارنة بألمانيا وبريطانيا التي فتحت الباب للطلاب الأجانب

من جميع انحاء العالم لدراسة الطب وتطوير البحوث الطبيه ..

طبعا هذا الكلام اقولك اياه بحكم انو اعرف شخص يدرس طب حاليا ببريطانيا واخبرني بذلك من خلال بحثه عن امريكا ..


العيوب

دول اوروبا غالبا دراسة الطب تكون بلغة اهل البلد

يعني لو بتروح المانيا او فرنسا راح تدرس الطب باللغه الألمانيه او اللغه الفرنسيه

وهذي قد تكون ميزه وقد تكون سلبيه عند البعض لكن الموضوع راجع لك انت ..

وبوجهة نظري اعتبرها ميزه لأن اللغه الأنجليزيه مقدور عليها بأي مكان بالعالم ..

السلبيه الأخرى

الغلاء وهذي قد تكون هي السلبيه الوحيده بدول اوروبا مقارنة بأمريكا

فهي غاليه واغلى بمراحل من امريكا لكن في الغالب مكافأة الإبتعاث كافيه للطالب اذا اقتصد وعرف كيف يصرف على نفسه ..

ومن ناحية الإيجابيات فهي كثيره

اولا قربها من السعوديه مقارنة بأمريكا

ثانيا ترابط دول اوروبا مع بعض فهي ممتعه للسياحه والدراسه واكتساب الخبرات وتطوير المهارات ..

بإختصار

لو سألتني عن تخصص التسويق الإداره الإعلام الهندسه الفيزياء راح اقول روح امريكا

لكن لو سألتني عن الطب بقولك روح فرنسا او اي دوله في اوروبا ..

لأنها راح تفيدك في مهنتك ومستقبلك بدون ادنى شك افضل من امريكا ..



بالتوفيق لك


: )

مشكور وماقصرت ,,,

افدتني الف شكر,,,

اجل توكل على الله وروح فرنسا ... والصيف الجاي وانا عندك ... نبي نشوف كيف الطب في فرنسا

كل الدولتين فيها غربة
كل الدولتين فيها سياحة
كل الدولتين متميزة بالدراسة فيها
فيه فرق واحد و يمكن يكون عائق لك اللي هو عزيمتك للغة الفرنسية ، اذا كنت مستعد لتعلم اللغة الفرنسية ، توكل على الله
اذا كنت مقتدر و يمديك تسافر على حسابك اشوف امريكا افضل