الأعضاء الإشتراك و التسجيل

الملتقيات
ADs

مساعدة متوووهق وابي شـــوركـــم !!!

مساعدة متوووهق وابي شـــوركـــم !!!


NOTICE

تنبيه: هذا الموضوع قديم. تم طرحه قبل 2688 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية عزوز مبتعث
    عزوز مبتعث

    مبتعث جديد New Member

    عزوز مبتعث الولايات المتحدة الأمريكية

    عزوز مبتعث , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى محاسبة , بجامعة ايداهو
    • ايداهو
    • محاسبة
    • ذكر
    • pectolle, ايداهو
    • السعودية
    • Jul 2010
    المزيدl

    September 13th, 2010, 01:24 PM

    اهلين اخواني واخواتي المبتعثين ...

    اول شي احب اهنيكم بعيد الفطر المبارك واقول عساااكم من عوادهـ يا رب ...

    وودي ابلغكم ان رحلتي يوم 29 سبتمبر الموافق 20 شوال ... من مطار الملك خالد الى واشنطن على الخطوط السعودية ...


    وراح تكون دراستي في ولاية ايداهو ...

    ويا ليت اللي رحلته على نفس رحلتي ... يعطيني خبر ... لاني متوووهق من جد ... وطاااازهـ


    او يراسلني على الايميل ....

    (تم حذف الإيميل لأن عرضه مخالف لشروط المنتدى)


    اخوووكم

    عزوز مبتعث
  2. يارجل لاتحاااااااااااااااف ابد انا ما اعرف يس ونو الا يوم وصلت امريكا
    ورحة على الخطوط البريطانيه وحصلت واحد بعد زيي عطونا اوراق ولا عبيناهن ولا سوينا شي المهم الحمد لله مشت امورنا زي العسل
    توكل على الله ورح ولا يهمك شي الامور تراها سهله مره
    7 "
  3. اول ما تروح للمطار بيعبون لك اوراق وانت بالمطار

    دخل شناطك ووسع صدرك وتطمن ..

    تذكر .. جوازك + الاي توني .. هذي لازم تصير بيدك .. لأنك كل شوي بتطلعها

    بيعطونك اوراق بالطيارة بتعبيها .. ما تدري وش هي الاوراق .. اضغط زر المضيفة .. وهي تجي تعبي لك اياه .. صدقني الموضوع سهالات .. بس الوضع اللي انت فيه انا جربته .. وهو انك ما تدري وش بيصير لك وما تدري اذا صار شيء وشلون بتتصرف

    لا ما عليك موب صاير شيء ابد .. حتى عقب ما توصل لديرتك وتستقر .. وتبدا تتذكر شكلك وانت جاي لامريكا .. بتضحك على نفسك

    بتوصلون لامريكا بالسلامة ان شاء الله .. وتذكر .. جواز والاي توني والاوراق اللي عبيتها بالطيارة تصير بيدك مهمممة

    شف العالم وين تنزل معه ورح معهم .. بيسألونك كم سؤال .. غالبا الاسئلة .. وش بتدرس .. وين رايح اي جامعة .. وش تخصصك ..

    والله ما فهمت عليهم مثلا او مرتبك .. قلهم ( I'm sorry ... I don't speak english )

    بيحطونك بصالة بيقولون لك ريح لما ننادي اسمك .. بيصير فيه مشرف من الملحقية يراقب وضعكم .. موب شرط يجي يكلمكم ..

    بس انه عادة يصير عن حق الجوازات لو صارت فيه اشكاليات ..

    بتستلم جوازك والاي توني .. بيقول رح استلم شناطك .. بتستلم شناطك .. اطلع مع الباب .. بتلقى بوجهك لوحة الملحقية السعودية .. و واحد جالس عندها ..

    قله انا سعودي .. بياخذك انت وشناطك وبيوديك عند مصري اللي هو ينتظركم عند باب المطار علشان يوديكم للفندق .. بتاخذ لك غرفة .. وبيعطونك نماذج تعبيها وانت بالفندق ..

    خلصت وعبيت النماذج .. خلاص ما بقى شيء الا النوم .. لأنك بتكون منهلك ..

    بتقوم من بكرا الصبح والمكان متغير عليك

    بتطلع للووبي .. وبتلقى السعوديين هناك .. سولف وافطر وفلها .. لما يجون الملحقية وياخذونكم .. وبيقعدون يعلمونكم وش تسوون ما تسوون

    وصل الله وبارك .. وهذي هي الرحلة حقتك ان شاء الله

    بالتوفيق
    7 "
  4. اخوي عزوز :.


    اول شي اقول لك مبرووك ما شاء الله جت رحلتك .. >> تو للحينت ما جاء قبوله . هع هع
    ثاني شي انت لآ تخاف كل المسأله من المطار الملك خالد وعلى طول لوآشنطن وإذا جت رحلتك للولايه او المدينه بمجرد انك توري التذكره حقتك للسكيورتي او حقين المطار يعرفون وين رحلتك و الامريكان انا مجربهم ما يقصروون ويحبون المساعدهـ ..










    ادع لي ان الله يحقق حلمي ويجين قبولي بامريكا ..

    7 "
  5. المشاركة الأصلية كتبت بواسطة عزوز مبتعث


    وعندي كم سؤال بس أحس كثرت عليكم بالاسئلة


    خذ رآحتك كلنا لك يآ الغالي .. اي إستفسآر او شي تفضل لان المنتدى اسم على مسمى مبتعث اي إستفسار ان شاء الله انا ما اقصر و اخواني واخواتي ما يقصرون معك اي إستفسار بالايميل غدخل على نكي بتلاقي إيميلي ضيفني إذا عندك اي استفسار ... في البوم حقي تلاقيه : )

    والله الموفق

    ادع لي ان الله يوفني
    7 "
  6. السلام عليكم ورحمة الله


    صباح / مساء الخييييييير ع الجميييييييع

    بالنسبة لي أخوي عزوز راح أروح إن شاء الله في 4 أكتوبر يعني بعدك بخمسة أو ستة أيام

    يوافق 25 شوال


    ورايح ولاية آيداهو مدينة بوكاتيلو والمعهد معهد ELS

    أتمنى لك التوفييييييق وتروح بالسلامه

    ووسع صدرك زي ما قالوا الشباب ترى الأمور سهلاااااااااات

    وأي خدمة أنا حاضر وأنا أخوك (لا يردك إلا الكي بورد)

    وشكرا





    7 "
  7. ربي بيسهل عليك كل امورك دامك نياتك انك تجتهد بتعليمك ..
    واذا تعرف انقلش كويس ماراح تتوهق ابد وتقدر تسال اول ما توصل المطار..
    اما ان كانت لغتك مو مره لازم اكيد تقرا عن الخطوات وايش لازم تسوي بالضبط واهلك بيساعدونك اكيد بس صدقني مررره الامور سهله
    Don't worry

    وانشالله ربعنا يساعدونك موفق p:
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.