الأعضاء الإشتراك و التسجيل

الملتقيات
ADs

هل امريكا حقيقه ولا خيال

هل امريكا حقيقه ولا خيال


NOTICE

تنبيه: هذا الموضوع قديم. تم طرحه قبل 2647 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

مشاهدة نتائج الإستطلاع: هل ترا موضوع مفيد ولا بايخ

المصوتون
29. أنت لم تصوت في هذا الإستطلاع
  • رائع جدا

    13 44.83%
  • جيد

    12 41.38%
  • مادري

    4 13.79%
  1. الصورة الرمزية brovdj
    brovdj

    مبتعث فعال Active Member

    brovdj الولايات المتحدة الأمريكية

    brovdj , ذكر. مبتعث فعال Active Member. من السعودية , مبتعث فى الولايات المتحدة الأمريكية , تخصصى هندسة , بجامعة كلية التقنية
    • كلية التقنية
    • هندسة
    • ذكر
    • الرياض, الرياض
    • السعودية
    • Oct 2009
    المزيدl

    September 13th, 2010, 09:58 AM

    بسم الله الرحمن الرحيم



    انا من بعض الناس الي كان يفكر ان امريكا حلم واكبر حلم في العالم والحقيقه انصدمت فيها

    بعض ناس يسال وش صار راح اقولكم ايش صار معي من المطار الى اليوم

    وصلت امريكا وانا كل خوووووف ورهبه من كلام ناس يفسخونك وميشونك على سير ومادري كيف ولاننسى الاعلام الكاذب

    - فلما وصلت اكتشفت انهم ناس يحبون بلدهم ويخافون عليها من اي خطر زينا احنا والمقريشن مبب ذاك الخطر صح انهم ساعدوني بعض الاشياء ولكن استقعدولي والله ثم الله يناس انهم مافتحو شنطتي سالني قال معاك اكل قلت لا قال مع سلامه ,,,,,,,,,,,,,,,,,,,


    - وصلت لما السفاره السعوديه في لوس انجلس وكانو جدا جدا محترمين معي بس الحمد الله انهم مرره عاملوني كويس حتى بعد السفير يقولي ليش كلفت على عمرك وجيت المفروض خلصت اوراقكك بالاميل


    - وصلت بلد الدراسه وكان المكتب الي متعامل معاه في سعودي جايب لي عايله زي ***** وانتم بالكرامه


    وصلت بالقطار وانواع الاتصال للعائله الين ماردوا وقالوا تعال بتاكسي قلت كيف وانا متواعد معاكم

    تعامل العائله معي كيف

    العائله عطوني غرفه مرره حلوه وكامل الخدمات قريب من المعهد بس مشكلتها انهم مايجلسون معي ولا يكلموني الا في الاسبوع مرتين وانا كذا ماني مستفيد شئ

    ومشكله الثانيه كان عندهم كلام مزعجه 3 وانواع النباح والوساخه

    وثالثه حاولو يستغلوني لاني سعودي ويعرفون ديرتنا مشاء الله كل واحد عنده لمبرقيني في البيت ويروح دوام بمزراتي

    وقفلت معي الاخلاق وطلعت منهم

    رحت ادور على على عوائل ولكن اكتشفت ان العوائل حظ ونصيب ولازم تدفع فلوس عشان يدورنك يعني زي منشار طالع ماكلين نازل ماكلين فتوكل على الله ورزقني في بيت حلوو الحمد لله يارب


    - ماهي مشاكل المعهد المعهد يعتبر من اقوى المعاهد في امريكا بس عيبه ان الكلاس سعودين فل فل مرررررره لدرجة يناس ان الكلاس كله سعودين واحد صيني

    واجهت مشاكل مع السعودين كثيره مرره كتشفت في ناس قراوه وناس حقين فله وناس مادري وشلون يفكرون

    المهم طبيت في عائله سعوديه الله لايوريكم ناس يحسبون نفسهم متفتحين لدرجة والله العظيم اني مرره جيت وجلست جو وجلسوا قدامي ودفو الكرسي على كذا عناد وحاولو انهم يضايقون في كل مكان اروح له

    لدرجة ان زوجه يوم دخل الكلاس شافين قال وش ذا قمت عليت صوتي وقلت اعوذ بالله من شيطان الرجيم وطلعوا

    يعني نصيحه ذولا ناس مريضه مبب كل السعودين

    المهم تعرفت على ناس زي العسل من ضمناها عائلات سعوديه والله يناس انهم كم يعزموني وكم مرره يجمعون الشباب في رمضان ماقصروا ويتصلون علي الله يجزاهم بالخير كانهم اهلي

    وياليت كل ناس مثلهم

    بعدين وش صار بدت الزحمه في ديرتي من سعودين وعيب الابتعاث انه يجمع بين الزين وشين في امريكا لان الناس يحسبون امريكا هي كل شئ في العالم

    ولكن امريكا والله بلد عاديه الامركان اصلان مايلتزمون في مواعيدهم تخيلوا رحت اطلع بطاقه ايدي جلس اربع شهور الين ماتيجي اي نظام في العالم يلطع المراجع كرهت حياتي ديرتنا الي مبب بلد الاختراع ماطول معاكك


    ومن ضمن الاشياء السيئه الي شفتها ان متشردين عد واغلط وين بلد الغنا ورا ذولا المتشردين مايشغلونهم اي شغل

    صح في بلدنا فيه ولكن فيه القلوب الرحيمه

    وبنسبه للقلوب الرحيمه اكتشفت ان بلدنا الحمد لله فيها خير مادام الاسلام عازها

    والله يناس ان قبل يومين جلست افكر وانا داخل اصلي صلات العيد شفت المنظمين صوماليه وافغانيه ولابسين ثوب وشماغ وجلست افكر قلت مشاء الله علينا نشرنا الاسلام وثقافتنا وصاروا الناس يقلدونا وهذا فضل من الله

    طيب وش المميزات في امريكا الي خلتني اجيها

    اولا بلد مرتبه كل شئ تحت قانون معين وناس يحبون ديرتهم ويخافون على مصلحت رعاياهم ويحاولون يجنبونهم المخاطر

    ثاني يمديك تحاكم اوباما او اي اكبر شنب في امريكا ومحاكم فاتحه ابوابها لك في وقت تيجي وتاخذ حقكك لو كنت مظلوم مبب زينا رح ديوان المظالم وتتحول لتميز وبعد فتره من زمان قد مات الجاني ومجني عليه والقاضي وصدر الحكم


    ثالث شئ تشوف ثقافات وناس وكيف تعيش صح ان الشعب الامريكي شعب عادي مافي شئ مميز وان الاعلام مكبره بس تحس انهم طيبين وسخين نفس الوقت ان كنت محترم احترموك وان كنت شنب داسوك

    رابع تسوي اي شئ يعجبك ان شاء الله تصر مفسخ ماحد يقولك ليش او لا تسوي كذا كل واحد مشغول في نفسه وماينصحكك الا واحد من جد يحبكك اما عندما كل واحد يدخل وش سوا الي جمبه

    واهم نقطه وهي التعلم الي فقدناها نحن بلد الحضاره الامم جميع الدول تطورة الا حنا ومع حنا من ساعد في تطويرها

    وحنا قعدنا على تحليل الاغاني ومشاكل الاختلاط وعلمانيه وهابيه وشيعيه والواسطه

    بلد تبي تطور انا عن نفسي ابي بلدي تطور وتصير احسن بلد

    ليش كذا وليش كذا وياليت حطو كذا وكذا بعدين تصير كذا

    لا ماراح نقول ذا الكلام لازم بلدنا يسون مسح كامل وشامل لعقول الناس الي ماتبي التطوير او يحاولون يطفون الاسلام

    الاسلام هو اساس التطوير في العالم علمنا وشلون ننظم وقتنا هل فينا احد سعودي ملتزم في وقته

    الاسلام علمنا نصيحه مبب الالقافه كم مرره تلقفت على ناس وانت ماتدري

    الاسلام علمنا وشلون نحترم من هو اقل من مكانه ومرتبه في معيشه هل منا احترم عامل النظافه

    الاسلام علمنا النظافه هل نحن نظفينا هل شوارعنا نظيفه من تنظيف المواطن لا

    الاسلام علمنا ان نكون نظامين ونوفي بالوعود هل كلنا كذا لا

    الحين عرفنا ليش هم مايبون يتطورون ويحاولون انهم يحاربوا الاسلام بتطور والتطور بالاسلام بالعكس

    عمرنا ماراح نفوز في ذا المعركه لانهم هم اساس بعض الاسلام هو تطور وهو التحضر

    اخر كلامي هو اننا نطور بلدنا ونخليها افضل بلد في العالم عسا يوم من الايام نرجع عزت الاسلام ولا يقدر احد يمسك المصحف الا وهو خاشع له



    ---------------------------------------------


    اعتذر للجميع على الاخطاء الاملائيه او بعض السطور لان الكيبورد حقي انجليزي ومشكورين


  2. المشاركة الأصلية كتبت بواسطة البلوز
    كلام أقل من عادي ولا فيه جديد وأحس من الكلام إنك شايف نفسك إتق اللله


    انت ماقريت الموضوع الا من بدايته ارجو ان تعيد موضوع مره اخرى لانكك ماتحب تقرا وتقرا رؤس الاقلام

    مثل الحمام ان يلقط بذرات الخبز
    7 "
  3. موضوع حلو بس شكلك مستعجل وانت تكتب
    كنك قاعد تركض وأنت تكتب هههههههههه

    حلو إن الواحد يطلع باستنتاجاته ويشارك بها الأعضاء رغم إني اختلف معك في بعض النقاط والمفاهيم لكن بالعموم كلامك صحيح

    الله يعطيك العافية وبالتوفيق
    7 "
  4. مشكور ع اهتمامك بديرتك وبالتطور
    بس انااييد الاخ تفاكير
    كانك تكتب وانت واقف او تكتب وانت مانمت لك يومين
    يعني يعطيك العافيه بس طرحك للموضوع مافيه تسلسل وتكتب فكره وتقطعها وتنط لفكره بعيده
    وفيه شغلات انا مافهمت وشو اللي تبي توصله بالضبط
    وعندك تناقض في توصيل الفكره
    احس اسلوبك يميل للطفوله اكثر
    اذا بتطرح شي لازم تركز فيه كل الاعضاء هنا مثقفين واغلب المواضيع تلقى صاحبها كاتبهابوضوح ونضج تستمع بالقراءه وتفهم مغزى الفكره انت بصراحه شتتني
    عموما موضوع فكرته حلوه بس ركيك في التماسك والطرح
    ع العموم الله يوفقك وردك لاهلك سالم غانم وكل مبتعث
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.